باسات بــ 160 ألف جنيه

[ososos]

السلام عليكم

أنا أبحث عن باسات مستعمله و سعرها لا يتجاوز 160 ألف جنيه و تكون الكيلومتر بتاعها قليل و مالك أول و صيانتها بالتوكيل و فابريقة

يا ريت تساعدوني و تقولو لي أي موديلات في حدود السعر ده ( و مافيهاش مشاكل في الفتيس)
و فين ممكن الاقيها

و أي نصائح تانيه أخد بالي منها عند شراء باسات مستعملة

و شكرا

أسامة

[hfekry]

ربنا يوفقك ان شاء الله وتلاقى حاجة كويسة
أنا ليا صديق اشترى عربية باسات موديل 2009 ماشية 35000 كم - الهاى لاين واشتراها ب 185 الف جنيه

[ososos]

شكرا علي الرد و ياريت تقولي أشتراها أمتي و منين و كان توب هاي لاين يعني فرش جلد و فتحة سقف و حساسات و شاشة؟؟

[hfekry]

بص يا سيدى هو اشتراها من حوالى شهرين بس & واشتراها من واحد صديق & وكانت الهاى لاين يعنى فرش جلد وفتحة سقف ,

[Ahmed.Fahmy]

2006 140000

[ososos]

شكرا علي الردود و انا سألت عن الفتيس الجديد dsg و البعض قال لي أنه كان فيه مشكلة سنة 2008 و 2009 و معظم العربيات راحت التوكيل و عملت تعديل علي الفتيس ..... يا تري حد يقدر يفدني في الموضوع ده و العربيات اللي اتعدلت فيها مشكلة و لا خلاص ، و المشكلة دي ظهرت في كل العربيات و لا بعض منها بس ... يا ريت اللي عنده معلومات يرسلها لينا و ربنا يبارك للجميع و دعواتكم اني ألاقي عربية كويسة .... شكرا

[hfekry]

فى حاجة كمان يا فندم أنا أعرف ان فى نوعين من الموتور الأول (1600) والثانى (1400) ومعرفش ايه الفرق ولا خصائص كل موتور ايه
ياريت لو حد يعرف الفرق ويقدر يفيدنا

[SAiF3S]

ربنا يوفقك ان شاء الله وتلاقى حاجة كويسة
أنا ليا صديق اشترى عربية باسات موديل 2009 ماشية 35000 كم - الهاى لاين واشتراها ب 185 الف جنيه

متهىء لى بالسعر ده تبقى خليجى مش توكيل

[hfekry]

متهىء لى بالسعر ده تبقى خليجى مش توكيل

مش عارف والله أصلها خليحى ولا توكيل

[ososos]

كم يبلغ سعر السوق لباسات 2008 أتوماتيك أقل فئة 55000 كم و حالتها كويسة و فابريقة ؟؟؟
أرجوا المساعدة ؟؟

[gellish]

كم يبلغ سعر السوق لباسات 2008 أتوماتيك أقل فئة 55000 كم و حالتها كويسة و فابريقة ؟؟؟
أرجوا المساعدة ؟؟

لو وكيل ممكن تعمل 155-150 الف

[hfekry]

فى حاجة كمان يا فندم أنا أعرف ان فى نوعين من الموتور الأول (1600) والثانى (1400) ومعرفش ايه الفرق ولا خصائص كل موتور ايه
ياريت لو حد يعرف الفرق ويقدر يفيدنا

[ososos]

الموتور 1600 أخر أنتاج ليه سنه 2008 و من 2009 بدأ أنتاج الموتور 1400 و هو يعطي باور أعلي من 1600 القديم و في أعلانات فولكس بيقولوا أنه بيساوي قوة 2300 و مع أستهلاك أقل للبنزين بس لازم تستخدم ليه بنزين 95 مش 92 اللي كان بيستخدم مع موتور 1600 و في نقطه مهمة مع الموتور الجديد 1400 اللي بدأ 2009 نزل فتيس جديد متطور دي أس جي بس كان فيه مشاكل كتيرة و التوكيل غير لعربيات كتير بس من موديل 2010 تم حل المشكله فعشان كده خالي بالك من موديلات 2009 مع الفتيس

[hfekry]

الموتور 1600 أخر أنتاج ليه سنه 2008 و من 2009 بدأ أنتاج الموتور 1400 و هو يعطي باور أعلي من 1600 القديم و في أعلانات فولكس بيقولوا أنه بيساوي قوة 2300 و مع أستهلاك أقل للبنزين بس لازم تستخدم ليه بنزين 95 مش 92 اللي كان بيستخدم مع موتور 1600 و في نقطه مهمة مع الموتور الجديد 1400 اللي بدأ 2009 نزل فتيس جديد متطور دي أس جي بس كان فيه مشاكل كتيرة و التوكيل غير لعربيات كتير بس من موديل 2010 تم حل المشكله فعشان كده خالي بالك من موديلات 2009 مع الفتيس

شكرا على المعلومات القيمة يا فندم

[abo_anas]

متابع باهتمام