قربة الميه في الفنتازيا

[inspiron]

يا معشر سكودا الكرام،،أنا كنت في مشوار طارئ كده ولسه راجع ،، وجيت من المحور مفيهوش سريخ ابن يومين

ووصلت لسرعة ٢٠٥ وبعد ما هديت عادي ماشي ١٠٠ لحد ما وصلت البيت وركنت في الجراج ،، قبل ما أبطل العربية لمبة الحرارة نورت،،قولت أبص علي قربة الميه وبالفعل لقيتها فاضية،،زودتها ولقيت مفيش تسريب،،،يبقي ممكن تكون المشكلة ايه ؟ وايه ممكن يخليها تنقص؟
مع العلم ان بعد ما زودت القربة مفيش أي تغيير سلبي في العربية

[طارق _عبد السلام]

آخره مره زبط الميه امتى لو من فتره طويله
يبقى عادى مفيش مشكله
انت غيرت ميه امتى

[Moratoz]

حصلت مرة واحدة معايا كدة في a4 وبعديها زودت ميه وكله تمام بعديها بيومين كان عندي مشتركات الشجرة بها تأكل بسيط وادي الي افراغ الماء بالكامل وتم تغيرهم
خلي بالك من العربيه حاول الو ما توصل من اي مشوار اليومين دول تفتح الكبوت وتبقص علي وصلات دورة التبريد وكذلك غلق غطاء القربه بأحكام مع متابعة احوال الردرياتير

[akmm]

متابع ........................

[MITSUKERO]

اكبس دورة التبريد فورا

[lanos2004]

متابع

[lanos2004]

يا معشر سكودا الكرام،،أنا كنت في مشوار طارئ كده ولسه راجع ،، وجيت من المحور مفيهوش سريخ ابن يومين

ووصلت لسرعة ٢٠٥ وبعد ما هديت عادي ماشي ١٠٠ لحد ما وصلت البيت وركنت في الجراج ،، قبل ما أبطل العربية لمبة الحرارة نورت،،قولت أبص علي قربة الميه وبالفعل لقيتها فاضية،،زودتها ولقيت مفيش تسريب،،،يبقي ممكن تكون المشكلة ايه ؟ وايه ممكن يخليها تنقص؟
مع العلم ان بعد ما زودت القربة مفيش أي تغيير سلبي في العربية

ماشاء الله ٢٠٥ علي المحور
انا اقصي سرعه جبتها علي المحور١٩٨

[mahmoudfawzypr]

حضرتك مياه التبريد بتيقى life time في عربيات الفولكس جروب والمفروض متنقصش لان دورة التبريد دورة مضغوطة واي نقص في المياه يدل على وجود تسريب ...حضرتك الاحسن انك تروح التوكيل وتقولهم ايه اللي حصل وانصحك متحطش مياه من الحنفية لغاية لما تروح التوكيل حط مياه مقطرة ...انا عربيتي البورا عطلت ووديتها للميكانيكي وقررت اصلح اي حاجة فيها مشكلة ومنها مشكلة ان المياه بتنقص واملاها كل يومين ...المالك السابق كان بيحط مياه من الحنفية وده بوظ حاجات كتير في دورة التبريد وسدلي كولر الفتيس وكان ممكن الفتيس يبوظ

[yasserelsayad]

حضرتك مياه التبريد بتيقى life time في عربيات الفولكس جروب والمفروض متنقصش لان دورة التبريد دورة مضغوطة واي نقص في المياه يدل على وجود تسريب ...حضرتك الاحسن انك تروح التوكيل وتقولهم ايه اللي حصل وانصحك متحطش مياه من الحنفية لغاية لما تروح التوكيل حط مياه مقطرة ...انا عربيتي البورا عطلت ووديتها للميكانيكي وقررت اصلح اي حاجة فيها مشكلة ومنها مشكلة ان المياه بتنقص واملاها كل يومين ...المالك السابق كان بيحط مياه من الحنفية وده بوظ حاجات كتير في دورة التبريد وسدلي كولر الفتيس وكان ممكن الفتيس يبوظ

+1
وفعلا متحطش مياه من الحنفية لان كمان بتغلى اسرع
مرة العربية اتخبطت وغيرت الريداتير فا حطيت مياه من الحنفية لحد ما اروح البنزينة
طول ما ان ماشى براحة العربية تسخن .. اول ما اجرى والهوا يخبط فى مش العربية تبرد تانى
فضلت كدا لحد ما وصلت للبنزينة

[forti]

حضرتك مياه التبريد بتيقى life time في عربيات الفولكس جروب والمفروض متنقصش لان دورة التبريد دورة مضغوطة واي نقص في المياه يدل على وجود تسريب ...حضرتك الاحسن انك تروح التوكيل وتقولهم ايه اللي حصل وانصحك متحطش مياه من الحنفية لغاية لما تروح التوكيل حط مياه مقطرة ...انا عربيتي البورا عطلت ووديتها للميكانيكي وقررت اصلح اي حاجة فيها مشكلة ومنها مشكلة ان المياه بتنقص واملاها كل يومين ...المالك السابق كان بيحط مياه من الحنفية وده بوظ حاجات كتير في دورة التبريد وسدلي كولر الفتيس وكان ممكن الفتيس يبوظ

+111
و نصيحة فعلا تروح تعمل كبس و تشوف ايه الاخبار .. احتمال كبير فى تسريب بس مش باين معاك لسه لان كون القربة تفضى كلها مش طبيعى خالص

و طبعا زى ما الناس قالت متكونش بتزود مياه عادية .. زود مياه مقطرة

[MohammedAladel]

متزودش مياه عادية هتبوظلك دورة التبريد وهترسب أملاح ... زود مياه مقطرة
بالنسبة للتسريب ممكن يكون من الرادياتر مخروم مثلا ... ممكن من الخراطيم ... ممكن من القربة نفسها ... ممكن من غطاء القربة
مش طبيعى أبدا ينقص لدرجة انها تسخن من مشوار واحد إلا لو فيه خلل فى دورة التبريد زى ما الأعضاء وضحوا

على العموم ألف سلامة لسكودتك وابقى طمننا عليها شكلها خدت عين دى 200 و خمسة

[MohammedAladel]

بالنسبة للعضو الفاضل mahmoudfawzypr
تقصد ايه ب life time

أن العربية مش بتغير مياه مدى الحياة ولا تقصد تقصد انها دايرة مغلقة ؟

[inspiron]

أنا آسف علي التأخير يا جماعة وبشكر كل من ساهم برد مساعد لحل المشكلة،،النهاردة روحت التوكيل والمشكلة طلعت ثقب صغير جداً تحت غطاء القربة وغيرتها ب ١٨٠ جنيه،،بشكر سيادتكم مرة أخري

[lord_adel]

فيه في كارفور المعادى عجينه بتتباع عالشان اللحام انا كانت القربه عندى فيها خرم صغير وواحد قلى عليها وبسم الله ما شاء الله عملت بيها القربه وزى الفل وتمنها 8 جنيه بس " نصيحه مفيش احسن من قربه الفبريكة " جرب وادعيلى

[mahmoudfawzypr]

بالنسبة للعضو الفاضل mahmoudfawzypr
تقصد ايه ب life time

أن العربية مش بتغير مياه مدى الحياة ولا تقصد تقصد انها دايرة مغلقة ؟

لا اقصد ان المياه دي مش بتتغير طول عمر العربية والكلام ده انا جايبه من الكتالوج ولو كلامي غلط ارجو ان حد يصححه