مشكله في فتيس a7 1600 2015

[mabdou2005]

صاحبي اشتري عربيه a7 1600 من نور الدين الشريف بناء علي نصيحتي ان العربيه بالموتور الجديد والفتيس هتبقي انسب اختيار
بعد ما استلام العربيه ورخص ظهر عيب غريب انه لما بيجي ينقل لل r او d العربيه تبطل المهم طلع علي التوكيل بها عند نور الدين الشريف يوم الخميس وقالوله عنكشف علي العربيه بالكمبيوتر يوم السبت

النهارده كلمني وقالي رحت اخدت العربيه ومفيهاش حاجه طبعا الكلام معجبنيش ازاي العيب يروح لوحده المهم قالي هاعدي عليك علشان اجرب العربيه
جيت اجرب العربيه لقيت العيب رجع تاني ومع كل نقله الي d او r العربيه تتخنق والrpm ينزل وتبطل المهم طبعا اتجنيت ازاي العيب يحصل في العربيه وهي لسه معملتش ١٠٠ كيلو

كلمت الاستاذ احمد خليل مدير مبيعات اسكودا وشرحت له العيب المهم الراجل اهتم جدا و قالي هاكلمك المهندس نور يبعتلك عربيه الخدمه

المهم فضلت انا وصاحبي نحاول مع العربيه وكل ما ننقل تبطل لغايه ما طلعنا بيها علي التوكيل
واحنا في السكه الكمبيوتر قراءه gear box error واحنا علي باب التوكيل
دخلوه العربيه علي الكمبيوتر علشان يعرفوا كود الerror المهم جربنا تاني العيب كان راح بعد كده رفعوا العربيه علشان يشيكو علي الوصلات الكهربائيه بتاعه الجيربوكس وطبعا نفيش اي مشكله

بعد ساعتين قالولي ان هما شاكين في البنزين خصوصا ان صاحبي فول اول تفويله من محطه تعبانه ناحيه المطار

وطلبوا نسيب العربيه لبكره علشان يفضوا تانك البنزين ويحطوا بنزين تاني وبعد كده نجرب تاني
طبعا انا الكلام ده مش عاجبني لان العربيه قراءت gear box error فا ده ايه علاقته بالبنزين


صراحه انا مروح وانا حزين جدا لان لو العيب طلع اي حاجه تانيه غير موضوع البنزين هاحس بذنب كبير ناحيه صاحبي الي كان هيجيب تويوتا كورالا وانا الي نصيحته بالاوكتافيا بناء علي تجربتي للعربيتان الي الان


عموما انا مستني لبكره وربنا يستر

[mo7a_mo7a]

لا حول ولا قوة الا بالله


لو البنزين وحش حتقدر تعرف بسهولة ان العربية تبطل وانت بتهدي علي المطبات او تترعش في الطلعة

علي كل انا لا اثق في نور الدين وانا بردوا من الاسكندرية

اصدقاء ليا كتير شكروا في مركز tvag علي السريع قبل ما توصل كبري ابيس

[Adnfalcon]

طب نفجر أرتوك و نخلص يعني ؟

[mo7a_mo7a]

انا من وقت للتاني بدخل علي موقع سكودا التشيك ابص لو في اخبار عن تغيير الوكيل

لكن لحد دلوقتي ارتوك مستمر

[A.Adel]

لسة عضو معاه toledo حصله نفس المشكلة

مع إن الفتيس ده مفيهوش أي حاجة جديدة
جايز يكون patch منه بقى نازل فيه عيب

[hugan]

هي العربيات الصيني كده
كلها مشاكل
في ايه
سكودا سيات فولكس
فتيس مابيكملش سنه
رينو فلوانس
عربياتها بتنقص زيت
الاوربي انضرب علي الاخر

[esp]

بسبب ان كل موديلات الاوروبي مختلفه عن البتنزل بره

[Mohamedjetta]

مش بنزين ده لان حصلنا عندنا في الجيتا وكانت في شحنه ديزل اتحطت مكان البنزين وطبعا فولنا العربيه لقيت العربيه بترعش وبعد كده لما وقفت مدرتش تاني لما ادورها بتبطل في ساعتها ولما ودتها التوكيل قالي ان عربيتك فيها ديزل مش بنزين

[svneleven]

لو بنزين ايه علاقته بالنقل من r ل d؟ طبعا بيستعبطو. خليك معاهم و ان شاء الله خير. و أنت مالكش ذنب حتي لو العربية فيها حاجة أنت نصحت الراجل باللي انت مقتنع بيه و هو مسؤل عن تصرفاته. أنا عارف أن الموضوع محرج لكن انت كان قصدك خير.

