سهره في الحرفيين عند المهندس رشاد

[Mahmoudyoussif]

استكملا لحلقات الصيانه بتاعت عربيتي و عشان اقدر افيد الناس ولو بشىء صغير


رحت لرشاد مره و قضيت معاه السهره في الحرفيين راجل زوق

و فاهم بصراحه حل عندي طرمبه البنزين لقى المقاومه طلعان عينها

مع ان البنت اللي انا شاريها منها قالتلي لسه مغيراها بس الصيني للاسف

لقيت عنده واحده استيراد بتبرق قلتله اجيب الاستيراد احسن قالي حرام 500 جنيه كتير احنا نغير المقاومه

و نزبطها بس ما تسبش العربيه لغايه الربع في التانك قعد ركبها واتزبطت بص على العداد عندي اللي كانت في مشكله

ان نصه ضرب قالي العداد محتاج يتغير كله جابلي العداد بتاع 1600 قالي دا محترم وعداد كويس

بس هيعملي زي فيشه عشان 1600 مختلف عن الالف لان لمبه الزيت بتنور على طول عشان في حاجه

في الموتور 1600 فرق عن اللي عندي ركبها ومشيت بيها شويه زمرت تاني رجعتله قام زبطها

و خد بتمن المقاومه بالعداد بالكشف بالكمبيوتر على العربيه بالمصنعيه 500 جنيه

ربنا يجزاه خير عن اي واحد معاه عربيه فولكس في المحروسه

[M.Mostafa80]

للأسف الناس دى كانت السبب فى بيعى للعربيه بتاعتى
لأنهم مظبطوش الدفيره باعت الموتور اللى سقطناه وفضلو مدوخنى هما الأثنين طول رمضان سواء هو يحدفنى على اخوه تامر
وتامر يقولى كنترول لأ بوابه لأ سلكه مش عارف ايه وشهر على الحال ده لحد ما اتخنقت من العربيه ومن فولكس بحالها بسببهم من الأخر زيهم زى اى صنايعى مداما خد الفلوس واتحركت من قدامه ميدليكش الأهتمام المطلوب لو رجعتله بعيب هو السبب فيه يالا حسبى الله ونعم الوكيل
مكنتش حابب اقول تجربتى معاهم بس بصراحه حاسيس بردو انهم استغلوك فى اسعار العداد وتركيب المقاومه للطلمبه

[Mahmoudyoussif]

و الله اللي حسيت انه غالي العداد و ال 1600 اصلا ملوش لزمه عندي

1300 حلو بتاع اي عربيه ياللا ربنا يجزاهم بنيتهم المهم شغلهم كويس

و الواحد للاسف ما بتعلمش ببلاش بس يا ترى في غيرهم وفاهمين برده

للاسف دا الكهربائي الوحيد تقريبا اللي شفته فاهم في فولكس

اما الميكانيكيه كتير و معظمهم كويس لو في كهربائي تنصح بيه يا ريت تقولي

خصوصا اني عايز اظبط علبه الفيوزات و اعمل كتاوت للنور واجيب لمض تونجسرام

[M.Mostafa80]

بعيد عليك شويتين لأنه فى الهرم

[Mahmoudyoussif]

مش مشكله انزل الهرم ليا واحد صحبي هناك ارزل عليه واقعد معاه

طالما هوا كويس و اتعاملت معاه قبل كده المشكله يا محمد باشا

مش في الفلوس المشكله فالضمير كل واحد فاكر ان اللي راكب عربيه

بيصحى الصبح يفتح الحنفيه تنزل فلوس

[ashoub]

انا معاك ان قطع الغيار الى بيركبوها غاليه جدا بس هقولك على حاجه شغل الكهربا ميضمنش بمعنى انى ممكن اشترى قطعه غيار من عند اى حد وعلى التجربه اجى اركبها تقعد شهر ولا حاجه وتضرب وساعتها ابقى خسرت فلوسى لكن لما ادفع فرق زياده والحاجه الى هو جايبها تبوظ يبقى هو الى مفروض يغيرها على حسابه واشترى دماغى بس بصراحه رشاد شاطر فى الكهربا والكنترول بتاع العربيه وممكن كان حظ استاذ محمد مصطفى معاهم وحش علشان ربنا رايد ليه يركب عربيه غيرها

[OSaMa.GHaMrY]

ياريت يا استاذ محمد تعرفنا على مكان الميكانيكى اللى فى الهرم لانه هيبقى جمب كليتى بدل ماطخ مشوار للحرفيين لو هعمل اى حاجه

[DRSARA]

لو سمحتوا رقم مهندس رشاد

[Mahmoudyoussif]

مش عارف ينفع اكتب رقمه هنا ولا ممنوع انا معايا رقم

حسام في الورشه برده معرفش اذا كان اخوهم ولا ايه

[DRSARA]

ايوه عادى ينفع تكتب الارقام
يعنى حسام ده بيشتغل مع رشاد؟
ياريت الرقم

[Mahmoudyoussif]

اه حسام معاهم في نفس الورشه

و دا رقمه 0125432504

[M.Mostafa80]

