تقرير مواتير اوكتافيا a4 فى مصر ..

[forti]

حبيت اعمل الموضوع ده عشان اوضح المواتير بتاعة A4 بما انى بغير موتور و بحثت فى الموضوع ده عشان ناس قالتلى حط موتور موديل حديث بما ان عربيتى 98 فمكنتش عارف اصلا الموتور هيختلف ازاى !! .. المعلومات دى جبتها من Wikipedia و ذودت عليها الصور و اتضح الاتى ::

فى 3 مواتير 1600 cc

الاول (1) و ده 55 كيلووات بيولد 74 حصان و ده مظنش موجود كتير و بتاع موديلات من 96 - 2000

اضغط هنا لتصغير الصورة.

التانى (2) و ده 74 كيلووات بيولد 99 حصان - بتاع موديلات 98 - 2000 و هو الى كان موجود بالفعل فى عربيتى

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 960x539.
اضغط هنا لمشاهدة الصورة بالحجم الطبيعي.

التالت (3) و ده 75 كيلووات و بيولد 101 حصان - بتاع موديلات 2000 - 2010 و مفيش فرق كبير يعتبر بينه و بين السابق

اضغط هنا لمشاهدة الصورة بالحجم الطبيعي.

اضغط هنا لمشاهدة الصورة بالحجم الطبيعي.


و بالمناسبة الموتور الاستيراد بيعمل حوالى من 4.5 لــ 5 الاف جنيه مصرى
و الموتور الجديد بــ 18.5 الف جنيه مصرى !! ( السعر ده من الهاشمية )

و طبعا المواتير دى فى زيها بالظبط للفولكس واجن .. توجد فى انواع زى الجولف

و فى الاخر دعواتك العربية تتصلح مظبوط و الموتور يطلع كويس

[S O P H O S]

تسلم ايدك ..

[forti]

تسلم ايدك ..

الله يخليك

[Omar.Shawki]

معلومة مفيدة جدا
ماتنساش تقولنا على النتيجة وان شاء الله خير والامور تبقى مظبوطة

[طارق _عبد السلام]

تقرير جميل جدا ومفيد لمن يريد معلومه
عن مواتير الايه فور
جزالك الله خير
ودعوه لكل صاحب تجربه ان ينقلها

[amrelsaqqa]

هى مواتير الاوكتافيا بتستحمل قد ايه ؟
والموتور بتاعك ايه ظروفه وبتغيره ليه ؟

يعنى لحد كام الف كيلو ( تقريبا ) الموتور يبقى لسه بخيره وناعم وكبسه كويس
طبعا تقريبيا لان الكيلو متر مش المقياس الوحيد طبعا

[forti]

معلومة مفيدة جدا
ماتنساش تقولنا على النتيجة وان شاء الله خير والامور تبقى مظبوطة

ان شاء الله .. يا رب

[forti]

تقرير جميل جدا ومفيد لمن يريد معلومه
عن مواتير الايه فور
جزالك الله خير
ودعوه لكل صاحب تجربه ان ينقلها

شكرا يا استاذ طارق

[forti]

هى مواتير الاوكتافيا بتستحمل قد ايه ؟
والموتور بتاعك ايه ظروفه وبتغيره ليه ؟

يعنى لحد كام الف كيلو ( تقريبا ) الموتور يبقى لسه بخيره وناعم وكبسه كويس
طبعا تقريبيا لان الكيلو متر مش المقياس الوحيد طبعا

, الله الى اعرفه ان المفروض المواتير تمام تعدى 200.000 و شغالة و طبعا حسب سواقتك بردو

عندى معرفش من اول ما جبت العربية غيرت جوان وش سلندر و بعدين اتغيير تانى ثم تالت و بعد تالت مرة مقعدتش العربيه 200 كيلو و بدا يظهر طحينة على غطا الزيت بردو فالميكانيكى قالى عايزة ماتور .. واحد تانى شافها و قال نفس الكلام .. فبما ان المشكلة دى دوختنى قلت يبقى موتور بقى عشان استريح و ربنا يسهل

[amrelsaqqa]

طبعا المواتير دى كلها 1 كامة

[forti]

طبعا المواتير دى كلها 1 كامة

ايوة SOHC
Single Overhead Camshaft

[hossam_elwani]

وهو الفانتازيا برضه مشتركه فى اخر موتور ؟؟


والعجيب ان الموتور واحد كامه ومع ذلك الاوكتافيا واخده صيت غريب ازاى مع العلم ان الافضليه تماما للكامتين !!!!!!!!!!

[طارق _عبد السلام]

وهو الفانتازيا برضه مشتركه فى اخر موتور ؟؟


والعجيب ان الموتور واحد كامه ومع ذلك الاوكتافيا واخده صيت غريب ازاى مع العلم ان الافضليه تماما للكامتين !!!!!!!!!!

هو فيه اختلاف فعلا
فى مواتير الفور والفانتازيا
وصيت العربيه كويس والله لانها فعلا عربيه ممتازه
مش مسئله ان كل واحد راكب عربيه منحاز لها بجد وعن تجربه انا تقريبا بركب عربيات من 20 سنه واكتر عربيه مريحانى هى الاوكتافيا فيها كل شى ء انا عايزه وده رأيى الشخصى واحترامى لصاحب كل رأى مخالف
انا كنت بفاضل بين الاسترا زيرو والفانتازيا مستعمل وبكل امكانيات الاسترا وقوه موتورها بس مش عارف اقتنع وما استريحت غير لما جبت الفانتازيا
عنصرى بقى ههههههههه

[ahmedfarou2]

هوا من خلال تجربتي الاختلاف بين الموتور sr و الي بعده الي مش مكتوب عليه sr فرق في دوره التبريد و البوابه كهربه في 2008 و 2009, و في بردو بلاور في مقدمه الموتور زي مالصنيعيه بيقولو و عكس تقريبا ما يشاع انه موتور a5 اختلاف في حجات صغيره بس و اي حد عنده اضافه او معلومه يقول و انهي افضل و لماذا

[forti]

هوا من خلال تجربتي الاختلاف بين الموتور sr و الي بعده الي مش مكتوب عليه sr فرق في دوره التبريد و البوابه كهربه في 2008 و 2009, و في بردو بلاور في مقدمه الموتور زي مالصنيعيه بيقولو و عكس تقريبا ما يشاع انه موتور a5 اختلاف في حجات صغيره بس و اي حد عنده اضافه او معلومه يقول و انهي افضل و لماذا

هو طبعا فى اختلاف a5 1.6 mpi
بس بصراحة معرفش اختلاف ايه بالظبط لكن الموتور ليه نفس القدرة الحصانية

الاوكتافيا ليها مواتير كتير و فى منها fsi و ده dohc دابل كامة
بس للاسف المواتيير دى تقريبا مش بتنزل فى عربيات مصر