المراية الشمال للفنتازيا إتسرقت كلها ومحتاج مشورتكم ضروري

[شاهين - بنز]

حرامي نجس سرق المراية(فانتازيا 2013) وبعد أما استفسرت طلعت ب 3 حاجات
توكيل ب 5200 جنيه
إستيراد ب 3000 جنيه
تايواني ب 1450 جنيه

فأنتوا إيه رأيكوا أجيبها منين وأختار توكيل ولا إستيراد ولاتيواني وأركبها عند مين يكون بيفهم في السكودا وإيه نظام التيواني ده مع العلم إن المراية ضم وتعتيم وسخان
وأهم حاجة إيه موقفي من الضمان لو ركبتها بره هل ممكن أتقفش ويلغوه ؟
وطبعا ياجماعة أنا يهمني أوفر في الموضوع ده وتكون حاجة كويسة برضو
بس مركز الصيانة إللي في دير الملاك قالي 3700 تقريبا كان قصده اليمين مش الشمال صح ؟؟

[Land_Cruiser]

لا حول و لا قوه إلا بالله . الموضوع ده كان انتشر من كام شهر عند منطقه الميرىلاند فى مصر الجديده و حصلت كذا حادثه سرقه المرايات و حتى فى اعضاء من القسم هنا مسكوا الحراميه و سلموهم للشرطه . طبعا حاجه تحرق الدم و الاسعار مبالغ فيها انا هاحط لحضرتك المواضيع القديمه دى و حضرتك بص فيها علشان كان فيها معلومات كويسه عن بتوع قطع الغيار و اقتراحات لأفضل الحلول و ان شاء الله تفيدك و ما تزعلش قدر الله و ما شاء فعل

http://www.nilemotors.net/Nile/263124-a.html

http://www.nilemotors.net/Nile/267901-a.html

[شاهين - بنز]

ألف شكرا على ردك لاند كروزر بدأت أكون فكرة من المواضيع إللي حضرتك ضفتها
ووالله دمي محروق خصوصا بعد أما عرفت الأسعار الخزعبلية دي وخايف أركب المراية لاتتسرق تاني ومش عارف أولع في نفسي ولا في البلد ولا أعمل إيه !!

[طارق _عبد السلام]

قدر الله ماشاء فعل
انا حاسس بيك والله
منهم لله كلاب الشوارع دى
الافضل ركب تايوانى دلوقت لان فيه ناس تخصص سرقه كفر المرايا للفانتازيا فخليك فى التايوانى دلوقت

[Land_Cruiser]

ألف شكرا على ردك لاند كروزر بدأت أكون فكرة من المواضيع إللي حضرتك ضفتها
ووالله دمي محروق خصوصا بعد أما عرفت الأسعار الخزعبلية دي وخايف أركب المراية لاتتسرق تاني ومش عارف أولع في نفسي ولا في البلد ولا أعمل إيه !!

معلش قدر الله و ما شاء فعل و قضا أخف من قضا. ان شاء الله بس بعد كده لما تظبط موضوع المرايه تبقى تحاول على قد ما تقدر تأمنها بأن حضرتك تركن العربيه فى جراج او قدام البواب او سايس او حتى تغطيها بغطاء قديم علشان تبقى عملت اللى عليك و تخللى الحرامى يحس ان الموضوع صعب فيصرف نظر عنها

[شاهين - بنز]

معلش قدر الله و ما شاء فعل و قضا أخف من قضا. ان شاء الله بس بعد كده لما تظبط موضوع المرايه تبقى تحاول على قد ما تقدر تأمنها بأن حضرتك تركن العربيه فى جراج او قدام البواب او سايس او حتى تغطيها بغطاء قديم علشان تبقى عملت اللى عليك و تخللى الحرامى يحس ان الموضوع صعب فيصرف نظر عنها

هي أما إتسرقت كان أخويا مبيتها في حتة قلق ونسي يدخلها المستشفى عنده بس ده ميمنعش إني حتتي قلق برضو لسه من كام شهر واحد في المنطقة كان معاه c180 الفيس ليفت لطشوا المراتين بتوعو والشاهين عندي كنت مجنزر البطارية طفشوا القفل وسرقوها وفعلا معاك حق انسب حاجة الجراج أو تتغطى

قدر الله ماشاء فعل
انا حاسس بيك والله
منهم لله كلاب الشوارع دى
الافضل ركب تايوانى دلوقت لان فيه ناس تخصص سرقه كفر المرايا للفانتازيا فخليك فى التايوانى دلوقت

طب يأستاذ طارق متعرفش الإستيراد ممكن تعمل كام لإني حسيت الراجل مبالغ في السعر وإيه رأيك في التيواني التعتيم بتاعه والفولد حيشتغلوا كويس ولا ممكن يعطلوا قدام

[شاهين - بنز]

ها ياجماعة ساعدوني أنا نازل بكره الحرفيين على عمايا وعايز أعرف أروح في وآجي منين

[dozo]

قدر الله وما شاء فعل واحسبها ان لا قدر الله جات فى حاجه كبيره كنت حتعمل ايه ده ممكن يهون عليك شويه.
رجاء الى الاعضاء مالكى فانتازيا مساعدتك لان ده موقف ممكن اى حد فينا يتعرضله و ربنا معاك

[inspiron]

قل اللهم أجرني في مصيبتي وأخلف لي خيراً منها.

