فوكاس 2012 ولا فانتازيا 2012 ؟؟؟؟؟

[AhMeD MeTwAlY]

يا ريت محدش يتكلم عن الفانتازيا بدون تجربه عمليه للقياده بمختلف الطرق
الفانتازيا تسارعها من 0-100 في 12 ثانيه تقريبا ودا معدل معقول يعني فين مفيش جري والكلام الي بنتكلمه

[Ahm662]

أنا ركبت فوكاس ٢٠١٠ و فانتازيا ٢٠١١ بصراحة فرق كبير في صوت الموتور (بتاع الفوكاس صوته خشن ) . الفانتازيا كفخامة أفخم بكتير يعني تحس انها فئة أعلي من الفوكاس. من ناحية السحب بصراحة سحب الفانتازيا ممتاز (أنا ركبت الفوكاس مجرد راكب مش سواقة ) . بس حكاية كرولا ١٣٠٠تعدي من فانتازيا (واسعة اوي دي ) الا إذا كان صاحبها خايف يدوس علي البنزين

[Mohamed Elnagar]

علي فكره الكورولا الي معايا بتجيب تقريبا من 0-100 في 11ثانيه
انا علي فكره جربت الاوكتافيا فانتازيا اكتر منك وانا متاكد من ده اخويا معاه واحده وصديقي المقرب معاه واحده فركبتها وسوقتها اكيد اكتر من حضرتك وعارف العربيه دي كويس
الفوكاس 2012 متغيره بالكامل في الماتور فبلاش نقول 2010
انا بحب عربيتين في الرينج 180 -190 الف الفوكاس مع خوفي من الفتيس الجديد والسيفيك.مع عدم اقتناعي بشكلها ولكن ركوبه وماتور لا موضوع وحوار تاني
وعلي فكره اه الالنترا عربيه بتجري. وتغلب الكورولا في الجري لكن اليباني يباني يكفي لما تدخل وتشوف خامات التابلوه هتعرف مين الافضل لما تروح تتفرج علي المنتديات السعوديه وتسال عربيتك الكورولا ماشيه كام يقولك 340 الف كيلو ولسه مفيش عمره او خلل وبجيب بيها 210 عادي (الماتور 1600 و1800)
الصراحه انا لغايه دلوقت شايف ان الكوري منظر وجري وماتور طياره لكن فين الامان فين الخامات النضيفه
علي فكره اختي معاها accent rb 2012 يعني انا بقول علي تجاربي
واسف علي الاطاله

[mody3on]

أنا ركبت فوكاس ٢٠١٠ و فانتازيا ٢٠١١ بصراحة فرق كبير في صوت الموتور (بتاع الفوكاس صوته خشن ) . الفانتازيا كفخامة أفخم بكتير يعني تحس انها فئة أعلي من الفوكاس. من ناحية السحب بصراحة سحب الفانتازيا ممتاز (أنا ركبت الفوكاس مجرد راكب مش سواقة ) . بس حكاية كرولا ١٣٠٠تعدي من فانتازيا (واسعة اوي دي ) الا إذا كان صاحبها خايف يدوس علي البنزين

على فكرة انا بتكلم عالفوكاس 2012 , عربية تانية خالص وكانت 102 حصان عشان كده سحبها ضعيف
معلش اصلا المقارنة ظالمة للفانتازيا اللي راحت عليها , ممكن لما ينزل الشكل الجديد منها نبقى نقارن , لكن دلوقتي الفوكاس الهايلاين ب 185 الف والفانتازيا هايلاين ب 215 الف يعني فرق 30 الف , ده غير ان الفوكاس الماني و 125 حصان والفانتازيا تشيكي و 102 حصان

[HAITHAM1985]

الفانتازيا ألمانى مش تشيكى ........ سكودا تابعة لمجموعة فولكس فاجن الألمانية منذ عام 1991

[AhMeD MeTwAlY]

