الحمد لله ركبت التكييف أخيراً

[SYD]

الف مبروك يا حسين
ربنا يباركلك في التكييف
احكيلنا ايه حوار الجولف 4 دة بالظبط وهل له علاقة بقوة التبريد ؟

تحياتي

[egman]

اصل انا اعرف ان الكومبريسور فى حدود 800 جنيه والتركيب فى حدود 1000 جنيه شامل كل حاجة
بس كده تمام قوى ربنا يباركلك فيه

بص هو ميزة الفيميه ده ان فيه منه شفاف وهتلاحظه فى العربيات المرسيدس والبى ام والفولكس الحاجات العالية دى
هتلاحظ ان الزجاج ميزرق شوية (أزرق) لان هما بينزلو فبريكة كده بالفيميه ده

ده اللينك بتاع التوكيل فى مصر بس امانة عليك لما تدخل على صفحة الأسعار بلاش تشتم او تدعى عليا عشان احنا فى رمضان

v-kool egypt

ما اقدرش اعمل كده معاك يا كيمو انت حبيبي والله

حلوة الشمس مالها الشمس جميلة مش مهم احس بالتكييف بالنهار خليه بليل بس ههههههههه

تسلم يا باشا كفاية انك تفضلى معلومة جديدة انا ما كنتش اعرفها ...


على فكرة يا كيمو 400 جنية دول مصنعيه الكهربائي بس فك وتركيب التابلوة وتركي الكويل ووصلات الكهرباء ده غير فلوش الشحن والكتاوت والسلك شوية رفايع كده وغير حق تركيب تطقم التبريد .

[egman]

الاسعار بتاعه الفاميه كااام


من 3300 ل 9950 ليه تفيم ايه ده تفيم بسعر نص كامل ليه يا عم مش مهم الواحد يوفر بنزين مش مهم حتى التكيف كاله التفيم اللى انا حاطه ماهو حلو ولا اقولك انا هجيب تفيم رش احسن

يا باشا ما هى كل حاجة وليها تمنها ، لكن عموما علبتين اسبراى اسود وكله هيبقى تمام هههههههه

[egman]

الف مبروك يا حسين
ربنا يباركلك في التكييف
احكيلنا ايه حوار الجولف 4 دة بالظبط وهل له علاقة بقوة التبريد ؟

تحياتي

الله يخليك ويبارك فيك يا ابو السييد .

بص يا باشا بما انا اول مرة تكييف وما جربتش تكييف الايبيزا قبل كده لكنى شوفت الكويل بتاعها من ناحية الحجم بتاع الجولف 4 اكبر منه بفرق كبير اما الاداء فالكهربائي والميكانكي اكدولى انه اداءه افضل كتيييييييييير وهو باين عليه من الاداء ما شاء الله .


انا مش عارف اية حكايتى مع الجولف 4 والتعديل ليها لو تفكروا انا مغير الصالون عندى لجولف 4 برده بدون اى قطع ولا لحمات فى العربية وان شاء الله هصورهلكم وعلى فكرة أ / حسام الصادق وا / احمد اباظة شافوه واعجبوا بيه وبحالته وبالشغل فى التركيب .....

[Mody_Benz]

الف مبروك عليك تركيب التكييف يا باشا
انا هجيب قريب ان شاء الله نفس الحجات اللى جبتها بما انى معايا كوردوبا 97 كل حاجة فيها جاهزة للتكييف
زى (كويل , كومبريسور , لكن طقم التبريد الصغير وليس الكبير ) هغير ان شاء الله الكويل لانه تعبان جدا وهغير طقم التبريد واجيب الكبير ابو مروحتين

ياريت حضرتك تقولى جبتهم منين وهل كله من محل واحد ولا كل حاجة من حته مختلفة ؟

ورمضان كريم

[egman]

لأ والله يا باشا من كذا محل فى الحرفيين وهما موجودين على طول لا تقلق ومجال الاختيار كبير وبالتوفيق ان شاء الله

[S O P H O S]

الف مبــروك