شوف يا سيدي الفاضل..المراية الشمال دي كفة المرايا بتاعتها مش عادية..لأنها بتبقي aspheric mirror و auto dimming يعني محللة للضوء..وكفة المرايا دي لوحدها غيرتها في عربيتي المرسيدس بـ 2600 جنيه..عشان كده سعر المرايا 5200 جنيه عندك..والتيواني بتبقي كفة المرايا عادية مش كده عشان كده سعرها رخيص.
أمامك حلين :-

- لو عامل تأمين علي العربية ممكن تغيرها علي حساب التأمين.
- أو إنك تشتريها إستيراد وترشها بلون العربية وهتعمل معاك وفرة حوالي 2000 جنيه من تمنها جديد.

تحياتي.

[mazher_m]

الحمد لله علي كل حال
قدر الله وماشاء فعل
وحسبنا الله ونعم والوكيل في اللي سرق
اعتقد ان من الافضل تروح للتوكيل وان كانت التكلفه اعلي
ده رقم تليفون الاستاذ ياسر نصر(01222645925) مسؤل مبيعات بمركز خدمه غمره(دير الملاك)
راجل محترم وخدوم اساله عن كل حاجه( التكلفه وموضوع الضمان )وبعد كده خد قرارك.
ربنا يعوض عليك بالحلال ويباركلك في عربيتك

[شاهين - بنز]

قدر الله وما شاء فعل واحسبها ان لا قدر الله جات فى حاجه كبيره كنت حتعمل ايه ده ممكن يهون عليك شويه.
رجاء الى الاعضاء مالكى فانتازيا مساعدتك لان ده موقف ممكن اى حد فينا يتعرضله و ربنا معاك

ربنا يخليك وأنا إللي مهونها عليا شوية إن العربية لسه فابريكة

قل اللهم أجرني في مصيبتي وأخلف لي خيراً منها.

شوف يا سيدي الفاضل..المراية الشمال دي كفة المرايا بتاعتها مش عادية..لأنها بتبقي aspheric mirror و auto dimming يعني محلله للضوء..وكفة المرايا دي لوحدها غيرتها في عربيتي المرسيدس بـ 2600 جنيه..عشان كده سعر المرايا 5200 جنيه عندك..والتيواني بتبقي كفة المرايا عادية مش كده عشان كده سعرها رخيص.
أمامك حلين :-

- لو عامل تأمين علي العربية ممكن تغيرها علي حساب التأمين.
- أو إنك تشتريها إستيراد وترشها بلون العربية وهتعمل معاك وفرة حوالي 2000 جنيه من تمنها جديد.

تحياتي.

شكرا ياأستاذ إنسبايرون بس حضرتك متأكد إن التياوني مفهياش تعتيم لإني سألت المحل وأكدت عليه على موضوع التعتيم قالي زي الأصلية بالضبط

الحمد لله علي كل حال
قدر الله وماشاء فعل
وحسبنا الله ونعم والوكيل في اللي سرق
اعتقد ان من الافضل تروح للتوكيل وان كانت التكلفه اعلي
ده رقم تليفون الاستاذ ياسر نصر(01222645925) مسؤل مبيعات بمركز خدمه غمره(دير الملاك)
راجل محترم وخدوم اساله عن كل حاجه( التكلفه وموضوع الضمان )وبعد كده خد قرارك.
ربنا يعوض عليك بالحلال ويباركلك في عربيتك

متشكر جدا ياأستاذ ماهر

[inspiron]

ربنا يخليك وأنا إللي مهونها عليا شوية إن العربية لسه فابريكة

شكرا ياأستاذ إنسبايرون بس حضرتك متأكد إن التياوني مفهياش تعتيم لإني سألت المحل وأكدت عليه على موضوع التعتيم قالي زي الأصلية بالضبط

متشكر جدا ياأستاذ ماهر

اللي أعرفه إنها مفيهاش التعتيم زي الأصلية..لأن ده أغلي حاجة فيها

[شاهين - بنز]

الحمد لله بعد لف في الحرفيين لقيت آخر سعر إستيراد ليها 2700 جنيه
ورحت إنهاردة مركز دير الملاك وطلعت ب 3700 جنيه وتركيب ورش ب 160
(مش 5200 زي ماواحد غبي بتاع مركز متعمد قالي معرفش ألفلي السعر ده منين)
وقررت أعملها في التوكيل لإن فرق السعر بينها وبين الإستيراد ميستاهلش إني أجازف بحاجة مستعملة وطبعا فكست للتياواني وأن إن شاء الله حعملها في التوكيل بكره أو بعده
ومتشكر قوي ياجماعة

ونداء للحرامي لو شفتك بتقرب للعربية تاني أقسم بالله رقبتك مش حتكفيني يابن الحرام

[mazher_m]

الحمدلله علي كل حال
وربنا يعوض عليك بالحلال

[UndEr_GrOuNd]

ربنا يسترها وما تتسرقش تاني.
ويعوض عليك. ....

بس هو سرقها كلها ازاي. دي بتبقى مربوطة بمسامير من جوه وشغلانه. ولا هو كسرها كلها. ولا اخد كفة الازاز بس ؟؟؟؟؟؟