انا معاك ان قطع الغيار الى بيركبوها غاليه جدا بس هقولك على حاجه شغل الكهربا ميضمنش بمعنى انى ممكن اشترى قطعه غيار من عند اى حد وعلى التجربه اجى اركبها تقعد شهر ولا حاجه وتضرب وساعتها ابقى خسرت فلوسى لكن لما ادفع فرق زياده والحاجه الى هو جايبها تبوظ يبقى هو الى مفروض يغيرها على حسابه واشترى دماغى بس بصراحه رشاد شاطر فى الكهربا والكنترول بتاع العربيه وممكن كان حظ استاذ محمد مصطفى معاهم وحش علشان ربنا رايد ليه يركب عربيه غيرها

القصه مش قصه حظ القصه قصه ضمير انو يبقى عارف سبب المشكله وميحلهاش عشان هو قبض فلوسو خلاص ويفضل يمشور فيا شهر لحد ماتخنقت منه ومن العربيه ومن فولكس بحالها

[Mahmoudyoussif]

القصه مش قصه حظ القصه قصه ضمير انو يبقى عارف سبب المشكله وميحلهاش عشان هو قبض فلوسو خلاص ويفضل يمشور فيا شهر لحد ماتخنقت منه ومن العربيه ومن فولكس بحالها

عندك حق

[ashoub]

والله انا عن نفسى كان محترم جدا معايا لدرجه كان عندى الايديل بايظ فمكنش معايا فلوس ساعتها فروحتله بعديها بيومين ملقتش عنده ايديال فقولتلو انا مكنش معايا فلوس ساعتها والله راجل قالى عادى كنت ركبته والفلوس تجبها فى اى وقت ودور على واحد عنده بس هو كان شاكك فيه قلى جربه اسبوع وتعاله لو سليم ومظهرش error نتحاسب وفعلا روحتله بعديها باسبوع وكان محضر ايديال سليم وركبته وخد فلوسه والدنيا تمام ومره تانيه روحتله كانت الموبينه والاسبراتير ضاربين الراجل غيرهم والعربيه زى الفل معايا وحتى قولتله اكشف عليها كمبيوتر احتياطى قالى مش مستهله تدفع فلوس زياده ليه فحسيت انه امين على فلوسك وكذا واحد من صحابى راحله عملهم شغل زى الفل فمشعارف بس انا اتعاملت مع رشاد فقط متعاملتش مع تامر

[M.Mostafa80]

والله انا عن نفسى كان محترم جدا معايا لدرجه كان عندى الايديل بايظ فمكنش معايا فلوس ساعتها فروحتله بعديها بيومين ملقتش عنده ايديال فقولتلو انا مكنش معايا فلوس ساعتها والله راجل قالى عادى كنت ركبته والفلوس تجبها فى اى وقت ودور على واحد عنده بس هو كان شاكك فيه قلى جربه اسبوع وتعاله لو سليم ومظهرش error نتحاسب وفعلا روحتله بعديها باسبوع وكان محضر ايديال سليم وركبته وخد فلوسه والدنيا تمام ومره تانيه روحتله كانت الموبينه والاسبراتير ضاربين الراجل غيرهم والعربيه زى الفل معايا وحتى قولتله اكشف عليها كمبيوتر احتياطى قالى مش مستهله تدفع فلوس زياده ليه فحسيت انه امين على فلوسك وكذا واحد من صحابى راحله عملهم شغل زى الفل فمشعارف بس انا اتعاملت مع رشاد فقط متعاملتش مع تامر

بص يأخ عشوب الحمد لله واعوذ بالله من كلمه انا عمرى ماقلت على حد كلمه من فراغ ولو اخدت لفه كويسه فى مواضيع المنتدى هتقدر تتعرف عليا انا مبقولش الناس دى مش فاهمه انا بقول ان الناس دى ودا اللى حصل معايا انهم عملولى دفيرة الموتوروهما بيقسمو فى غلطه حصلت اثرت على ثبات العربيه فى السلانسيه مع التكييف رحتلهم قالو بوابه غيرت بوابه قالو كنترول جربت 15 كنترول بدون مبالغه قالك طب هنعمل مش عارف سلكه ايه من عند فيشه الكنترول عملوها والعيب كان معروف لسبب لو حضرتك قريت مشاركاتى هتعرف انى كان عندى كبل كشف الأعطال والحمد لله اعرف استخدمه جيدا واحمد الله ايضا على قدر فهمى فى الميكانيكا والعفشا والكهرباء الخاصه بالسيارات كانت المشكله فى توصيل الدفيره الخارجيه مع الداخليه للسياره وهذا هو كان العيب الموجود بالسياره ونظرا لكم الوقت والمجهود الذى كان سيضطر لبذله حيث انه كان سيعيد كل ماقام به من عمل فى السياره أخذ يماطل فى طوال شهر رمضان وفى احد المرات لجأت للمهندس رشاد وكل ما قام به انه يقول لأخيه حل المشكله واخيه ظل يماطلنى لمده شهر مره بوابه مره كنترول مره سلكه لدرجه اننى كنت أقوم بتركيب الكونترولات بنفسى وتكويدها وتجربه السياره بالرغم من علمى بمشكله التوصيلات بالدفيره ولكنى كنت اتبع مثل شعبى معروف لنا جميعا ولكن اعذرنى من ذكره والنتيجه كانت اختناقى من سيارتى التى كانت لها عندى معزه خاصه والكل فى القسم هنا يعلم مافعلته بسيارتى ويعلمنى ايضا جيدا انى لست من النوع الذى يهاجم او يتهم احد من فراغ وعلى كل حال انا ذكرت تجربتى لكى يكون هناك حذر من هؤولاءولن يعود على اى نفع من قول اى شئ غير الحقيقه
وتحياتى للجميع