بتعملوا صيانة للأوكتافيا فين فى اسكندرية

[eslam3000]

السلام عليكم يا احلى أعضاء

كنت عايز اعرف من كل الأوكتافياوية بتعملوا صيانة فين فى اسكندرية للأوكتافيا بتاعتكوا

طبعا التوكيل نور الدين معروف بس فى ناس كتير مبتفضلوش عشان غااالى

ويا ترى احنا عندنا فى اسكندرية مهندسين محترمين كانوا شغالين فى التوكيل زى ما موجود فى القاهرة


تحياتى لكم

[eslam3000]

انا عملت صيانة مرة فى الكويت و الدول العربية على الصحراوى قدام التوكيل من الناحية التانية

و دلوقتى بعمل عند اللى كان موجود فى اخر شارع النصر بس دلوقتى نقل على اخر شارع جرين بلازا برة
بس أخر مرة روحتلوا معجبنيش بصراحة غير انوا بياخد وقت طويل قوى عبال ما حد من اللى شغالين عنده يفضوا

انتوا بتعملوا صيانة فين بقا يا جماعة و مين أحسن واحد فى رأيكوا ؟؟

[eslam3000]

أيه يا جماعة فين الأسكندرانية اللى فى قسم سكودا ؟؟؟؟

[aly_attia5]

المهندس احمد هريسه في محطه الرمل

[samoreception]

والمهندس احمد هريسة حضرتك عنده ورشه ولا مركز صيانة
وانا عاوز اغير الطنابير وتيل الفرامل الامامى والخلفى لاوكتافيا 2007 هل اغيرهم فى الوكالة اضمن عند نور الدين ولا اروح لورشة
وياريت لو حد يعرف اسعار طنابير الاوكتافيا a5 وتيل الفرامل الامامى والخلفى وامته المفروض اغير زيت الفتيس وهل اى حد ممكن يغيرة ولا لاززم الوكالة وجزاكم الله خير

[kareemafifi]

مركز تي فاج علي اول الزراعي ناس ممتازة و عندهم قطع غيار اصلي كلها و شغلهم مظبوط و الصراحة بيفهموا اوي دول االي كانوا في شارع النصر قدام جرين بلازا

[samoreception]

الف شكر يا باشا على الرد وان شاء الله اجربهم قريب لانى عاوز اغير تيل امامى وخلفى و4 طنابير فى اوكتافيا a5 موديل 2007
حضرتك متعرفش ممكن يكون سعرهم كام ؟

[destaroser]

Car Fix متخصصين أوكتافيا واحسن من التوكيل 100 مرة , في مهندس محترم كان شغال في التوكيل ومعاه مهندس لكهربيت العربية واعطال الكمبيوتر وكل الصنايعية الى عندة كانو شغالين في التوكيل ..... عندة كل حاجة ميكانيكا- كهرباء- دوكو- سمكرة .....هو مش ورشة ده حاجة عاملة زي التوكيل عندة استراحة للعملاء ومخزن قطع غيار أصلى - مش غالى زي التوكيل ومش رخيص زي الصنايعية......أنا معايا A4 وباتعامل معاهم من أول ما فتحو من سنة ونص تقريبا ناس ممتازة.مكانهم ادام توكيل صيانة BMW الى بعد الموقف الجديد
لو عايز تروح ابقى قولى وانا اوصي عليك المهندس محمد....... واي خدمة يا باشا

[samoreception]

شكراا جدا على المساعدة بس ممكن اعرف فين الموقف الجديد ده وهل لو فى رقم للمهندس محمد

[destaroser]

الموقف الجديد بعد مرور محرم بيك ........ورقم التليفون حابعتهولك على الخاص.

[samoreception]

الف شكرررررررر لحضرتك ولذوئك وان شاء الله اروحله قريب لانى عاوز اشد العربية واغير كذا حاجة زى الطانبير والتيل والزيوت والفلاتر والكاوتش

[destaroser]

تأمر يا باشا ولو عايزنى اكلمهولك قبل ما تروح ابقى قلى.

[samoreception]

يا ريت بس لو تبعتلى رقمه وانا ان شاء الله هكلمه قبل ما اروح وشكرا لتعبك

[destaroser]

بعتهولك على الخاص

[samoreception]

انا فتحت الرسائل عندى على الخاص مفيش حاجة