استفسار قبل بيع a4

[صعيدي]

قررت بأذن الله ابيع ال A4 وفيها شويه حاجت كونت عاوز اعرف تأثر علي سعرها جامد ولا لأ
1-راشه اقصدامين ورفرف يمين
2-عاوز تغير اويل سيل كرنك
3-تسريب زيت من ناحيه حساس البور
4-المهندس خالد قالي الفتيس عجوز يعني مش عاوز قرص عليه
طبعا قبل ما ابيع هقاول المشتري علي كل حاجه
ولو حد يعرف تكلفه تغيير الاويل سيل ده بالمصنيعه بكام يبقي كتر خيره

https://egypt.dubizzle.com/ar/asyut/cars/skoda/listing/7-listings-ec039f26015250e1b829a4350091c743/show/?back=L2FyL2FzeXV0L2NhcnMvc2tvZGEvc2VhcmNoLz9pc19zZWFyY2g9VHJ1ZSZraWxvbWV0ZXJzX19ndGU9JnByaWNlX19ndGU9JnllYXJfX2d0ZT0meWVhcl9fbHRlPSZraWxvbWV0ZXJzX19sdGU9JmtleXdvcmRzPSVEOCVCMyVEOSU4MyVEOSU4OCVEOCVBRiVEOCVBNyZwcmljZV9fbHRlPSZwYWdlPTEmbmVpZ2hib3VyaG9vZD1uLTcwNDc=

[omaranes77]

كنت مغير اويل سيل فوق وتحت عند المهندس خالد مش فاكر بكام بس انت ممكن ماتلاقيش السفلي عشان مش موجود جديد

[omaranes77]

و ربنا يوفقك في البيعة بس لية عايز تغير العربية حلوة مشاكل مش الي تخليك تغير العربية

[mo3tazanas]

بص ياباشا انا هكلمك بصراحة ....سيبك من الرش
اى حد هيجى يبص على العربية يلقيها بتجيب زيت من كل حتة زى عاندك زيت ماتور على زيت باور وعايزة تغير فتيس هيخسف بيها الارض دة لو رضى اصلا يخدها ويصلها وطبعا االسعر اللى انت حاطة دة سعر خيالى على الشغل اللى فيها واللى هيجى يبص بردوا على العربية هتقولة اصل اولسيل كرنك اصل حساس باور اصل فتيس مش هيكمل فرجة على العربية اصلا وبكتير هيحطلك فيها 80 الف ويبقى كدة كرمك كمان ..
معلش انا قولت اقولك الدنيا فيها اية ومتزعلش من صراحتى

[طارق _عبد السلام]

الصح ان حضرتك تعمل كل المذكور فى الاعلان الاول من مشكلات تصلحها الاول علشان تعرف تبيع
حضرتك لسه عامل صيانه شامله ومع ذلك كل الملحوظات دى فى العربيه ؟!هتخوف المشترى لان هيتصل بيك تجار وهتسمع كلام يزعل والافضل لو لك قريب فى القاهره تنزل العربيه عنده لسرعه البيع لان مين هيسافر لك المسافه دى كلها
واظن السعر محتاج مراجعه

الملحوظات دى للمساعده فى سرعه البيع
تقديرى

[Honda_lover]

لازم تعمل اللي فيها وانا شايف انها حاجات تافهة بس هتاثر جامد في عملية البيع

[صعيدي]

omaranes77 العربيه ممتازه بس انا موسوس ومش بثق في الصنايعيه ألي عندنا ومبركبش غير قطع غيار اصليه وده مش متوفر عندنا خالص(حاول تفتكر ياباشا حتي متوسط التكلفه)

mo3tazanasياباشا الحاجات دي مش باينه ولو حد اشتري العربيه مش هايعرف بس للأمانه انا ألي هاقولو
طارق _عبد السلام مانا عشان كده احبطت وبفكر في البيع عشان بعد ماكنت فاكر اني عملت كل ألي فيها(الحمد لله علي كل حال)بالنسبه للسعر عندنا الاسعار عاليه انا اتفصلتلي قبل الصيانه وتغيير الكوتش وقبل الاسعار ما تغلي وكانت ماشيه 85000 كيلو او اقل ب 89000الف وعندنا بيهتمو بالصاج اكتر من اي حاجه
Honda_lover مانا لو عملت ألي فيها مش هابيعها بصراحه زهقت من الصيانه كل شويه (لو ألاقي حد يعمل ألي فيها في يوم أرحلو او حد ثقه اسبلو العربيه يعمل ألي فيها
"عموما ربنا ييسر الاصلح"
"انا واحد صاحبي قالي الزيرو زيرو حتي ولو لادا"
وشكرا يابشوات علي تفاعلكم واهتمامكم
"استفسار"
لو زيت الفتيس زياده يعمل نتشه في الغيارات؟وهل في طريقه نطلع بيها الزياده

[صعيدي]

ياريت يابشوات حد يفيدنا
لو زيت الفتيس زياده يعمل نتشه في الغيارات؟وهل في طريقه نطلع بيها الزياده
حد يعرف تكلفه تغيير اويل سيل كرنك بالمصنيعه

[mo3tazanas]

ما قولتلناش عملت اية بعت العربية واللا عملت اية طمنا

[صعيدي]

mo3tazanas لسه ياباشا
وحتي الان محتار ابيع ولا لأ مع الزياده الغريبه في الاسعار
وشكرا ياباشا علي اهتمامك وسؤالك

[never mind]

انا عربيتى اوكتافيا a4 98 المفروض الصيانه ده بكشف ع ايه ؟؟

[omaranes77]

انا عربيتى اوكتافيا a4 98 المفروض الصيانه ده بكشف ع ايه ؟؟

صيانة اية ياباشا باظبط