شكرا محمد يوسف اخر مرة اشترى من عندك حاجة

[zenger]

النهاردة يا اعضاء المنتدى المحترمين اتصلت بزميل ليا على المنتدى هنا استاذ محمد ممدوح عضويتة هنا hotride
كنت بسالة على وش سلندر متعرفش منين و كده قالى ده رقم محمد يوسف اللى فى الدقى اتصل و اسئله و بالمرة اسالى معاك على وش السليندر بتاع الريجاتا العادى بكام
حصل و اتصلت بمحمد يوسف و ده كان حوار المكالمة و بكل امانه و ربنا يشهد
سلام عليكم محل قطع غيار محمد يوسف اللى فى الدقى
اه اتفضل
لو سمحت عاوز اسال على وش السليندر بتاع الريجاتا النوفا عامل كام و بتاع الريجاتا العادى عامل كام
(سكت شوية و واحد تانى هوة اللى كمل المكالة صوتة راجل كبير )
قالى ايوة
قولتله بعد ازنك كنت عاوز اعرف سعر وش السليندر بتاع الريجاتا العادى عامل كام و بتاع الريجاتا النوفا عامل كام
قالى ريجاتا عادى و ريجاتا نوفا
قولتله اه
قالى مش عاوز وش 28 معاهم بالمرة
قولتله نعم
قالى انت تبع انى محل
رديت قولتله انا مش تبع محلات انا واحد بيعرف السعر علشان يعمل حسابة و ده تليفون بيتى انا
قالى طب النوفا مش هتلاقيه اما العادى عامل 1900
قولتله 1900 (طبعا ده مش سعره و ده سعر مبالغ فيه جداااااااااااااااااااا)
قولتله شكرا ملحقتش اقول السلام عليكم
السكة كانت اتقفلت
فبجد بكرر شكرى لمحل محمد يوسف اللى فعلا محترمين و لو العربية هتولع مش هشترى مسمار من هناك
طبعا انا مش هطلب من الادارة التثبيت بس بطلب منهم انهم يسيبوا الاعضاء اللى هنا تعرف زوق و ادب المحلات اللى كنا كل ما نحتاج حاجة نروح نجيب منهم و لو حد سالنا منين نقوله مفيش غير كذا هتلاقى عنده

[تامر.محمد]

لا حول ولا قوة الا بالله على النصاحة اللي هما فيها

[zenger]

و الله يا بشمهندس ده اللى تم فى المكالمة بما يرضى الله لا اكتر ولا اقل
متوقعتش الرد اللى اترد عليا ولا المعاملة دى خالص علشان كده بقول اخر مرة هجيب من عنده حاجة

[kh_talaat]

هو محمد يوسف دة فين في الدقي ؟؟؟

[yoko]

للأسف ده بقى العادي من أي محل ده حتى التوكيل لو سألت على أكتر من قطعة مرة واحده بيقولولك مش فاضي!!!!

[Ralliart]

انا حصل معايا نفس الموقف بس يا ريته من محل صغير ده من غبور اكبر توكيل في مصر
كانت عربيه واحد قريبي اتخبطت في الغردقه وقالي اشتريله قطع الغيار وابعتهاله واتصلت بغبور علشان اسأل راح الراجل سألني على رقم شاسيه العربيه فقولتله معرفوش بس هي الانترا 2006 (مع العلم ان الحاجات اللي عايزها اكصدام ورفرف وطلمبة باور وقربة ميه مش حاجه مخصوصه )راح قايلي بعصبيه لما تبقى تعرف ابقى كلمني دا ايه القرف ده وراح رازع السماعه في وشي!!!

