مراية الصالون اتخلغت من مكانها

[amr zaid]

مراية الصالون اتخلغت من مكانها من الازاز اللى قدام .........واحد ((الله يسهله بقى )) كان بيغسل العربية وشدها جامد اتخلعت فى ايده
حدش يعرف بتتعمل فين ؟؟؟؟
وهل لها نوع لحام معين عشان ما تتخلعش تانى ؟؟؟

[Karim Ibiza]

هات من عند اى حد بتاع قطع غيار حاجة اسمها "مادتين" ودى عبارة عن انبوبتين معجون تخلطهم على بعض يعملوا لزق حديد وتقدر تلزق بيهم اى حاجة

[windofchange]

وخد باللك وانت بتلزقها تكون فاتح الشماسات عالاخر علشان لما تتلزق تكون في نفس الوضعية السابقة ومتعملش عائق لما تفتح الشماسات

[hossamalsadik]

أسمه ايبوكسى Epoxy وديه صورته فى منه انواع من 6ج ل 25ج وتعليمات الاستخدام مكتوبه عليه وطرقته فى الأستخدام يتم خلط الانبوبتين ببعض ولزق بيه المرايا فى نفس موضعها الأولانى
وفى اماكن بتعمل الشغلانه ديه مركز دكتور خالد لاصلاح الزجاج واى حد بتاع زجاج بيعمله بس الموضوع سهل ممكن تعمله بنفسك

[Mahmoudelsayed]

الايبوكسى الشفاف عشان ميعملش اثار فى البريبيز

[amr zaid]

مشكورين ياجماعة ....... نجاملكم ف الافراح ان شاء الله

[tameem2010]

سهله خالص اي حد بتاع زجاجا هيعملها لك في دقيقه بس الاهم انك تخليه ينضف اللزق القديم قبل ما يحط الجديد عان فيه ناس بتستسهل بس المشكلة انما طالما اتكسرت مرة يبقى خليك متعود على كده كل شهرين تلاتة تروح تعمل زيارة لبتاع الزجاجا يلزقها لك تانى !!!!