سؤال مهم

[wawamoha]

السلام عليكم
ممكن استفسار لان في حاجه محيراني جدا..
انا كنت ناوي اسكودا ايه 4 ان شاء الله بس لما رحت المعرض علشانم احجز انبهرت بالايه 5 طبعا ..
اولا مش عارف ايه الفرق بينهم ؟؟هو بس الشكل ..؟و لل االموتور مختلف ؟؟
ها اقولكم عل الاسعار : اوتو سمير ريان.
ايه 4 مانيوال بمثبت 2008 ب 118900
ايه 4 مانيوال بمثبت 2009 ب 122900
ايه 5 مانيوال بدون جنوط ب 137900
هو فيه فرق بين ال 2008 و 2009؟؟ في الايه فور ؟؟
هو صح استهلاك بنزين ايه 4 اكتر من الايه 5 ؟ و اسعار قطع الغيار لصالح مين ؟؟
تنصحوني بايه مع العلم ان الفلوس مش جاهزه قوي يعني ممكن اتزنق جداا لو ها اجيب الايه 5؟؟ علشان كجده انا متردد طبعا
و لكم جزيل الشكر.

[Fadi Ezzat]

على حسب انت عايز اية عايز امكانيات كتير اوى اوى اوى هات اية5 ولو عايز عربية ناشفة وفيها امكانيات بردة ولو شكل جامد اية 5 وكدة يعنى ودة عن تجربة

[egyma]

بكل صراحه هات a5 وتوكل على الله
أنا بإذن الله ناوى أشتريها بس بخلص شويه إجرائات تخص البنك
ربنا يوفقك يارب

[crazylambada]

ال A5
طبعا
شكل احلى شنطة اكبر و صالون اوسع
و خامات داخلية افضل

[KHALED AYMAN]

a5 شكل احلى و حجم اكبر و تكنولوجى اعلى ووسع (الفور ضيقه على فكره خصوصا من ورا)
بس لو هتتزنق يبقى a4 مهى حلوه برده مفيهاش حاجه و الكماليات الى فى الa5 مش هتنفعك لما تتزنق مش كده ولا ايه ؟؟؟؟

[karimone]

علي فكره ال A4 و الa5 نفس الموتور هو الفرق في الشكل و في الكماليات الزياده اللي في الa5

بس خالي بالك الa4 جميله برده يعني ماتحاولش تزنق نفسك عشان تجيب الa5

ممكن تكره العربيه لما تلاقي نفسك مزنوق قوي بسببها

[Migo123]

في الكماليات الزياده اللي في الa5

ممكن لو حد يعرف ايه الكماليات الزياده الموجوده في A5 المانيوال؟؟؟

[karimone]

راجع الموضوع الجميل ده عن تقييم الA5 اقرا المشاركات اللي موجوده لانها مفيده جدا بره

http://www.nilemotors.net/Nile/showthread.php?t=8283

[karimone]

و ابقي قولي رأيك فيها ايه؟؟؟

[crazylambada]

ممكن لو حد يعرف ايه الكماليات الزياده الموجوده في A5 المانيوال؟؟؟

بص انا عندي الA5 المانيوال
بس انا معرفشاقولك الكماليات الزيادة علشان معرفش كماليات ال A4 فهقولك الكماليات كلها
باور ستيرنج كهربا
مرايات كهربا
ثلاجتين و احدة في الكنسولة و التانية في التابلوه
تكييف بنظام البكرات
ضوء الاشارات موجود بالمرايات
فرامل Abs و Ebd و في حاجة كمان بس مش متذكر
فيه نظام مراقبة لضغط الكاوتش لو زائد او ناقص بيدي تحذير
الكاسيت بتاعها سي دي اوديو
الكرسي بتاع السواق بتتحكم في ارتفاعه
صالون كبير اكبر من A4 بمراحل
و شنطة كبيرة جدا 560 لتر يعني تعيش فيها
اربع سماعات كلهم فيالبابين اللي قدام
اربع زجاج كهربا مع التحكم في اغلاقهم جميعامنعا لعبث الاطفال
سنتر لوك و انذار ووحدات رفع يعني ممكن تقفل الازاز كلهو انتا بره بالريموت اللي شكه تحفه
فيها اتنين اير باج غير نظام الاغلاقالمركزي من الداخل
الدركسيون بيطلع لفوق و ينزل لتحت زي ما انتا عاوز
فيها فوجات و عندك خمس انظمة مختلفة للتحكم في نوع و شدة الضوء اللي عاوزه
ضوء الفوانيس ببتحكم في درجة انحرافه صعودا او انخفاضا
العربية فيها كمبيوتر بيقيسلك كل حاجة
كما لو فيه مشكلة فيالسيارة بيحددهالك
التابلوه تحفة و خامات في رايي احسن من A4
انا مش متذكر دلوقتي بس لو فيه حاجة كمان حقول

[wawamoha]

اخي العزيز
تقييمك رائع للعربيه-و هيا فعلا مبهره- بس فيه حاجتين:
اولا ايه عيوبها ؟؟ معلش كل عربيه ليها عيوب برضه
ثانيا سمعت من ناس كتير ان مشاكل العربيه و صيانتها مكلفه اكتر من الايه 4 و ده طبعا علشن خاطر الكمبيوتر و التكنولوجيا العاليه اللي فيها
و حضرتك عارف الطرق الممهده و السواقين المحترمين اللي في طرقنا
ربنا يسلملك و يسلملينا طريقنا باذن الله..

