قول الحقيقه أشتريت فيات تمبرا ليه؟؟؟

[heshamzaky]

طقم الدبرياج لوك المانى جديد للتمبرا ب 450 جنية علبة الدريكسيون استعمال السعر واحد 300 جنية برضو الاوبا قطع الغيار اغلى بس المهم أحساس انك مطمئن ان دى فيات برضو و بعدين لو مركب موتور التمبرا ال 200 سى سى يا اسامة و دة ب 2000 جنية ههههههههه حا تقطع العربيتين ههههههههه الفكترا و الوكتافيا اية رأيك بقة ههههههههههههههههههه

[mikology]

انا جبت التمبرا اقولك ليه
انا كنت محتاج عربيه واسعه تشيل عدد افراد كتير - وتكون مكيفه و باور و زجاج كهربا - واقعد فيها و اكون مرتاح - انا طولى 185 - جته يعنى هههههههههه - تكون قطع الغيار متوفره و رخيصه على قد امكانياتى
صدقنى قبل ما اشتريها لفيت شهرين - كل اسبوع بدور على عربيه شكل - مره اوبل فيكترا - مره سيينا - مره اكسيل - مره نيسان صنى - وهكذا - لحد ما وقع اختيارى عليها لانها فيها كل اللى انا عاوزه و سعرها كمان حلو وعلى قد الايد - ده المختصر المفيد

[Bonanza]

يا اتش انا كنت عارف انك هاتقول علي طقم اللوك الالماني
بس خد بالك ان الاوريجينال بتاع التمبرا بـ 680 جندي يا ريس .. انت نسيت ولا ايه
و بعدين لو ركبت الـ 2000 سي سي علي التمبرا و جبت بيها الـ 190 اشك في ثبات العربية بنسبة كبيرة

[mikology]

متهيألى ان الفيات الوحيده اللى تقدر على الاوبل - هى الالفا روميو بعده كده انسى فى موضوع الثبات ده

[zago]

حلو الموضوع يا زاجو هههههههههههههه بص أنا اول ما شفت التمبرا كان معايا ال سوبر فيورا كان وقتها ال سوبر فيورا من 15 الى 17 الف بالكتير جدا و كان ليا واحد قريبى معاة 127 و باعها و جاب التمبرا زيرو سنة 94 تقريبا و كانت ب 85000 جنية عدا و نقدا و ايطالى مش مصرى ايوة 85 الف جنية طبعا لما سوقتها تمردت على ال سوبر فيورا بس فرق السعر دة يا باشا وقتها كان تشترى بية شقة فى مدينة نصر فى الحى العاشر و فضلت العربية دى بالنسبة لى حلم جميل و لما سعرها نزل كانت شركة النصر للسيارات بتبيعها تقريبا ب 64 الف و على فكرة الاكسيل اول ما نزلت كانت تقريبا ب 50 الف جنية زيرو طبعا و لو قعدت أقولك لية فكرت أشريها مش حا تخلص منى ههههههههههههه عموما على السريع كانت العربية بتجيب 170 و 180 كيلو سرعة و تكيف تاتش و عربية ثابتة جدا جدا و وسع ممتاز فى الصالون و الشنطة و لة قلت لك انة مرة الفتيس عندة ترس النقلة التانى باظ قالو لة فى التوكيل الفتيس ب 5000 جنية راح جاب الترس من برة و صلحها ب 100 جنية بس وقتها

مش عارف ليه كنت حاسس ان اول حد حيرد عليا حيكون معاليك
يعني كده اشتريت شقه بدل العربيه واستنيت لحد ما العربيه رخصت ولا ايه ؟؟؟ ههههههههههه
ربنا يباركلك فيها واكيد قريبك معهوش تمبرا زي بتاعتك بسم الله ماشاء الله

[zago]

انا اشتريتها عشان واسعه وسعرها مناسب جدا وكل الناس قالت لى بما ان دى اول عربيه اشتريها لازم اشترى حاجه جامده تستحمل انى اتعلم عليها ووكمان شكلها حلو جدا وقطع غيرها نسبيا اسعارها كويسه

