شـــــــكرا ........ مهندس طارق جبريل

[ayman2]

بالأمس القريب تحديدا يوم الخميس اتصلت بالتوكيل للتأكد من سلامه تربيط العفشه وخصوصا أنهم في صيانة 5000 لم يقوموا بالكشف عليها مع أنى طلبت ذلك وكذلك ما حدث مع احمد عندما اكتشف ان العفشه مفككه كما أنه تهيأ لي انه هناك أصوات كركبه في العفشه وأيضا لاحظت أن هناك مسمار 10 ناقص في العمة فقلت يركب بالمرة قبل السفر وفعلا اتصلت بجسر السويس فاخبروني مشكورين اننى ممكن اذهب بدون حجز وانتظر دوري فوافقت على الفور ووصلت هناك الساعة 1.30 وفى تمام الساعة 2 تم إنهاء إجراءات دخولي الورشة بواسطة المهندس أيمن (المهندس شريف كان أجازه ) الذي فابلنى بترحاب شديد وتعاون تام إلا أن السيارة لم ندخل إلا الساعة 3.10 وطبعا نتيجة ضغط الشغل وأنا كنت مقدر ذلك تماما .. لكن ما حدث بعد ذلك اصابنى بالإحباط ولأول مره اضطر إلى الشكوى واليكم ما حدث : تم الانتهاء من العفشه بعد عمل اللازم وكله تمام بعد حوالي 20 دقيقه خروج السيارة إلى المركن الخارجي بدون تركيب مسمار العمة ماعرفش ليه وعندما سالت م/ أيمن قالي سوف يركب في الخارج ودي حاجه بسيطة !!!!!! ......... السيارة مركونة من 3.30 إلى 4 بدون اى تحرك و م/أيمن مشغول وببقول أعذار وان السيارة لازم تتجرب وهو محق في موضوع تجربه السيارة فقط ........ الساعة 4.15 المسمار لسه ماركبش والعربية مكانها الساعة 4.30 الموقف متجمد وعند سؤال م/أيمن قالي سيذهب معك مدير الورشة بنفسه عند السيارة (حاجه عجيبة وغير طبيعيه تقريبا علشان يخلص منى وده اللي ضايقني) وطبعا مدير الورشة استغرب من الكلام ده فطبعا استخدمت حقي أولا ثم علاقتي المحترمة بالمهندس المحترم طارق جبريل وشرحت له ما حدث وتم استدعاء م/أيمن و مدير الورشة وعمل اللازم وطبعا م/أيمن زعل منى لكن هو عارف الحقيقة ودى كفاية اللي انأ عاوز أقوله إن المهندس طارق جبريل وباقي فريق أداره الصيانة بداوا فعلا في تنظيم العمل بصوره جديدة والاهتمام الغير عادى باى شكوى لدرجه أنهم بيطلبوا عمل Feedback والسماع إلى الملاحظات بعد الشغل ولا يوجد اى تهاون مع اى فرد (بالمناسبة المهندس مؤمن غادر جسر السويس) لكن المشكلة ستظل قائمه في عدم افتتاح مراكز خدمه جديدة وان توكيل فيات في الصيانة أحسن من توكيلات كنيره مشهورة وان مايذكر هنا يوحى انه كارثة لكن الحقيقة عكس ذلك تماما واعتقد انه المطلوب مننا عدم السكوت على اى تقصير ومقابله المسئول مباشره والمساعدة في كشف السلبيات للعمل على حلها وإعطاؤهم الفرصة لتظهر نتيجة هذا المجهود وأنا طلبت منه التواجد المستمر معنا والرد على الأعضاء وطمأنتهم باستمرار طبقا وظروف عمله ....... هذه شهادة منى في حق الصيانة والمهندس طارق جبريل الذي استوجب شكره على مجهوده وتعاونه معنا

[damasry]

احب احييك بشدة على تجربتك وعدم سكوتك عن حقك ومطالبة المسئول بايجاد حل لها.

المهندس طارق جبريل انسان محترم جدا جدا هو والمهندس شريف صلاح مدير الورش والمهندس شريف متولى مهندس الاستقبال.

الناس دى هى الوجه المشرف لمركز الصيانة وبيبذلوا مجهود غير عادى لحل اى مشكلة يتقدم بها العميل.

تحية كبيرة للمهندس طارق وهو فعلا بيتابع معانا هنا.

[MedaSam]

Thank you for your feedback ........ specially I am thinking in Grand Punto EVO

But who is Eng. Tarek Gebreel?

