سؤال فى اوكتافيا a5 خليجى 2007

[thenders]

معليش ياجماعة سؤال كدة على السريع فى اوكتافيا a5 2007 خليجى هى العربية نزلة بنور زينون بتعها الأصلى للأسف مش عملينها زرار من جوة عشان يوطية او علية فياريت لو حد يعرف ممكن اوطية شوية ازاى يقولى عشان بيضايق ناس كتير وبيفتكرونى مشغل النو العالى سؤال تانى مهم اوى دلوقتى مثلا انا ماشى بالعربية وحد قاعد جنبى او وراى مثلا وحب ينزل من العربية فى حاجة رخمها اوى لازم يشد الأكرة بتاعت الباب مرتين ور بعض عشان يفتح ازاى بقى الغى الأوبشن دة انا عارف ان دة نظام امان فى العربية بس للأسف ساعات بيركب معاك واحد قفل شوية ممكن يكسر الأكرة بتاعت الباب ياريت الى يعرف يقولنا ازاى نخلية يفتح من اول شدة ممكن كلنا نستفيد وشكرا

[طارق _عبد السلام]

نور الزينون بيبقى فى النور الواطى
وهو ظبطه اوتوماتيك فى الفانتازيا
اظن لو مافى زر عندك هو بيظبط نفسه
وموضوع قفل الابواب ده بيكون اوبشن وممكن تشيله من تحكم الطاره عندك وتتابع على شاشه العربيه
بس الافضل انك لاتلغيه لانه امان
انا نفس المشكله بتقابلنى وبيكون اللى عايز ينزل بيشد الاكره وبيشد روحى معاه لانه بيشدها بغباء علشان يفتح
انا حلتها انى بفتح بابى انا بسرعه واقفله فبلغى الامان او تفتح له من زرار اللوك اللى جنب الولاعه
او تقول له افتح على مرتين ههههههههه

[Moratoz]

هي الفوانيس عدسات ولا لَا علشان لو مش عدسات يبقي زينون تركيب ولو مفيش البكرة الداخلي الخاصة بالتعليم والتوطيه يكون ضبطه عند مركز خدمه بالجهاز
اما أكوة الباب فمثل ما استاذ طارق قال بالظبط

[thenders]

شكرا بجد على الردود والأهتمام ومتابع .....

[thenders]

متابع.......

[inspiron]

نور الزينون بيبقى فى النور الواطى
وهو ظبطه اوتوماتيك فى الفانتازيا
اظن لو مافى زر عندك هو بيظبط نفسه
وموضوع قفل الابواب ده بيكون اوبشن وممكن تشيله من تحكم الطاره عندك وتتابع على شاشه العربيه
بس الافضل انك لاتلغيه لانه امان
انا نفس المشكله بتقابلنى وبيكون اللى عايز ينزل بيشد الاكره وبيشد روحى معاه لانه بيشدها بغباء علشان يفتح
انا حلتها انى بفتح بابى انا بسرعه واقفله فبلغى الامان او تفتح له من زرار اللوك اللى جنب الولاعه
او تقول له افتح على مرتين ههههههههه

يا رياسة من غير ما تفتح الباب..تحت فرامل اليد في زرار قفل وفتح الأبواب.إستخدمه أسهل

[amroebraheem]

معليش ياجماعة سؤال كدة على السريع فى اوكتافيا a5 2007 خليجى هى العربية نزلة بنور زينون بتعها الأصلى للأسف مش عملينها زرار من جوة عشان يوطية او علية فياريت لو حد يعرف ممكن اوطية شوية ازاى يقولى عشان بيضايق ناس كتير وبيفتكرونى مشغل النو العالى سؤال تانى مهم اوى دلوقتى مثلا انا ماشى بالعربية وحد قاعد جنبى او وراى مثلا وحب ينزل من العربية فى حاجة رخمها اوى لازم يشد الأكرة بتاعت الباب مرتين ور بعض عشان يفتح ازاى بقى الغى الأوبشن دة انا عارف ان دة نظام امان فى العربية بس للأسف ساعات بيركب معاك واحد قفل شوية ممكن يكسر الأكرة بتاعت الباب ياريت الى يعرف يقولنا ازاى نخلية يفتح من اول شدة ممكن كلنا نستفيد وشكرا

السلام عليكم ورحمة الله وبركاته
ببساطة شديدة اخى الفاضل لما تعوز تنزل حد من السيارة ابقى دوس على زرار السنترلوك اللى على يمين الهاندبريك على وضع الفتح .وان شاء الله الاكر ما تنكسرش
والسلام عليكم ورحمة الله وبركاته

[Mohamed Bander]

بالنسبة للزينون ما بينزلش معاه زر ضبط الاضاءه ،، ده على اساس الموجود فى الكتالوج ،، موجود فى الاضاءة العادية بس.

بالنسبة للباب زى ما قالولك الاخوة ،، ممكن حضرتك فتح القفل من الزرار اللى جنب الولاعه.

انا بقى اللى كان نفسى ان القفل ده ما يفتحش حتى مع الشدتين فى الباب الخلفى ،، لان ممكن الاطفال يلعبوا ويشدوه مرتين والباب يتفتح.

انا عارف ان فيه قفل الاطفال بس ده بيخليك لازم تفتح العربية من بره بس.

انا كان نفسى ان يبقى الابواب اللى فة الخلف مايفتحوش خالص لو القفل الاتوماتيكى شغال غير لما تفتحوا من الزرار اللى جنب الولاعه ويتفتح من جوة برضه ،، انما قفل الاطفال ده مشكله لو حد قعد ورا بتضطر تنزل تفتحله الباب

[inspiron]

انا كان نفسى ان يبقى الابواب اللى فة الخلف مايفتحوش خالص لو القفل الاتوماتيكى شغال غير لما تفتحوا من الزرار اللى جنب الولاعه ويتفتح من جوة برضه ،، انما قفل الاطفال ده مشكله لو حد قعد ورا بتضطر تنزل تفتحله الباب

ده بقه موجود عندي في المرسيدس.تقدر تلغي كل كوالين الأبواب ما عدا باب السائق طول ما العربية ماشية.