وملاقيتيش غير اكبر عربيه فيات تتعلمي عليها السواقه؟؟؟ لو كنتي قولتيلي كنت بعتلك الجيب بتاعتي تتعلمي عليها هههههههههههههههههههه

[zago]

موضوع حلو يا زاجو

انا اشتريت التمبرا عشان هي كانت افضل الخيارات في رينج السعر ده
كان نفس السعر يجيب اكسنت او اكسيل او سكودا فليشيا او تمبرا
و انا كان اهم حاجة عندي عربية واسعة و باور و تكييف
و عشان هي احسن حاجة في الحاجات دي جبتها
بس بعديها بشهر اخويا جاب فيكترا 94 بنفس رينج السعر تقريبا
لما تيجي تقارن بين التمبرا و الفيكترا 94 من حيث اداء العربية و موتورها و سرعتها و ثباتها
هاتحس انك راكب تكتك جنب الفيكترا
بسم الله ماشاء الله عليها
بس ده لا يمنع ان التمبرا عربية ممتازة بس اقل طبعا من الفيكترا

على فكره الأوبل اللي بتتكلم عليها دي عربيه والدي
موديل 94 و 2000 سي سي اتوماتيك
بصراحه العربيه دي طياره
احنا اللي معانا الماني مش منصور اوبل وبقالها معانا فتره كبيره
عايز اقولك ان بابا بيبهدل العربيه واطول فتره لعربيه فضلت معانا كانت بلونيز استحملت سنتين ونص وماتت هههههههههه
الاوبل ماشاء الله حماره شغل ومحدش يعرف يشد معاك ويجيبك انشالله يكون راكب ايه ( ده طبعا بسبب الاحترافيه القياديه مش قوه الموتور وبس ))
انا عايز كمان اقول ان ثبات العربيه واحد سواء ماشي بيها 90 او ماشي 190
وانا قفلت بيها العداد كذا مره وجبت المؤشر تحت رقم 220 كمان بس تحس ان الحاجات بتقرب عليك بسرعه قوي

بجد العربيات الالماني هي رقم 1
لكن ليها عيب واحد كبير
الماب بتاع العربيه تمنه استيراد 800 جنيه وده ماسك ظبط العربيه كله وانا غيرته 3 مرات وكل مره بابا يحرقه معرفش ازاي
المهم ان الماب اللي راكب فيها دلوقتي شبه بايظ وده مخلي صوت الموتور خشن وفيه هزه متحسش بيها غير وانت واقف

لولا حكايه الماب دي كانت العربيه متقلش عن 60الف بأي حال من الاحوال

[heshamzaky]

مش عارف ليه كنت حاسس ان اول حد حيرد عليا حيكون معاليك
يعني كده اشتريت شقه بدل العربيه واستنيت لحد ما العربيه رخصت ولا ايه ؟؟؟ ههههههههههه
ربنا يباركلك فيها واكيد قريبك معهوش تمبرا زي بتاعتك بسم الله ماشاء الله

لا يا باش وقتها اشتريت شقة ههههههههههههه والدى قالى انت مجنون و اشتريت الشقة الى انا فيها دى و العربية الى مع قريبى هو نهاها قبل ما يبيعها عمل بيها من سنة 94 الى 2007 حوالى 700 الف كيلو و الله العظيم 700 الف يا باشا بس هة سواقتة مهببة شويتين و مش بيدفع مخالفات و لا يهمة رادار و لا الكلام دة اتمسك رادار اتر من 30 مرة بالميت و طبعا مدفعش تعريفة واحدة هههههههههه

[mikology]

تعرفو اول مره شفت فيها التمبرا - كان بالصدفه وقع فى ايديى البروشور بتاعها هى و التيبو و الاونو - 3 كتالوجات سنه حاجة و تسعين 92 مش متذكر قوى
فى نفس السنه كنت واقف انا و صحبى فى الشارع و حاجة عدت من جنبنا براحه خالص - ومشيت من جنبنا اكنها بتتسحب - مفيش صووووت خالص للموتور - احنا اتجننا - ساعتها بقى مكنش فيه عربيات مالهاش صوت هههههههههههه
تعرف احساسى ساعتها لما شفتها بيشبه احساسى دلوقتى لما بشوف الفانتازيا بالظبط