[ayman2]

كلهم ناس محترمين حتى المهندس أيمن اللى زعلنى راجل محترم جدا وفاهم ويمكن ضغط الشغل او انه لايوجد عندى مشكله مجرد تربيط عفشه جعله يعمل ذلك لكن انا كنت وصلت للأخر واثناء شكواى اثنيت على مجهوده وارجو منه ان يتفهم موقفى وغيرتى على فيات

[damasry]

Thank you for your feedback ........ specially I am thinking in Grand Punto EVO

But who is Eng. Tarek Gebreel?

المهندس طارق جبريل هو مدير خدمة ما بعد البيع

وهى بقت اسمها بونتو ايفو عشان الجراند بونتو خلاص مش ها تنزل

[Medo.Malek]

شكرا على نقل تجربتك و على فكرة المهندس ايمن و مدير الورشة كانوا برده احد اسباب شكوتى لما رحت التوكيل عشان صيانة ال 10000 و الصراحة صيانة ال 10000 كلها اتعملت كويس لكن المشاكل التانية اللى كانت عندى الحمد لله معملوش فيها اى حاجة بل بالعكس بوظولى حاجات فى العربية كمان

[ayman2]

شكرا على نقل تجربتك و على فكرة المهندس ايمن و مدير الورشة كانوا برده احد اسباب شكوتى لما رحت التوكيل عشان صيانة ال 10000 و الصراحة صيانة ال 10000 كلها اتعملت كويس لكن المشاكل التانية اللى كانت عندى الحمد لله معملوش فيها اى حاجة بل بالعكس بوظولى حاجات فى العربية كمان

حضرتك ممكن تتصل بالمهندس طارق وترتب معاه لقاء وان شاء الله تتحل وادينا عرفنا مين كويس ومين ناخد بالنا منه واى معلومات اكثر عن الموضوع ممكن على الخاص حتى لا يضار احد حتى الأن

[bishoy02010]

طبعا انا مش معايا فيات لكن بحب العربية ديه جدا وعايز ققول لحضرتك ان اللى حضرتك عملته تمام ولو كل الناس عملت زى حضرتك الدنيا هتتظبط كتير ياريت تطلبوا من المهندس طارق ان يكون فيه حد يتابع شكاوى الناس او لو مفيش حد ممكن تتفقوا معاه ان فى واحد منكم ينقله الأخبار والمشاكل اللى عايزه تتحل ده هيحسن اداء التوكيل قوى

[amrseba]

فعلا والله التوكيل ده يتظبط بقى ويعملوا مراكز صيانه اكتر وشويه اعلانات لا تقولى بقى غبور ولا منصور ولا كيا ............ فيات هيا البيج بوص الكبير كبير يا معلم

[ayman2]

فعلا والله التوكيل ده يتظبط بقى ويعملوا مراكز صيانه اكتر وشويه اعلانات لا تقولى بقى غبور ولا منصور ولا كيا ............ فيات هيا البيج بوص الكبير كبير يا معلم

+111111111

[yoko]

الحمد لله على سلامة العربيه يا أستاذ أيمن وده أقوى رد على الناس الي بتقول إن التوكيل مش في دمغهم وإنهم مش مهتمين بصراحة أنا شايف إن فيه إهتمام لأي شكوى وبتتبلغلهم (ربنا يدمها نعمة)

[ayman2]

الحمد لله على سلامة العربيه يا أستاذ أيمن وده أقوى رد على الناس الي بتقول إن التوكيل مش في دمغهم وإنهم مش مهتمين بصراحة أنا شايف إن فيه إهتمام لأي شكوى وبتتبلغلهم (ربنا يدمها نعمة)

آمين ...يارب

[awazeer]

احب احييك بشدة على تجربتك وعدم سكوتك عن حقك ومطالبة المسئول بايجاد حل لها.

المهندس طارق جبريل انسان محترم جدا جدا هو والمهندس شريف صلاح مدير الورش والمهندس شريف متولى مهندس الاستقبال.

الناس دى هى الوجه المشرف لمركز الصيانة وبيبذلوا مجهود غير عادى لحل اى مشكلة يتقدم بها العميل.

تحية كبيرة للمهندس طارق وهو فعلا بيتابع معانا هنا.

م/شريف متولي ده احسن واحد في الاستقبال

[Medo.Malek]

م/شريف متولي ده احسن واحد في الاستقبال

+1111

[ayman2]

م/شريف متولي ده احسن واحد في الاستقبال

+111111111111111