[crazylambada]

بص يا باشا
عيوب العربية كالاتي
مجال الرؤية الخلفية سيئ جدا
لازم تكون سواقشاطرعلشان تعرفابعاد العربية من ورا و برضه حتبقى مشكلة بالنسبة ليك
لان العربية عريضة اوي بسم الله ما شاء الله
فيه حاجة فيالعربيةباظت اسمها حساس شكمان و التوكيل غيرها ببلاش لاننا كنا في الضمان و ده بيحصل لاي عربية
العربية بتجري بغباء و بتوصل لسرعات عالية بسهولة شدبدة جدا
و انتا بتسوق استحالة تشوف الكبوت
و كمان القايم بتاع العربية اللي في الجنب بيحجب الرؤية
يعني من الاخر لازم تبقى سواق شاطر علشان تعرف تعامل مع العربية
الراديو علشان يشتغل حلو لازم تركب الاريال
غير كده صدقني مفيش حاجة او عاللاقل بالنسبة ليا
اه نسيتاضيفحاجة كمان فيالكماليات
ان فيها فتحات تكييف خلفية علشان اللي قاعدين ورا
تكاليف الصيانة اغلى من الa4 معرفش بسلو حقيقة حتبقى حاجة بسيطة
متنساش ان قطع الغيار بتاع الاوكتافيا رخيصة بالنسبة لامثالها من نفسالفئة
يعني تقريبا حصلت مقارنة في قطع الغيار ما بينها و هيونداي سوناتا و الاوبيل فكترا و كانت الاوكتافيا A5ارخصهم
التكنولوجا اللي فيها متخفش دي بتساعد صدقني و ساعدتني قبل كده
لما السواق قولتله يزود الفرد قبل ما ييجي علشان نسافر بيها و كبر
العربية و انا سايق في الصحراوي طلعتلي تحذيرمن ضغط الاطارات فيه حاجة
روح لاقرب بنزينة و بكشفعلى ضغط الهوا
لقيت فردتين 20 و فرد 15 و فرد 25
بص العربية ديه بتستحمل بهدلة و جامدة
و لوركبتها مع واحد و دخل في حتة متكسرة مش حتحس بالتكسير
و انا في خدمة حضرتك

[crazylambada]

على فكرة كل العربيات فيها كمبيوتر
الفيرنا نفسها فيها كمبيوتر
بس الكمبيوتر بتاعها و التكنولوجيا بتاعتها مش بتساعدك
لكن العربية ديه التكنولوجيا بتاعتك بتساعدك انتا
و بتساعد المهندسين في صيانتهم انهم يحددوا العطل الدقيق للسيارة

[wawamoha]

باشا شكرا

يا باشا شكرا عل ردك المستفيض .
انا عارف ان الكمبيوتر بيفيد اكيد ما فيش شك ..
بس اللي مخوفني ان العربيه لو لاقدر الله عطلت لازم تسحبها و توديها الوكيل علشان هو الوحيد اللي عنده الجهاز اللي يقرى الكمبيوتر.. بس اعتقد ان الايه 4 اي حد ممكن يصلحها - قصدي لو عطل بسيط يمشيها حتى.

حاجه اخيره قالولي -و حضرتك عارف ان اصحاب المعارض ساعات بيفتم بس ده و الله ماكانش بيبعلي -قاللي ان الايه 4 عمليه في الصيانه و عفشتها انعم من الايه 5 خليك في الايه 4 يا بيه...
ده اللي خلاني افتح الحوار ده املا في الحصول عل اجابه ليه.
و اخيرا شكرا يا استاد (لامبادا) و ربنا يباركلك في عربيتك و يحرسهالك و يحرس عربيتنا جميعا من كل سوء.

[د./اليشع ثابت]

علي فكره ال A4 و الa5 نفس الموتور هو الفرق في الشكل و في الكماليات الزياده اللي في الa5

بس خالي بالك الa4 جميله برده يعني ماتحاولش تزنق نفسك عشان تجيب الa5

ممكن تكره العربيه لما تلاقي نفسك مزنوق قوي بسببها

كلام عقل جداااااا و حكيم
و بعدين مش ديقة قوى من ورا
يعنى تعتبر اوسع من الانسر كمان من ورا
والشنطة برضة اوسع من الانسر
والموتور و الصاج و كلة زى بعض ال 4 و ال 5
الفرق شوية كماليات فى ال 5
سهل الاستغناء عنهم
زى ظبط حرارة التكييف لكل راكب و فتحات تكييف للركاب فى الخلف و غيرة عادى التكيف لما بيكون كويس بيكف العربية كلها صح ولا لاء
و بالتوفيق إن شاء الله