ارجو حد يفيدنى

[mody_van]

مشيت على سرعة 120 كم بس على التالت وكنت فاكره الخامس لمدة 30 دقيقة
نوع عربيتى سكودا فانتازيا الجديدة ووبعد كده عرفت انه التالت والعربية دلوقتى ماشية معايا عادى دى ممكن يكون أثر على حاجة فى الماتور او الزيت واعرف ازاى ان فى حاجة حصلت فى الماتور
ياريت حد عنده خبرة ينصحنى اعمل اية

[ابوهاشم]

الافضل تكش عليها عند ميكانيكى
او فى التوكيل

[mr_kenawy]

ما حسيتش من صوت الموتور؟

[mody_van]

لا

لا مفيش حاجة فى صوت الماتور وانا سافرت بيها بعد الموضوع ده مرة

[WalidAdel]

عادي ياباشا العربيه ليسه في الاول مافيش اي مشكله ولا تشغل بالك اصلا
بس حضرتك ابقي خالي بالك دايما من عداد ال rpm بس و انت سايق

[A7MED_PHARMA]

العضو الي كان بيسألك "محستش من صوت الموتور"
كان يقصد إنت محستش إنك ماشي ع التالت من صوت الموتور وسحب العربيه..
وعموما ..روح للميكانيكي بتاعك وطمن نفسك برضو

[a7mode]

مفهاش اى مشكلللللله يا باشا اصلا التالت عندك ممكن يجيب معاك 130 كمان مش 120 بس .. عادى جدآآآآآآ انت بس مجرد حرقت النقله ووصلتها لسرعتها القصوى ودا مفيش منو اى ضرر لو مش متعود على كدا

اسلوب حرق النقلات دا بنستخدمو فى الشد بس انما فى السفر والمشى بسرعه معقوله لا طبعآ بس مفيش اى مانع او اى قلق من اللى حصل معاك

احب اقولك انا عربيتى تويوتا ياريس ولما بجرى وبشد بيها التاااااااانى عندى بيجيب 100 !! وساعات 105 كمان ههههههههه والعداد اصلا كلو 200 عندى ,,


متقلقش خاااااااالص ودا شيئ عااااااااادى جدآآآآ بس خد بالك مال rpm بعد كدا طول منت ماشى ومن صوت الماتور كمان

[amr.elsayed]

حاول ماتكررش الموضوع دة تانى بالذات ان انت تقريبا
فى مرحلة التليين والعربية لسة موصلتش لاعلى اداء ليها
حاول تاخد بالك من عداد ال rpm
وان شاء الله خير وما فيش حاجة

[mody_van]

الف شكر على الردود

اخلى بالى ازاى من عداد الار بى ام واعرف منين ان هنا خطر او لا