بخصوص الفابيا 2003

[me2sense]

السلام عليكم

انا عايز اشتري عربيا فابيا 2003
بصراحة عاجبني شكلها جدا

بس ناس كتير خوفوني منها
انا ساكن في قرية في مدينة قريبة من اسكندرية

بس صنايعية وناس كتير قالولي العربية لو عطلت هتضطر ترفعها وتسافر بيها اسكندرية عشان تعملها صيانتها لان مفيش حد بيفهم فيها وقطع غيارها نادرة وغالية كتير و و و و

وانا بصراحة لسة دي اول تجربة ليا في عربية فعاوز نصيحتكم ورأيكم في الموضوع ده

اتوكل على الله واشتري فابيا 2003 ولا هتتعبني ويبقى فيها مشاكل وتتركن معايا وادوخ في الصيانة وقطع الغيار وكدة ؟؟؟

وتنصحوني بايه

[Abo_Mazen]

بص ..أنا اللي أعرفه عن الفابيا إن هي نزلت بمحركات مختلفة ..تقريبا 3 محركات ..مش فاكر بالضبط ..بس نزل منها 1000 سي سي تلاتة سلندر ..و 1400 ..ودي كانت اربعه سلندر ..وكان فيه منها 1600 تقريبا ..هي فعلا عايزه ميكانيكي اسكودا يشتغل فيها ..لكن ندرة قطع الغيار أنا مشفتش حد أو قريت مشاركات هنا لحد بيقول إنه إشتكى من ندرة قطع غيارها ..لكن هي فعلا عاوزه الميكانيكي بتاعها

[me2sense]

حتى الـ 1400 سي سي محتاجة ميكانيكي متخصص ؟؟

يعني لو لا قدر الله وقفت في الطريق او وقفت لاي سبب لازم ارفعها وانقلها ؟

[Abo_Mazen]

حتى الـ 1400 سي سي محتاجة ميكانيكي متخصص ؟؟

يعني لو لا قدر الله وقفت في الطريق او وقفت لاي سبب لازم ارفعها وانقلها ؟

ياباشا فيه فرق ما بين ميكانيكي يسعفك لما العربيه تعطل منك في وسط الطريق ..وميكانيكي بتعمل عنده شغل العربيه من صيانات دورية وغيره ..أي عربيه لو عطلت منك في نص الطريق بتشوف أي ميكانيكي ..ويابيعرف يسعفك وتشتغل لغاية ما تروح أو بترفعها على كساحه وتوديلها للصنايعي بتاعها ..أنا مش بتكلم عن ميكانيكي متخصص يعني يجيلك في الشارع لما تعطل ..أنا بتكلم عن ميكانيكي تعمل عنده الشغل بتاع العربية ..يعني مثلا عايز تغير سير تقسيمه وسير دينامو..الكويلات عندك فيها حاجه وعايزه تتغير ..عايز تغير فلتر بنزين ..ضبطة المكنه وحواراتها ..هي دي اللي عايزه ميكانيكي يكون متخصص إسكودا ..لكن حكاية إن لما تعطل تشوف ميكانيكي عشان يدورها ..والله دي أرزاق ..ناس بتعطل بعربيات لادا ..يعني تعتبر الأصل بتاعة الميكانيكا وبيجيبوا صنايعية ما بيعرفوش يشغلوها ..سيبك من حتة تعطل منك في السكه .وخليك في حتة مين هيمسكلك الصيانه بتاعتها

[me2sense]

طيب انا دلوقتي لو قدامي عربية فابيا لو رحت كشفت عليها في بنزينة هل الكشف ده كافي ويجيب اهم حاجات فيها ولو فيها عيوب او مشاكل تتعرف ؟!

ولا بردو لازم اوديها لمتخصصين اسكودا فابيا يكشفوا عليها ويشوفوا حالتها او يكون لازم اوديها التوكيل ؟ لان النقطة الاخيرة دي بتبقى صعبة شوية وكدة

[Abo_Mazen]

هو كشف البنزينه هيبقى كشف عام في الحاجات الظاهره قدامك ..زي الشاسيه والقنطره ..وكده يعني ..إنما الكشف الصح فعلا يبقى في مركز متخصص كشف على السيارات أو مركز سكودا ..ده رأيي بصراحه

[me2sense]

الف شكر ليك طب كان عندي استفسار كمان لو مش هتعب حضرتك

هل يعيب العربية الفابيا انها تكون مسقطة موتور جولف 1600 سي سي ؟!
وصيانة الموتور ده واستهلاكه للبنزين واعطاله اخبارها ايه؟

[Abo_Mazen]

هو ميعيبش العربيه إن تسقط موتور ...وده في العموم ..بس المهم برضه تعرف هي سقطت موتور ليه ..ممكن ما يكونش الموتور القديم جاب طقم شنبر والعربيه كانت عامله حادثه ..فعشان كده لو العربيه مسقطه مكنه ده يخليك تتدقق أكتر في الفحص قبل الشرا ..

[me2sense]

طب يا باشا انا قدامي العربية دي







العربية محتاجة كوبلن + مساعد
والعربية فيها موتور استيراد 1400 سي سي متركب من 3 شهور
وحساس البيئة او حساس الشكمان مش بيتصلح علطول فيها لمبة اتشيك

وحالة الصالون كويسة وسليمة دواخل

العربية دي تسعيرها كام ؟
وصيانة الحاجات دي مع الرش بحيث تبقى نضيفة خالص وسليمة تتكلف كام ؟

[Abo_Mazen]

هي عموما وش النضافة مع تلقيط شغل الصاج الرفيع اللي فيها يدخلك في تلات تلاف ...وبعدين إيه موضوع حساس الشكمان اللي مش بيتصلح ده بقى ؟؟؟؟...طيب ما دي كده هتلاقيها بتدخن معاك دخنه سودا وبتاكل بنزين

[me2sense]

هو قال انه غير حساس البيئة والشكمان ده بس بسبب ان الموتور منزله جديد وكدة فمش قاري حساس الشكمان او حاجة زي كدة

[bobo_911]

انا في حد قالي ان الكوبلن ب 7 الاف جنيه الكلام ده مظبوط

[me2sense]

لو بـ 7000 انا هجيب فيات 128 :'(

[Hamada nasr]

معلش ممكن استفسر عن حاجه حصلت عندي في العربيه
حساس الحراره نفرت منه ميه وفصل ولما حكمته كويس ضرب جنب الكوعه واتكسرت ده سببه ايه