توليدو ولا جولف 4 مستعمل

[EL_ZANATY]

دلوقتي انا بعد بحث مضني و كنت هاجيب التوليدو زيرو خلاص.المهم حصلت ظروف و مش هينفع ف بافكر في مستعمل يكون كويس المهم فكرت في السيات التوليدو برضه بس من 2001 ل 2003 و طبعا مش لاقيها هما 3 عربيات بالظبط اللي لقيتلهم اعلانات و مش عارف ايه ظروفهم و قلقان من جو قطع الغيار و الحاله و الكلام ده مش عارف هيتعبني ولا لا
المهم جت قدامي برضه جولف 4 و طبعا فيه فرق سعر بتاع 20 الف بس انا محتار جدا مش عارف اعمل ايه و هتجنن التوليدو عاجباني و عمليه عشان الشنطه طبعا بس الجولف بيتهيألي قطع غيارها و شغلها عند الميكانيكيه اسهل و موجوده اكتر و اختياراتها متوفره شوفت اكتر من 10 كويسين في الاعلانات
معلش انا بطول شويه بس انا باعتبر القسم هنا مرجع ليا و الناس اللي هنا فاهمه و مش هتبخل بالمعلومات

[Karim Ibiza]

شوف الكوردوبا 2000-2002 او 2006
اصغر من التوليدو بشوية بس بشنطة مش هاتش باك زى الجولف

[hossamalsadik]

http://www.nilemotors.net/Nile/277803-a.html

الجولف 4 شنطتها مش صغيره للدرجه وقطع غيرها منتشره بكثره بس لو عاوز سيدان ديه حاجه تانيه
عندك خيارات فى السيات الكوردوبا وفى vw البورا والباسات

[EL_ZANATY]

هو برضه فرق السعر مغري بس الخوف من الحاله او اني اجيبها و تقرفني عند الميكانيكيه كل شويه و يقرفوني

[حسام زكى]

الجولف 4

[hossamalsadik]

منتا هتعتمت ميكانيكى وكهربائى ليها وعندك فى الموضوع المثبت ورش الصيانه من تجارب الاعضاء هنا اختار الاقرب ليك
واى عربيه جديده عليك بتتعب شويه لحد ماتعرف فين أعمل صينتى ومنين أشترى حجتها وكده وبعد كده الدنيا تمشى
أمال عاوز تركب ألمانى وبسعر كورى من غير متتعب شويه
وبرضوا الناس معاك هنا فى اى استفسار

[EL_ZANATY]

هو طبعا واضح من ارائكم انكم شايفين ان التوليدو اختيار مش صحيح و ده عشان قلة وجودها و صعوبة التعامل و الجولف بالنسبه لها بيتهيألي هتبقي في سهولة ال 128 هههههههههههههه
ان شاء الله هحاول اتفرج علي التوليدو مع الجولف و اللي فيه الخير بقي يقدمه ربنا اللي هيحسم قراري ناحية الجولف لو الشنطه حجمها كويس عشان الاسره و السفر و كده

[blazer]

على فكره الاوكتافيا a4 والجولف 4 والبورا و التوليدو نفس الماتور والفتيس و الشاسيه و مشترك بينهم قطع غيار كتير جدا و يمكن الختلاف فى بعض المكونات الكهربائيه و العفشه تقريبا مش مختلفه كتير
الى هيتعبك فى التوليدو يمكن القطع الخارجية زى الفوانيس و البودى و الاكصدامات


لو مكانك هدور على اوكتافيا a4 ثم بورا او جولف