ايه رأيكم في ال 128 مع السفر

[DoctorMorsy]

السلام عليكم

كنت عايز اعرف رأي ممكتلكي ال 128

انا عايز اشتريها بس احتمال شغلي يكون فيه سفر كل اسبوع مره او مرتين

الي القاهره

يعني 100 كيلو ايه اخبارها في السفى

هل كويسه

ولا اصرف نظر عنها و اجيب لادا

و جزاكم الله كل الخير

[yoko]

كويسه لو مهتم بيها لكن ميمنعش إنها ممكن تعمل معاك حركة نص كم في الطريق خصوصا الي بيبقى بالها 20 سنه ماشيه في الشارع (أقصد موديلات ال70 وال80)

[DoctorMorsy]

ربنا يكرمك اخي الكريم على الرد

طب من حيث الموتور ممكن يعمر كتير بسبب السفر ولا ايه ؟ ؟ ؟

ولو مثلا الموتور بعد فتره هل ممكن تغيره بموتور جديد موتور ال 128 الجديده

[DoctorMorsy]

طب ايه هيا كماليات ال 128 الجديده

هل فيها تكييف ؟ ؟ ؟

[DoctorMorsy]

ايه هيا كماليات ال 128 الجديده ؟ ؟ ؟ ؟

السلام عليكم ورحمه الله وبركاته


ايه هيا كماليات ال 128 الجديده

هل فيها تكييف ؟ ؟ ؟

[semsem_uno]

العبية تستحمل طبعا ديه مش موتوسيكل

[semsem_uno]

هي هي
1300 سي سي و اللي فيها تكييف بتزيد 3000 تقريبا

و العربيات ديه اصلا مصري (شركة النصر) و التكييف ده مش نازل فيها بس يفضل انك تشتريها و تركب انتا تكييف ياباني جديد
بس اصلا تقريبا خلاص بح (شركة النصر فنشت)

[amrseba]

لو سفر كتير شوفلك حته 131 هتبقى افضل فى حكايه السفر الكتير ديه و ممكن انت تجيب 128 و تسقطلها ماتور ريجاتا 70 s كويس جدا و لادا كويسه برده

[DoctorMorsy]

ربنا يكرمكم جميعا على الردود

لكن انا عندي سؤال من باب الفهم

هوا ايه مصير موتور العربيه لما بيعمر كذا مره ؟ ؟ ؟

يعني على فرض اني جبت 128 موديلات تمانينات

متعمره كذا مره و الموتور هلكان

هل الموتور ده بيتغير و بيتجاب منه جديد

وهل مثلا لو سقطت موتور ريجاتا بعد ما ادعم الشاسيه شويه

موتور الريجاتا ده ايه نظامه جديد ولا استيراد

و بيتجاب منين

عشان لو كده انا مقتنع ب ال 128 على اد امكانياتي و اجيبها و اهتم بيها و اكيفها كمان

شاكر جداااا لحضراتك ربنا يجزيكم كل الخير

[amrseba]

بص لو هتسقط يبقى ملهاش لزمه تجيب ماتور او حاله عدله عشان كده كده انت هتشد العربيه جامد و ماتور مش بيبقى جديد مفيش ماتور جديد استعمال الى موجود و شوفلك ميكانيكى محترم كده بس اهم حاجه العربيه ميكونش فيها برومه

[mohamedrabia]

ليه تشتري 128 جديدة حب في 128 ولا ايه السبب في عربيات كتير في رنج سعرها او اعلي وهتكون كويسة بس اعتقد ان زمن 128 حاليا يقرب علي الانتهاء لانها بلا اي رفاهية او قدرة بالرغم من نها عايشة بقالها سنين علشان محدش يزعل مني بس هي عايشة لان قطع غيارها عند البقال مش علشان هي عربية حلوة ده رائي واسف لو الكلام هيضايق حد

[hatchy]

ليه تشتري 128 جديدة حب في 128 ولا ايه السبب في عربيات كتير في رنج سعرها او اعلي وهتكون كويسة بس اعتقد ان زمن 128 حاليا يقرب علي الانتهاء لانها بلا اي رفاهية او قدرة بالرغم من نها عايشة بقالها سنين علشان محدش يزعل مني بس هي عايشة لان قطع غيارها عند البقال مش علشان هي عربية حلوة ده رائي واسف لو الكلام هيضايق حد

ونزعل لية بس
انت فعلا كلامك مظبوط بس عايزك تشوف الموضوع من ناحية تانية
العربية لو مكنتش كويسة ومطلوبة مكنتش الناس اشترت منها كتيييييير ومكنش التجار والناس كلها عملت قطع غيار تكون متوفرة عند البقال زى ما بتقول
يعنى النتيجة ان العربية كويسة
لكن المشكلة بقت ان قطع الغيار اللى بتتغير بتكون بايظة فبتخلى الاداء مش كويس
لكن الاساس العربية كويسة وعملية

[egypt_slave2000]

كويسه لو مهتم بيها لكن ميمنعش إنها ممكن تعمل معاك حركة نص كم في الطريق خصوصا الي بيبقى بالها 20 سنه ماشيه في الشارع (أقصد موديلات ال70 وال80)

ياباشا تقصد 30 الى 40 سنه مش عشرين لان العشرين تبقى موديل التسعينات

[yoko]

ياباشا تقصد 30 الى 40 سنه مش عشرين لان العشرين تبقى موديل التسعينات

فعلا أنا كان قصدي كده بس الصيام وعدم النوم بيخلوني أخرف