ارجو المساعدة ف اسرع وقت بخصوص الدبرياج a4

[ahmed.fahad]

من حوالى شهر العربية كانت عاوز طقم دبرياج المهم ف ناس شكرت ف طقم الساكس
نزلت جبتة من صقر قريش ب 850 وجبت بلية وسيخ جديد المهم روحت لمكانيكى فك القديم وجة يركب الجديد قالى بص الطقم قديم عامل اية ف الفلام قولتلة اية قالة ف تعرجات ف الفلام المهم قالى هودية عند خراط يمسح منة بعد كدة جابة وركب وقعد يقولى ان الساكس اللى انت جايبة دة مش اصلى وبعد ما ركبة جيت ادي الاولنى لقيت ف عضة سالتة دة اية قالى دة ممكن يكون عاوز زيت فتيس المهم روحت كشفت على زيت الفتيس قالى مش محتاج زيت جيت تانى يوم العضة خفت شوية عدى 3 اسابيع والاولنى بقا يجى بالعافية اكنى راكب ميكروباص قديم بيجى بالعافية وساعات اجى ادى اولانى يجيب التالت والاولنى دلوقت بيجى بعد عضتين دة غير المرشدين اللى بقا يجى بعد عذاب والدبرياج بقا مبينزلش تحت بقا ينزل للنص بس
روحت امبارح ودتها لمكانيكى قالى عاوزة طقم دبرياج
فدلوقت انا مش عارف اعمل اية اجيب طقم جديد ولا اعمل اية
ولو جبت طقم جديد اجيبة منين ونوعه اية بس ياريت تقولولى على مكان مضمون جدا
العربية اوكتافيا a4 موديل 98


اسف على الاطالة

[EngAhmedSayed]

سياتك
دلوقتى بتقول الفولام تم مسحه عند خراط و دة غلط كبير لية بقى لانى سياتك الخراط شال من سمك الفولام علشان يعدل الوش بتاعه علشان ميبقاش فى تعريجات طيب ماهو كدة غير فى المقاييس بتاعة الفولام و اللاسطوانة اصبح الخلوص ما بينهم بقى فى فرق ذيادة و هيبقى المشوار بتاع الاسطوانة هيبقى فى سنة ذيادة و الديسك كدة مش هيقدر يعشق الاسطوانة على الفولام كويس و دة باين من كلام حضرتك انى الطقم عاوز يتغيير و تأكيد لكلامى هتلاقى الديسك هو اللى عاوز يتغير و الاسطوانة سليمة
يبقى سياتك كان من الواجب تغيير الفولام بالمرة علشان تتضمن المجموعة الجر تعمل بكفائتها
يارب ارحمنا من الدكترة و المفتتين يارب
ربك المستعان

[Mecha]

how is the free play in pedal
check adjustment in slave cylinder and pedal first

[mado_xxx]

ممكن تكون النقلات عايزة تتظبط

روح لميكانيكى اسكودا وهو يعملهالك
لانى كان عندى نفس المشكلة فى الفابيا

[ahmed.fahad]

على فكرة الصبح العربية بدور مية مية ومبيكونش ف مشكلة ف الدبرياج لما بمشى بيها كتير بقا بيحصلها كدة
دة كدة دبرياج ولا اية