مساعدة في قطع غيار عفشة جيتا 2007

[ahmedmaklad]

ازيكم :)
انا معايا جيتا 2007 دلوقتي انا بقى في مزيكا في العربية من قدام كان خفيف في الاول دلوقتي زادت انا لما كشفت عليها قبل ما اشتريها كانت عايزة بطاحات و بلي بطاحات و شدادات ميزان و جلب مقصات
حد عنده فكرة اسعار الحاجة دي في حدود كام و مين اتعامل معاه في التركيب و قطع الغيار
انا كنت جربت محمد سمير في تغيير فلاتر و حاجة صغيرة لذيذ بس الناس بتوع قطع الغيار اللي جنبهم شكلهم مش عاجبني
انا كنت سمعت ان في ميكانيكي في المهندسين حد جربه او سمع عنه
لو حد يعرف ميكانيكي و حد بتاع قطع غيار كويس
و لو حد غير الحاجات دي يعرف ممكن رنج سعرها كام

[haissam24h]

فى ميكانيكى فى المهندسين قدام مزلاقن المظار عند كشرى السلطان ده بيشتغل فى الالمانى بس واكثر شغله بى ام
بالنسبه لقطع الغيار ناس كثير بتشتغل فى الالمان سواء فى التوفيقيه او غيرها

[Moratoz]

الهاشميه في احمد سعيد دا بيبع حاجات الأوكتافيا بس معرفش فولكس كمان بس اعتقد انه بيبيع الأثنين عامة قطع الغيار عندة اصليه وهوا بجانب المستشفي الجوي لأحمد سعيد
وممكن تجور في المنتدي علي رقم التيفون

[gho_ah]

بص يا معلم فيه سيد بتاع شارع المرسيدس فى الحرفيين
وفيه سوكه بتاع بين السريات
وده اخوه عفشجة ممتاز اسمه احمد وهو كمان لامم كل شى عن فولكس وهو فى الشارع اللى جنب مقار ورقمه01222534325

[gho_ah]

اه نسيت اقول فيه ولاد فتح الباب عندهم عفشتك
لو عايز اصلى عليك على التوكيل وهتزعل لو عايز فى المعقول فيه واحد جنب فرع اولاد فتح الباب فرع اللى قدام نقابه المهندسين ودول عنده شغل كويس بس مش فاكر اسمهم

[waleed nagy]

يا جماعه ارجو الافاده عايز كاسيت جيتا الجديد الدى فى دى الكامل وفوانيس الجيتا الزينون الاصليه بسعر كويس ارجو الافاده عن اى حد يعرف اى حاجه عن الموضوع ده

[Dr/ P.K.Sh]

انا غيرت الحاجات بتاعتك كلها بطاحات و بلي بطاحات و شدادات ميزان و مساعدين امامى فى جيتا 2008 فى مركز متخصص فولكس فى الهرم وعندهم قطع غيار اصلى وبضمان 3 شهور
لو عايز العنوان راسلنى على الخاص

[amrsabet]

اشرف الشهابى عنده قطع الغيار الاصلى ( الشدادين 690 جنيه و البطاحات 950 جنيه و المساعدين الامامى 2650 و الخلفى 2350 جنيه

وممكن تركبهم عند هانى عصمت خلف حديقة بدر

[waelw]

اشرف الشهابى عنده قطع الغيار الاصلى ( الشدادين 690 جنيه و البطاحات 950 جنيه و المساعدين الامامى 2650 و الخلفى 2350 جنيه

وممكن تركبهم عند هانى عصمت خلف حديقة بدر

تصدق مش عارفه اقولك ايه ....ربنا يكرمك ..كنت بدور ع الاسعار دى ...يا ريت بقى لو معاك نمرهم ؟؟
اشرف الشهابى ,سمير اللىى عند بدر ..

[amrsabet]

اشرف اجازة السبت والاحد و مش بيرد على التليفون
هانى عصمت روح له يوم الثلاثاء او الاربعاء عشان يبقى فاضى و فيه واحد عنده اسمه جوهرى خاليه يركبلك الحاجه مش هتاخد ساعه