معروض عليا فابيا 2004

[mohamed1992]

ابن عمي عاوز يبيع عربية فابيا 2004 1300سي سي fpi هو مشتريها زيرو وعامل بيها 140 الف كيلو وكان عاوز يبيعيها عشان يشتري الفابيا الجديدة وهو ساكن في بورسعيد وكل ماشية بيها سفر الي اسكندرية والقاهرة يعني مش مبهدلها وكنت عاوز اعرف
ايه عو السعر المناسب لهذه العربية وهو كل صيانتة عند التوكيل واستعمل نضيف

[Xpert]

العربيه نمر ملاكي ولا منطقه حره ..
turn and run as fast as you can :D

[Mohamed-Saoud]

العربيه نمر ملاكي ولا منطقه حره ..
turn and run as fast as you can :D

هو ايه الموضوع ؟؟؟!!

[Xpert]

بيشتري سكودا .. مابحهاش .. و كمان من منطقه فيها رطوبه عاليه ... يعني صباح البارومه المستخبيه ...

[mohamed1992]

ايوة العربية ملاكي بورسعيد

[mohamed ibiza]

صباح البارومة فعلا بالذات في المناطق الساحلية اسكندرية بورسعيد المدن دي كلها كده بتاكل الصاج اكل بس الفابيا مفيش منها 1300 سي سي الفابيا 1000 سي سي و 1200 سي سي و 1400 سي سي 1300 دي واقعة في النص كده مفيش فابيا 1300 سي سي و مواتيرها mpi مش عارف دي بقي جاية منين

[mohamed1992]

يا جماعة الراجل يعتبر عايش في القاهرة عشان كل شغله في القاهرة بس انا عاوزاعرف السعر كام
هو لسة موديها التوكيل امبارح واكيد مش هيضحك عليا عشان ده ابن عمي والصراحة العربية حلوة جدا انا عاوز سعر ليها هي كل الصيانة في التوكيل مبيخرجش خارج التوكيل ولسة مغير الفلاتر امبارح

[mohamed1992]

هو العربية ماشاء الله البودي مفيهوش اي حاجة والسيارة من الداخل عند الموتور في الكبوت ميه ميه مفيهاش ذرة برومة ولسة كاشف عليها في التوكيل
هو العربية خالو جايبهالو من المانيا ونزلها عن طريق التوكيل يعني شوية حجات خاصة انامش عارفها مثل الموتور وحجات تانية كتير

[mohamed1992]

ايه يا جماعة الناس انقردت من المنتدى ولا ايه فين الناس فين الردود
انا ان شاء الله هروح اقابل ابن عمي بكرة الصبح يا ريت الردود تكون سريعة

[Ahmad Allawy]

بيتهيألي الموتور ال1300 ده ممكن يوجع دماغك عشان قطع غياره..
اسأل عليها ف التوكيل الاول.. وشوف منتشرة و متوفرة ولا لأ..

[mohamed1992]

سألت قريبي وقالي الحمد لله قطع الغيار متوفرة

يا جماعة انا عاوز سعر للعربية حد يقول بيكام العربية

[Ahmad Allawy]

45 الف تقريبا..
وخلي بالك ان سعر اعادةا لبيع بتاعها ضاااااااااااااايع..
يعني عشان تبيعها ممكن متجيبش اكتر من 42 ولا حاجة..

[mohamed ibiza]

ده لو جابت40 تبقي فل تجيبلك بتاع 40 انا رأيي هات بولو او ابيزا احسن و كمان ايه الموتور ده بقي متسقط ولا ايه مفيش فابيا 1300

[mohamed1992]

ايه يا جدعان الاسعار دي 45 و 40 هو عارضها في التوكيل ب 62 وفي راجل جه وكان هيشتريها ب 60 بس لما عرف انا عاوز العربية لغي معاه
ازاي بقي انتوا بتقولوا الاسعار دي
ممكن اعرف

[mohamed ibiza]

60 الف جنيه !!!!!!!!!!!!!!!!!!!!!!!!!!!!!!!!!!!!! الموتور مش بتاعها و 60 الف يا باشا متجيبش الكلام ده العربية سوقها واقع جدااااااااااااااااااااااااااااااااااا و كمان معلش بقي اسأله الموتور اللي فيها بتاعها ولا لا لان الفابيا منزلتش بمكنة 1300 اصلا