الحمد لله استلمت العربية

[aminyassien]

السلام عليكم
استلمت العربية أوكتافيا a4.
اوتوماتيك ٢٠٠٥
عايز اروح اطمأن عليها تنصحوني اكشف فين. ياريت يبقى القاهرة
سؤال انا لقيت العربية محطوط فيها مياه عادية ده عادى ولا الموديل ده محتاج مياه حمرا
و لكم جزيل الشكر

[M I D O]

الف مبروك وربنا يحفظهالك

[aminyassien]

الف مبروك وربنا يحفظهالك

الله يبارك فيك و يحفظك

[MITSUKERO]

غير المياة الي مياه خضراء

[samiazab]

أولا الف مبروك على العربية وياريت تقولنا حالتها ايه وجبتها بكام وبالنسبة للكشف فى سيد جولف فى الحرفيين فى شارع مرسيدس هو متخصص فى سكودا وجولف واهم حاجة زيت الفتيس

[Survival]

ربنا يبارك لك فيها .

العربية بتاخد مياة حمرا مش خضرا و بتبقى اسبانى بس مش فاكر اسمها.

ممكن تكشف فى اكتر من مكان - ممكن التوكيل او مركز الاقصى اللى فى المعادى و دا لو عاوز تريح دماغك و الكشف بحوالى 500ج
ممكن تكشف عند اى حد متخصص اسكودا او فولكس. شوف اخر صيانة للعربية امتى و اعمل الصيانة بتاعتها بالمرة وتابع مستوى الزيوت.فالموضوع يتوقف عليك فى النهاية لو عندك صبر روح اى مركز بيشتغل فى اسكودا لو مش بتعرف تتعامل مع الصنايعية او خبرتك مش كفاية يبقى المرة دى تعمل الصيانة فى مكان مضمون عشان تريح دماغك.
انا عملت صيانة ال 120 الف عند محمد اسكودا اللى ادام التوكيل فى دير الملاك من شهر و انا اللى اشتريت الحاجة من الهاشمية عشان اضمن. عموما الورشة دى كويسة لو هتعمل حاجة دورية او شغل ميكانيكا عادى شغل فك و تركيب يعنى لكن لو فى مشكلة ما انصحش بيهم . هم من الاخر حافظيين مش فاهمين.

[S O P H O S]

الف مبروك يا باشا ..

[aminyassien]

أولا الف مبروك على العربية وياريت تقولنا حالتها ايه وجبتها بكام وبالنسبة للكشف فى سيد جولف فى الحرفيين فى شارع مرسيدس هو متخصص فى سكودا وجولف واهم حاجة زيت الفتيس

بارك الله لك
الفرق طبعا كبير ببن اوكتافيا واللانسر اللى كنت راكبها.
بعد يوم سواقه الفرق رهيييب طبعا بس عفشتها انشف من اللانسر بكتير
العربية جبتها ب 83 و ماشية 90000 شاريها من بنت عمى يعنى عارفها
انا عايز اشيك عليها بس علشان اطمن و لو فى حاجة تتعمل اعملها
العربية كانت بتعمل صيانة عند سيد جولف

[Moratoz]

بدايه العربيه هتاخد ميه حمرا اسمها هيبوا وهتجيب حوالي ٦ او ٧ زجاجات مياه مقطرة علشان نكمل الميه الحمراء
ممكن تعمل الصيانه عند مهندس هاني في جسر السويس او محمد سمير في النزهه الجديدة او احمد زاهر في صقر قريش وشوف اخر صيانه معموله ايه ونشوف نعمل ايه وايه ئل محتاج يتغير وعلي الأخص سيور الكاتينه والعمومي وبليه الكاتينه وطبعا الفلاتر والبوجيهات
مبروك

[Omar.Shawki]

الف مبروك وربنا يباركلك فيها

م/خالد الحى العاشر مدينة نصر

[aminyassien]

ربنا يبارك لك فيها .

العربية بتاخد مياة حمرا مش خضرا و بتبقى اسبانى بس مش فاكر اسمها.

ممكن تكشف فى اكتر من مكان - ممكن التوكيل او مركز الاقصى اللى فى المعادى و دا لو عاوز تريح دماغك و الكشف بحوالى 500ج
ممكن تكشف عند اى حد متخصص اسكودا او فولكس. شوف اخر صيانة للعربية امتى و اعمل الصيانة بتاعتها بالمرة وتابع مستوى الزيوت.فالموضوع يتوقف عليك فى النهاية لو عندك صبر روح اى مركز بيشتغل فى اسكودا لو مش بتعرف تتعامل مع الصنايعية او خبرتك مش كفاية يبقى المرة دى تعمل الصيانة فى مكان مضمون عشان تريح دماغك.
انا عملت صيانة ال 120 الف عند محمد اسكودا اللى ادام التوكيل فى دير الملاك من شهر و انا اللى اشتريت الحاجة من الهاشمية عشان اضمن. عموما الورشة دى كويسة لو هتعمل حاجة دورية او شغل ميكانيكا عادى شغل فك و تركيب يعنى لكن لو فى مشكلة ما انصحش بيهم . هم من الاخر حافظيين مش فاهمين.

جزاك الله خير
انا رحت الصبح التوكيل دير الملاك ركنونى رحت ماشى

[aminyassien]

بارك الله فيكم يا شباب

[aminyassien]

بدايه العربيه هتاخد ميه حمرا اسمها هيبوا وهتجيب حوالي ٦ او ٧ زجاجات مياه مقطرة علشان نكمل الميه الحمراء
ممكن تعمل الصيانه عند مهندس هاني في جسر السويس او محمد سمير في النزهه الجديدة او احمد زاهر في صقر قريش وشوف اخر صيانه معموله ايه ونشوف نعمل ايه وايه ئل محتاج يتغير وعلي الأخص سيور الكاتينه والعمومي وبليه الكاتينه وطبعا الفلاتر والبوجيهات
مبروك

الصبح نازل أشيك عليها و أشوف إلى مطلوب و اعمله ان شاء الله اعمله
بارك الله فيك

[abou-yahia]

بص نصيحه استني شويه قبل ماتروح لحد

امشي شويه بالعربيه اتعرف عليها

عشان ترتب اولوياتك وتروح لحد تاخد افضل حاجه ممكنه مقابل زيارتك ليه تقليلا للوقت والتكاليف

طبعا موضوع المياه ده مهم وممكن تعمله عند اي حد بره بس تحط فعلا مياه معتمده g12

[aminyassien]

الحمد لله رحت النهارده مركز بتاع سيد جولف
عملت سرفيس للعربية غيرت فلاتر و زيت و بوجيهات و تمام الحمد لله
بس قاللى استنى شوية على زيت الفتيس
بصراحة ريحونى نفسيا معاملة وخدمة و أسعار
الحمد لله