[heshamzaky]

كلامك صح يا ميكو ال 127 و انت راكبها خاسس بالشكمان و صوت الموتور اول ما ركبت التمبرا و هية لسة زيرو هههههههههه دورت العربية و هية دايرة افتكرتها مطفية فشغلتها تانى بجد ههههههههه و لما سحبت بيها تمردت تماما على ال 127 حسيت انى راكب تومبكة بس ال 127 بجد عربية زى الفل فعلا و حلوة جدا لو حالتها حلوة

[amrseba]

لا يا باش وقتها اشتريت شقة ههههههههههههه والدى قالى انت مجنون و اشتريت الشقة الى انا فيها دى و العربية الى مع قريبى هو نهاها قبل ما يبيعها عمل بيها من سنة 94 الى 2007 حوالى 700 الف كيلو و الله العظيم 700 الف يا باشا بس هة سواقتة مهببة شويتين و مش بيدفع مخالفات و لا يهمة رادار و لا الكلام دة اتمسك رادار اتر من 30 مرة بالميت و طبعا مدفعش تعريفة واحدة هههههههههه

انت ساكن فين عشا انا شاكك انك قريب منى انا ساكن فى زهراء مدينه نصر يا باشا و يا ترى قريبك ده اكيد رمى العربيه و لا عمل فيها ايه و انا اعرف واحد ب 128 كده و مسقط ماتور ريجاتا و مش بيدفع مفلخات و لا تجديد و لا اى حاجه

[heshamzaky]

انت ساكن فين عشا انا شاكك انك قريب منى انا ساكن فى زهراء مدينه نصر يا باشا و يا ترى قريبك ده اكيد رمى العربيه و لا عمل فيها ايه و انا اعرف واحد ب 128 كده و مسقط ماتور ريجاتا و مش بيدفع مفلخات و لا تجديد و لا اى حاجه

باعها يا عمرو هههههه باعها من 6 سنين او 5 سنين ب 38 الف التمبرا وقتها كانت ب 50 الف مستعملة و 55 الف كمان بس هى كانت بقت شوربة

[mikology]

700 الف كيلو !!!- ده عملها عمره كام مره ؟؟

[kdosoki]

لو عرفتو ليه اشتريت التمبرا هصعب علي
انا كنت راكب ميجان 2006 هاى لاين
وبعدين حصل ظروف فى الشغل واضطريت اشترى اى عربية تكون موجوده قدامى
واحنا عندنا فى الشركة فى عرض اللى يشترى عربية تملكها الشركة يدفع 25% والباقى على 4 سنوات بفايدة 6 %
ودى كانت عربية مركونة اكتر من 5 سنين والشمس مبهدلاها المهم سألت عليها وقالولى انها بتاعت واحد قريب صاحب الشركة وهو اول مالك ليها وكان جايبها معاه من الكويت سألت على سعرها 32000 وصرف عليها تقريبا 5000 جنيه فى التوكيل سمكرة ودهان وعمرة كاملة
والحمد لله لسه بظبط فى التكييف وعندى كام مشكلة ربنا يسهل وتعدى على خير
بس والله كنت راكب عربية اونو امبارح انا ومراتى وابنى وبقولهم احسن عربية ركبناها ايه ؟
طبعا قالو الميجان وعمرو ابنى بيقولى العربية اللى فيها فتحة سقف وكارت هى احسن عربية
بس طبعا التمبرا رقم 2
وده تقدير متميز علشان قبل الميجان ركبنا نيسان صنى 1300 2001 اتوماتيك
وغيرها من اول ال 127 توب لحد التمبرا دلوقتى

[amrseba]

طبعا الركنه بتبوظ حاجات كتير بس اكيد انت كنت بتدور على الاساسيات و كويس ابنك اسمه على اسمى ههههههههههههه ربنا يخليهولك