ممكن مساعدة بخصوص فيات 128 مو 79

[Ayman_Abdullah]

أيه رايكم ياجماعة فى الفيات 128 مو 79 و ايه السعر المنطقى ليها خصوصا انها معروضة عليا من ميكانيكى و حالتها نضيفة بس هو بيتكلم بين 18000 الى19000

ارجو المساعدة و التقييم و هل هى أفضل فى السعر ده ام ال 127 و ايه هيه عيوب ال127 :!:

[hesham_tawfiq]

انا معايا واحده اخت اللى انت بتتكللم عليها وهى عمليه جدا واداءها حلو اوى خصوصا ان الموتور عندى سليم وسحبه كويس بس هى عيب ال 128 عامة انو قطع غيارها رخيصه ومتوفره صحيح بس مش معمره بالاضافه انها مش عائليه خالص ومش بتاعة شغل شديد يعنى سفر وكلام من دا.
عموما هى عربيه كويسه جدا خصوصا لو هى اول عربيه ليك ولو انت مش متجوز زى حالاتى :-)

[ahmed1981]

السعر 18000 معقول جداً لو السيارة نضيفة والشاسيه سليم

وبالنسبة للمقارنة فإن ال 128 أفضل مليار مرة من ال 127
فهي أكثر ثباتاً (ال 127 سهلة القلب) أكثر إتساعاً إلخ . . .

[Ayman_Abdullah]

شكرا جزيلا على الرد

شكرا ياجماعة على المساعدة و انا هاتكل على الله و هاروح اكشف عليها عند حد محايد غالبا هاتكون البنزينة انا اسمع ان بنزينة شل كويسة ولا ا ايه رأيكم؟ :?: :!:

[ZALABANY]

كتير

السلام عليكم
الأخ الفاضل أعتقد إن سعد 18 او 19 ده عالى جدا على موديل 79
إلا لو العربية معمول فيها حاجات اكسترا
على العموم أنا لسه شارة 128 من يومين موديل 83 حالتها حلوه جدا فيها كاوتش عريض وسنتر وانزار وتاره اسبور ومعمولها سمكره ودوكو بالكامل وعفشتها حالتها كويسة والشاسيه سليم 100 100 وعامله 19 ونص الحمد لله
اعتقد العربية دي رنجها 16 او 17 بالكتير اوي وهاتلاقي اعلانات كتير لموديلات السبعينات بالأسعار دي وفيها أوبشنز متظبطه يعني

[Ayman_Abdullah]

شكرا للأستاذ zalabany2007 و بصراحة كلام حضرتك مقنع ياريت ياجماعة اللى عنده عربية128مو من 82-86 حالتها كويسة و سعرها معقول يعرضها
شكرا للجميع :-) ;)

[ZALABANY]

بص عشان أنا دخت كتير على ما لقيت عربية كويسه
عندك مواقع زي
car100100.com
carmisr.com

http://contactcars.com/

وطبعا الإعلانات المبوبة بتاعة مصراوي والوسيط
ونصيحة من أخ أي عربية خلاص انت ارتحت لشكلها ولونها وحسيت حالتها معقوله ولازم انت ترتاحلها نفسيا
تعمل حاجتين مهمين قبل ما تدي لصاحب العربية اي كلمه تستخير ربنا سبحانه وتعالى كويس جدا وترفع العربية في بنزينة بيعملوا عليها كشف شامل وفي بنزينات كتير بيعملوا كده انا رفعت في بنزينة شل اللى فى أول شارع الهرم على الشمال الكشف ب 77 على كل حاجه فى العربية الموتور والشاسية والكبالن والعفشه بيدو تقرير ممتاز وصادق عن العربية ومحتاجه ايه يتغير
وربنا يوفقك ملاحظة ما تهتمش اوي بالكماليات اد أساسيات العربية يعني ما يغركش ان العربية ازاز كهربا وسنتر وانزار ممكن تكون جايبه شاسيه
وحاجه تانية موضوع العربية راشه دواخل او لا ما بتفرقش كتير طالما شاسيه العربية سليم وأساسيتها سليمه بس اكشف عليها فى البنزينه كويس انا عربيتي راشه دواخل نضافة وصاحب العربية حلفلي بكده والفيصل كان الكشف في البنزينة

[ZALABANY]

اسف البنزينة اللى كشفت فيها اللى فى اول الهرم على اليمين وانت جاي من الجيزه

[Ayman_Abdullah]

شل100/100

فعلا بنزينة شل 100/100 انا جربت الكشف مرة فى واحدة فى مصر الجديدة و فعلا ناس ;) و محترمين جدا
انا عارف البنزينة اللى انت قصدك عليها انا بعدى عليها وانا رايح الشغل فى الهرم