عاوز نصيحة و استشارة ضروري

[mgelgel]

بعد لف و دوران كنت بدور لاخويا علي عربية زيرو اتوماتيك و شوفنا الصني الجديدة و ال 301 و امبارح بالصدفة اتفرجنا علي عربية اوكتافيا a4 موديل 2007 خليجي اوتوماتيك فابريكة بالكامل تكييف تاتش و جنوط سبور اصلية و كاوتش جديد العداد 37000 بصراحة العربية داخلة دماغ اخويا جدا و انا كنت مرشحله اوكتافيا استعمال نظيف من الاول المهم صاحبها اخره فيها 106 الف جنيه
مبدئيا ايه رايكو فيها عموما بالنسبة للعربية a4 و بالنسبة للسعر ؟؟؟؟
ثانيا صاحبها مش فاضي يروح اللتوكيل الصبح للكشف علي العربية لانه بيرجع من شغله 7مساء
و بيقول لو فيه مركز خدمة شغال بعد 7 م ممكن نروحله ويكون نواحي جليم او اي مكان
انا معرفش اماكن خدمة سكودا فين في اسكندرية فممكن تقولولي علي مكان اكشف فيه كويس علي العربية وازاي اطمن علي حالة الموتور و الفتيس الاوتوماتيك لاني خايف العداد يكون ملعوب فيه
اسف علي الاطالة و برجاء المساعدة

[Ahm662]

107يجيبوا a5 بس استنى رد بقية الاعضاء

[islam_gamal50]

انا شايف ان سعرها مناسب على ممشاها بس اكشف عليها افضل ... في مركز متخصص فى سكودا وفولكس فاجن عموما ممكن يكشف لك عليها على الطريق الزراعي ورا مدرسة English House ... وبالتوفيق

[EngAhmedSayed]

107يجيبوا a5 بس استنى رد بقية الاعضاء

انا كنت عاوز اقول كدة بالظبط
و موضوع العداد دة الصراحة مش موثوق فيه
لازم تتاكد ولازم فحص مركز صيانة معتمد
موفق فى الشراء ان شاء الله

[mgelgel]

شكرا لردود الاعضاء و ان شاء الله هنكشف عليها كويس و ربنا يسهل

[Silent~Dream]

انا مع راى الاخوه لازم تكشف عليها كويس جدا و تتاكد انها تستاهل الفلوس و لو لقيت حالتها تمام اتوكل على الله ولو هتتعبك طبعا يفضل الزيرو

[hism]

الفلوس اللى بتتكلم فيها دى تركب بيهم a5 وانا شيفها احسن من ال a4 بكتير
ولو عاوز تكشف عليها فى مركز صيانه فى اول الاسكندريه بعد ما تعدى ابيس اسمه t.vag وده شغال لغاية 10

[Amr_Azab]

مركز t-vag بيستقبل عربيات لحد الساعة 5 فقط وبيشتغل لحد الساعة 7 وأسعارهم غالية جدا جدا جدا

انصحك بالذهاب الي مركز نور الدين الشريف علي الطريق الصحراوي وأسأل علي مهندس أيهاب حيعمل معاك الصح
يا اما ممكن تروح الفرع التاني في شارع فؤاد في محطة الرمل

وانصحك تكشف عليها كويس جدا ولو العربية فعلا ماشية 37000 كم وحالتها ممتازة يبقي أوعي تفرط فيها
الـ a4 عربية رائعة جدا جدا وطمنا عملت ايه

ولو غيرت رأيك ومش حتاخد العربية قولي وانا اروح أبص عليها عشان بدور لاخويا برده علي فابيا او a4

[mgelgel]

شكرا علي الافادة و هنروح نور الدين الشريف اللي في ش فؤاد
و ان شاء الله هقولكم بكره ع النتيجة