اي كان مكان المصنع يا جدعان الانتاج تحت رعاية vw يعني الماني في اعتراض علي كدا
انا عربيتي في اجزاء منها عليها علامة فولكس واودي ودا فعلا تم انتاج العربيه تحت رعايتهم

[mody3on]

الفانتازيا ألمانى مش تشيكى ........ سكودا تابعة لمجموعة فولكس فاجن الألمانية منذ عام 1991

سكودا تشيكي والله , مش عشان تبع vw تبقى الماني ماهي القشقاي نيسان يعني ياباني المفروض لكن هي بتتقفل في انجلترا
طبيعي السكودا يكون فيها قطع فولكس لانها نفس شاسيه الجيتا بس تقفيل تشيكي

[mody3on]

اي كان مكان المصنع يا جدعان الانتاج تحت رعاية vw يعني الماني في اعتراض علي كدا
انا عربيتي في اجزاء منها عليها علامة فولكس واودي ودا فعلا تم انتاج العربيه تحت رعايتهم

الانتاج بيبقى تحت رعاية سكودا مش vw , ومفيش سكودا بتتصنع في المانيا اساسا لانها مبتنزلش في المانيا

[temo85]

سكودا تشيكي والله , مش عشان تبع vw تبقى الماني ماهي القشقاي نيسان يعني ياباني المفروض لكن هي بتتقفل في انجلترا
طبيعي السكودا يكون فيها قطع فولكس لانها نفس شاسيه الجيتا بس تقفيل تشيكي

بالظبط كده

[AhMeD MeTwAlY]

History موقع سكودا دولة قطر

http://en.wikipedia.org/wiki/%C5%A0koda_Auto

بشمهندس مش بجيب حاجه من عندي يا ريت تشوف الرابط وبعدين تتكلم وانزل لاخر سطر موجود

[mody3on]

History موقع سكودا دولة قطر
Škoda Auto - Wikipedia, the free encyclopedia
بشمهندس مش بجيب حاجه من عندي يا ريت تشوف الرابط وبعدين تتكلم وانزل لاخر سطر موجود

هو حد قال انها مش تبع vw يا باشا ؟
طب بص في اللينك بتاع وكيبيديا positioned as the entry brand to the group يعني اقل ماركة في الجروب كله :)
ومكتوب كمان في اللينك بتاع حضرتك
Manufacturing facilities in China, Czech Republic, India, Kazakhstan, Russia, Slovakia, Ukraine
فين المانيا في دول معلش ؟

[Mohamed Elnagar]

وعلي اساس ان فولكس دلوقت كويسه بالفتيس اﻷي مش مناسب مصر خالص
دي عربيات تحزن بتخسر ب80000الف جنيه بسبب الفتيس
انا عارف ان الاوكتافيا فتيس اتوماتيك عادي

[samoreception]

بالمنطق والعقل استحالة انى الفورد فوكاس تتفوق على الاسكودا اوكتافيا بجميع المقايس
وده كلام برده عن تجربية للعربيتن فى الامارات وسفر شبه يومى بيهم من دبى لابو ظبى

[mody3on]

بالمنطق والعقل استحالة انى الفورد فوكاس تتفوق على الاسكودا اوكتافيا بجميع المقايس
وده كلام برده عن تجربية للعربيتن فى الامارات وسفر شبه يومى بيهم من دبى لابو ظبى

lol , على اساس ايه ؟ حضرتك جربت الفوكاس الجديدة اصلا ؟
طيب حضرتك ايه اللي يميز الاوكتافيا عن الفوكاس لو كنت بتتكلم على الفوكاس 2012

[samoreception]

بص حضرتك انا مش هتكلم فى فنيات لانى مش خبير قوى فيها
بس كل اللى اقصدة (الركوبة) يعنى الراحة والثبات والتحكم فى العربية على سرعات عالية
وبالنسبة لى الاسكودا افخم من جوة ومن بره وخاماتها احسن بكتير