مشكله في البولو أعمل أيه

[ahmedagamal]

السلام عليكم
عندي بولو 2001 وفي مشكله وهي أكون ماشي بالعربيه ومثلا ماشي على التاني السرعه مش بتزيد عن 40 يعني مهما أزود بنزين مفيش ولما أنقل على الثالث متزيدش عن 60 والرابع 80 كيلو متر على العداد
وعشان أحل المشكله دي بقفل الكونتاكت وأفتحه تاني يعني بكون ماشي وبطل بالمفتاح ودور تاني وهيه ماشيه
يعني مش محتاج أقف بالعربيه
وبصراحه أنا رحت عند المهندس هاني ومحمد سمير مره وهوه كويس جدا بس للأسف غالي عليه عشان أنا موظف
ياريت حد يقلي أيه المشكله دي

[ashoub]

شوف يباشا لو ار بى ام بيعلى معاك والعربيه مبتجريش تبقى اسطوانه
ولو ار بى ام بيفضل زى ماهو والعربيه مكتومه هتبقى حاجه من الاتنين طرمبه البنزين ضعفه او فلتر البنزين اتسد
ولو عاوز ميكانيكى سعره معقول عندك رضا فى الحرفيين وده شاطر جدا وهيدلك على الصح ولو عاوز كهربائى روح لرشاد فى الحرفيين بس رشاد بيجى على الساعه 11 بليل وهو هيقولك من الاخر هيكشف عليها كمبيوتر وهيعرف الدنيا فيها ايه ولما تروح لاى حد فيهم قوله انا من طرف مهندس احمد عشوب الى معاه البولو السماوى وهيعمله معاك احلى واجب وتبقى طمنى

[ahmedagamal]

شوف يباشا لو ار بى ام بيعلى معاك والعربيه مبتجريش تبقى اسطوانه
ولو ار بى ام بيفضل زى ماهو والعربيه مكتومه هتبقى حاجه من الاتنين طرمبه البنزين ضعفه او فلتر البنزين اتسد
ولو عاوز ميكانيكى سعره معقول عندك رضا فى الحرفيين وده شاطر جدا وهيدلك على الصح ولو عاوز كهربائى روح لرشاد فى الحرفيين بس رشاد بيجى على الساعه 11 بليل وهو هيقولك من الاخر هيكشف عليها كمبيوتر وهيعرف الدنيا فيها ايه ولما تروح لاى حد فيهم قوله انا من طرف مهندس احمد عشوب الى معاه البولو السماوى وهيعمله معاك احلى واجب وتبقى طمنى

شكرا يا أخي على المعلومات المهمه والحمد الله يا أخي ال أر بي أم بيفضل زي ما هوه ومش بيعلى معايا وممكن توصفلي فين رضا الميكانيكي ورشاد يعني موقعهم بالضبط
وناس بتقولي على سيد جولف في جسر السويس تعرف عنه أيه
وأشتري منين أستيراد يكون برده أسعاره معقوله
ولو عندك فكره عن أي سعر قطع غيار أستيراد ممكن تقولها علشان يكون عندي فكره
وثمن مساعد خلفي بكام ولك جزيل الشكر

[ashoub]

شوف يباشا انا عامل موضوع عن اسعار قطع غيار البولو جديد واستيراد وبالنسبه لرشاد هو فى بلوك 8 هوصفلك الطريق فى جامع كبير هناك نهايه شارع المرسيدس ادى ظهرك للجامع وامشى طوالى مسافه صغيره هتلاقى رضا على يمينك ورشاد فى البلوك الى وراه وبالنسبه لقطع الغيار رضا هيقولك تجبها منين عندك ياسر قدامه وابو شهد هو هيدلك على الصح وبالنسبه لسيد جولف هو شاطر بس انا مرتحتش معاه بصراحه وبعدين لوعاوز قطع غيار الحرفيين جمبك فخليك مع رضا رضا ممتاز جدا واخلاق وهيخاف على فلوسك مش هيسوحك ووقت الحساب قوله انك من طرفى والصنايعيه الى هناك كلهم عرفنى متقلقش وربنا يكرمك ان شاء الله وتبقى طمنى

[ahmedagamal]

شكرا لك يا مهندس أحمد
وسوف أذهب الى رضا وسوف أبلغك بما سوف يحصل