نصيحه عن سكودا فابيا 2009

[alexandro]

السلام عليكم ورحمه الله وبركاته

انا عايز اشتري عربية واحد معرفة عرض عليا سكودا فابيا 2008 - 2009 مانيوال

بس انا تقريبا معنديش اي معلومات عنها عايز اعرف بقا

1- قوة الموتورين 1400 و 1600 ولو 1400 هيبقي ضعيف معايا
2- ايه اخبار قطع غيارها متوفره ولا لا واسعارها ايه زي السيور والمساعدين وتشابه انهي عربية في اسعار قطع الغيار
3- صيانتها ايه اخبارها اي حد يعرف يشتغل فيها ولا عايز واحد متخصص
4- بتستحمل و اعتمادية ولا تعبانه
5- شكرا

[Amr_Azab]

عليكم السلام ورحمة الله وبركاته

1- قوة الموتورين 1400 و 1600
1400 سي سي 4 أسطوانات 16 صمام تبلغ قوته 85 حصان
1600 سي سي 4 أسطوانات 16 صمام تبلغ قوته 105 حصان

الموتورين زي الفل واي واحد فيهم معتقدش انها حتفرق معاك كتير
غير لو حضرتك بتحب الشد والجري فأكيد 1600 سي سي حيبقي احسن بالنسبالك

2- ايه اخبار قطع غيارها متوفره ولا لا واسعارها ايه زي السيور والمساعدين وتشابه انهي عربية في اسعار قطع الغيار
قطع الغيار موجودة متقلقش والا مكنتش العربية تنزل بموديلات جديدة لحد 2013
امثلة لقطع الغيار : سير مجموعة 90 جنيه وفلتر هواء 85 جنيه وفلتر بنزين 150 جنيه
ممكن تتابع الموضوع ده لآسعر قطع الغيار

http://www.nilemotors.net/Nile/320010-a.html

وبتتشابه في قطع الغيار مع الآوكتافيا وخصوصا الـ A4 في الموديلات الآقدم والـA5 مع موديلات الفابيا الآحدث

3- صيانتها ايه اخبارها اي حد يعرف يشتغل فيها ولا عايز واحد متخصص
لا مش اي حد يعرف يشتغل فيها لآنها ذات تكنولوجيا عالية جدا فينفعش تروح بيها لميكانيكي تحت بير السلم وتقوله اعملي صيانة مثلا - لازم صيانتها تبقي في مركز محترم او ميكانيكي فاهم كويس عشان كمان تحافظ علي العربية ويتعمل فيها الشغل بطريقة سليمة

4- بتستحمل و اعتمادية ولا تعبانه
بتستحمل وأعتمادية لآقصي حدود وخصوصا في شوارعنا الجميلة
يعني عفشتها من الآخر حمالة أسية ومتقلقش

[Amr_Azab]

بس أهم حاجة لازم تكون حالتها ممتازة ولو حالتها مش ممتازة يبقي متشتريهاش
الفابيا بالذات لازم تشتريها بحالة ممتازة وتحافظ عليها وتعملها الصيانة أول بأول
في الحالة دي حتستمتع بيها جدا وتعرف قيمتها
لكن لو حالتها وحشة او حتهمل فيها يبقي بلاش تجيبها أحسن

[المنسي]

الله ينور ياعمرو بيه بتجيب من الاخر

[Amr_Azab]

الله ينور ياعمرو بيه بتجيب من الاخر

وعليك يا باشا ربنا يخليك

[alexandro]

الف شكر ليكو يا رجالة

طب لو حبيت اركب اوكتافيا تكون في حدود 60-65 حالة نظيفة و ممكن ترش بره عادي مش فارقة معاية
تكون موديل كام

وايه بردو اخبار قطع غيارها وتوافرها وصيانتها
والاوكتافيا هتريحني ولا متعبه وهتدوخني

[Amr_Azab]

نفس الكلام اللي أتقال فوق ينطبق علي الآوكتافيا
الفابيا هي هي الآوكتافيا الـ a4 مع اختلافات بسيطة اوي
وبالنسبة لموضوع الاسعار فنا مش متابع السوق حاليا بصراحة
دور علي النت وانت تعرف الدنيا فيها ايه
وانتظر رد باقي الاعضاء ان شاء الله

[المنسي]

اعتقد بالسعر اللى انت كاتبه يجيبلك a4 والله اعلم ودور برده على مواقع البيع وشوف الاسعار