حاجة غريبة في ال ..اوكتافيا a4 1998

[spider6666]

السلام عليكم جميعا
حصلت معايا حاجة غريبة في عربيتي الا a4موديل 98 اوتوماتيك
المشكلة انه اول ما بركب العربية وادور واسخن حبة واجي اطلع بيها
الاقي العربية السلانسية في الطلوع بطيء جدا لدرة انه ساعات ما بتطلعش لوحدها لازم ادوسلها بنزين..والكلام ده مش في مطلع لا بالعكس الكلام ده والعربية واقفة مستوية...وبامشي بيها الاقي العربية سحبها ضعف جدا وكمان في حاجة الاقي الار بي ام بيجيب ال 3000 و 3500 وهي ماشية على 60 فاضطر اهدي في المشي لما باجيب ال 70 الاقيها في ال 4000
فاروح واخد جنب ومبطل العربية ومدورها تاني واطلع بيها الاقيها ضبطت معايا والسحب بقى تمام والعربية بتطلع لوحدها سلانسية كويس وكمان الار بي ام بيضبط في السرعات بعد كده
ممكن حد يقولي اعمل ايه في الموضوع ده لانه بقاله اسبوع معايا ومش عارف اعمل ايه فيه
ارجوا الافادة وشكرا

[gebreel]

هو انا مليش اوي في مشاكل الاوتو بس ممكن يكون حساس السرعة بتاع الفتيس مهيس بس ده تخمين مش اكثر

[Fadi Ezzat]

غالبا دة حساس الفتيس
gearbox speed sender G37

[amroebraheem]

السلام عليكم جميعا
حصلت معايا حاجة غريبة في عربيتي الا a4موديل 98 اوتوماتيك
المشكلة انه اول ما بركب العربية وادور واسخن حبة واجي اطلع بيها
الاقي العربية السلانسية في الطلوع بطيء جدا لدرة انه ساعات ما بتطلعش لوحدها لازم ادوسلها بنزين..والكلام ده مش في مطلع لا بالعكس الكلام ده والعربية واقفة مستوية...وبامشي بيها الاقي العربية سحبها ضعف جدا وكمان في حاجة الاقي الار بي ام بيجيب ال 3000 و 3500 وهي ماشية على 60 فاضطر اهدي في المشي لما باجيب ال 70 الاقيها في ال 4000
فاروح واخد جنب ومبطل العربية ومدورها تاني واطلع بيها الاقيها ضبطت معايا والسحب بقى تمام والعربية بتطلع لوحدها سلانسية كويس وكمان الار بي ام بيضبط في السرعات بعد كده
ممكن حد يقولي اعمل ايه في الموضوع ده لانه بقاله اسبوع معايا ومش عارف اعمل ايه فيه
ارجوا الافادة وشكرا

اخى الفاضل spider6666 اولا من واقع احتكاكى كثيرا بمهندس الصيانة بتاعى واللى ربنا يباركله دايما لما يجى يعملى اى مشكلة فى السيارة بخلاف اعمال الصيانة العادية بيحب انه يشرحلى كل شئ .انصحك ان تكشف على مستوى زيت الفتيس اولا ومن ثم تكشف على الكمبيوتر واذا كانت شكوتك من الفتيس سيتضح كل شئ والسلام عليكم ورحمة الله وبركاته

[kareemafifi]

باشا السلام عليكم الاول انا كان عندي كده بردو و كان البوابة محتاجة تتغير ، جرب كمان تشغلالتكييف هتلاقي ال ار بي ام نزل تحت جامد ، انا متأكد انها بوابة و ان شاء الله تكون بسيطة هي بحوالي 500 استعمال

[daaark]

لالا يا باشا الحوار ده حصل مع واحد صاحبي معاه نيسان صني اتوماتيك وانا توقعت انه الفتيس بيطلع علي التالت علي طول من غير ما يدي اول ولا تاني و فعلا رحنا للميكانيكي وفسرها نفس التفسير وكان حل المشكله انه عمل ريسيت لكنترول الاتوماتيك ( شال الفيوزات و حطها تاني ) ورجعت زي ما كانت و زي الفل ماتقلقش جرب كده الموضوع ده وان شاء الله ميكونش في مشاكل

[spider6666]

انا متشكر ليكم يا جماعة وعموما انا هاجرب كده الاول الفيوزات وموضوع الريسيت للكونترول وهانظف البوابة والحساس ونشوف ايه الاخبار ان شا ءالله خير

[rompo10]

شوف زيت الفتيس