ازاي امن التزييق

[mahmoudysf]

العربية a4
في صوت تزييق من فرش الابواب
ومن الرف الخلفي والكونسولة بين الكراسي
والاصوات دي مزعجة جدا وصوتها عالي
ازاي امنع الاصوات دي

[windofchange]

في سبراي شحم ابيض ليثيوم بيبتاع ميزته انه معاه انبوبه لتدخل بها فالاماكن الضيقة يعمل 25 جنيه تقريبا بتوع زيت او محلات اكسسوار ممكن تلاقيه عندهم لانه قليل شويه...اعتقد انه ممكن يخف صوت التزييق وممكن تستخدم فازلين من الصيدلية جرب بيه فالكونسوله اما الرف الخلفي ممكن تستخدم حاجات زي الفل الابيض اللي بيتغلف بيه التليفزيونات وكيسات الكمبيوتر تحشره فالجزء اللي بيتحرك فالرف الخلفي وان كنت اظن ان الرف الخلف بيتسبت بطبب كاوتش راكبه في حديد الشنطة الداخلي بس تلاقيها ضاعت او اتسرقت اما فرش الابواب تلاقيه عايز يتثبت كويس عند بتاع ابواب محترم او في كلبسات مكسورة فالفرش محتاجة استبدالها بكلبسات جديدة والله اعلم

[misoalex]

ممكن دابل فيس كمان لانه فى الاصل فلين

[eng.m7md.ali]

وممكن كمان عند السروجي يظبطلك الدنيا دي بكلبسات جديدة بدل القديمة

[akmm]

فعلا حضرتك تروح لسروجى .. وتنتهى المشكله .

[طارق _عبد السلام]

الموضوع ده كان عندى فى الايه فايف فى الباب الخلفى يمين

انقل لكم التجربه لعلها تفيد انا اصلا بلمع التابلوه بزيت برافين من الصيدليه بيخلى التابلوه تحفه واللمعه بتستمر فتر ه طويله بللت قطعه قماش من زيت البرافيين ومسحت بيها كاوتش الباب الخلفى التزييق ماراح على طول يعنى بعد يومين تلاته اختفى (زيت البرافين بيلين الجلد ولا يؤثر فيه بالتشققات) الزيت ده بيباع فى الصيدليات الزجاجه 3 جنيه تقعد معاك 6 شهور وتخلى لك التابلوه ولا اروع

[MohamedGobran]

لو حضرتك ببتكلم على التزيق إلى بيطلع من جلد الباب و العوازل و كده فحلها ال wd-40 و دى عن تجربه فى فانتازيا و خد بالك و انت بترش علشان مايجيش على اى فرش بس الصوت بعد فتره للاسف هيرجع تانى لو حضرتك بتركن العربيه فشمس كتير إنما الكونسول فضيه من الحاجات إلى فيه و بص فى مسامير او اى حاجه مش مربوطه و اربطها و جرب

[mahmoudysf]

شكرا لكل الردود
وهحاول ابص على حاجة حاجة

[windofchange]

بس يا محمد جبران ال wd-40 بياكل الكاوتش ويجب الحذر ان ميجيش عالكاوتش والله اعلم ولو جيه ممكن نمسح الكاوتش بقماشة فيها مياه