[mabdou2005]

البنزين طلع نظيف والناس في نور الدين الشريف مش عارفين العيب والبهاوات مسحوا كود الerror من غير ما يسجلوا وقالوا لصحبي اطلع جرب تاني لغايه ما العربيه تسجل error وابقي تعالي او هنبعتلك عربيه الخدمه

انا شاء بكره صاحبي هيطلع علي حمايه المستهلك والنهارده هاحاول ابعت ميل للتشيك واطلب تغير العربيه
وعلي فكره كلمت احمد خليل النهارده وقالي انا راجل بتاع مبيعات روح للمهندس نور

[EngAhmedSayed]

ان شاء الله خير وربك يستر
بخصوص ارتوك متقلقش هيحلو المشكلة ﻻنى العربية فى الضمان دى حاجة و غير كدة ﻻزم ارتوك تمحى مشكلة الفتيس
رب المستعان

[mabdou2005]

ان شاء الله خير وربك يستر
بخصوص ارتوك متقلقش هيحلو المشكلة ﻻنى العربية فى الضمان دى حاجة و غير كدة ﻻزم ارتوك تمحى مشكلة الفتيس
رب المستعان

المشكله يا باشمهندس احمد الكلام العشوائي الي بيتقال وان محدش عارف يشخص العيب او حتي يفهم كود الerror الي طلع ولما بقولهم كده يقولي اصله كان لازم يمسح الerror
في من الواضح ان مستوي الادء الفني في الفرع ضعيف جدا
خصوصا ان انا مهندس كهرباء وعارف طريقه الtroubleshooting المحترمه تبقي ازاي مش ان العربيه تعمل gear box error ومدير الورشه يقلي ده عيب بنزين ويعمل reset لل error

[ahmed.Elashy]

تحس كده انهم عارفين المشكله ومش عاوزين يعترفوا
او مستنيينك لماتجيب اخرك او فاكرين لما تسيب العربيه يومين ف الشمس هتتصلح
المفروض الموضوع بسيط جدا
اللي عمل العربيه عامل حمايه ع كل جزء واشعار لو حصل اي خلل
لما يديك عطل ف الجير بوكس وانت قلتلهم كده يبقي البهوات يفتحوا الكتالوج ويبصوا ع الحاجات الخاصه بالرساله دي
اللي بيعملوا ده شغل صنايعيه بيفتوا وخلاص وعمال يقول اي حاجه
ف الاخر بيزعلوا لما نقول ان معظم التوكيلات الناس اللي فيها مبتفهمش

[mabdou2005]

بعت ميل لخدمه العملاء في التشيك وبعت لحمايه المستهلك والعربيه لسه عند نور الشريف بيقولوه رفعوا الerror code امبارح للتشيك ورايهم هنا انه حاجه اسمها converter هي الي عامله مشكله ومستنين رد التشيك

الميل الي باعته للتشيك كان ل خدمه العملاء وinfo

[Adnfalcon]

بعت ميل لخدمه العملاء في التشيك وبعت لحمايه المستهلك والعربيه لسه عند نور الشريف بيقولوه رفعوا الerror code امبارح للتشيك ورايهم هنا انه حاجه اسمها converter هي الي عامله مشكله ومستنين رد التشيك

الميل الي باعته للتشيك كان ل خدمه العملاء وinfo

ربنا ينصرك عليهم
شوف هقولك حاجه قولهم كلمه واحده بس "الفتيس بايظ يا تصلحوه حالا وتشوفوا القطعه البايظه وتغيروها يا تركبوا فتيس جديد ودا أحسن طبعا ليك"