الناس دي عمرها ما سمعت كلمة ماركتينج ابداً

[zenger]

هو محمد يوسف دة فين في الدقي ؟؟؟

محمد يوسف جنب محطة مترو الدقى اى واحد ماشى فى الدقى لو سالته هيقولك اهو
للاسف انا كنت واحد من الناس دى بعد كده هقول معرفش:b4_039:

[semsem_uno]

كنت اول ما تلاقي استعباط في الكلام تقفل انتا قبليه ههههههههه

[semsem_uno]

انا حصل معايا نفس الموقف بس يا ريته من محل صغير ده من غبور اكبر توكيل في مصر
كانت عربيه واحد قريبي اتخبطت في الغردقه وقالي اشتريله قطع الغيار وابعتهاله واتصلت بغبور علشان اسأل راح الراجل سألني على رقم شاسيه العربيه فقولتله معرفوش بس هي الانترا 2006 (مع العلم ان الحاجات اللي عايزها اكصدام ورفرف وطلمبة باور وقربة ميه مش حاجه مخصوصه )راح قايلي بعصبيه لما تبقى تعرف ابقى كلمني دا ايه القرف ده وراح رازع السماعه في وشي!!!

الناس دي عمرها ما سمعت كلمة ماركتينج ابداً

اول ما تتصل بتوكيل او حاجة كبيرة اول كلمة تقولها بعد السلام "اسم حضرتك ايه؟؟ " علشان لو عمل كده معاك يتجاب من ضهره زي الأرنب

[moh.aboelkheir]

حلو موضوع من ضهرة دة
الصراحة انا لو من حضرتك كنت انزل على اي كبينة ميناتل و اشتغلة للسنة اللي جاية ... و افش غلي بالاوي ... لحسن بجد الموضوع مش في التسويق الموضوع في الاحترام اي كان الموقف

[abdo_kmal]

لا يا باشا مش قصدي أنا بأتكلم على السبورت coil springs

[totaman]

ايه العالم دى موضوع مستفز اوى انا لو منك

كنت كلمته تانى وسمعته المتنقى كله على الحركة اللى عملها وقلة زوقه دى

افتروا ولاد التييييييييت خلاص بعد ما كان ملهمش لازمة هوة احنا بنشحت منهم

[zenger]

مش القصد بس الاول كنت لو سالتى عن حاجة لفيات اقولك محمد يوسف فى الدقى
دلوقتى لو سالتنى هقولك يا الكيلانى يا معرفش
معاملة مش محترمة اصلا منه مع انى مغلطش فى اى اسلوب حتى انا كاتب الحوار و الله زى ما تم من اوله لاخره بس انا محترم لا قليت احترامى معاه زى ما هوة عمل ولا حاجة قولتله شكرا

[Moe86]

أنا بقى جبت كارتير رفرف (الجزء البلاستيك حول العجلة الأمامية) من عند محمد يوسف بس بتاع فيصل ب100جنيه, قالى انها أصلى و أنا صدقته و خلاص
لما السمكرى جه يركبها بعد كدة ورانى فرق الخامة بين اللى راكبه فى العربية الناحية التانية و اللى اشتريتها, فرق رهييب بس قلت مش مشكلة
من شهر تقريبا أيام الموجة الحارة, و أنا سايق فى يوم سمعت صوت عالى من عند العجلة الأمامية, الكرتير بقى طرى من السخونة و وقع كله على العجلة و بيحك فيها و هى ماشية, رحت فكيته بالمفك اللى معايا و جبت واحدة أصلى بجد من عند الكيلانى, كانت ب160 بس فعلا زى اللى فى العربية و مختومة فيات.
ميزة الكيلانى لما بيبقى عنده حاجة مش أصلى بيقولك و الأصلى بيقول بلد الصنع بتاعها و كل حاجة, المشكلة بس انه غالى شوية و أحيانا طريقته مش حلوة فى الكلام

[refath]

انت تاخد بعضك و تنزل على محمد يوسف بتاع الدقى و تقوله ادينى طلمبة مية بتاعت 28 تكون نوع نضيف او قوله الايطالى لو لاقيت
طالما متعرفش انواع يبقى خليك فى محمد يوسف بلاش الكيلانى محمد يوسف اللى فى الدقى راجل محترم و امين و بيفهم اوى لكن الكيلانى هيبيع و خلاص
و تساله على الدينمو برضو لكن الاسعار معرفهاش و الله

فاكر المشاركة دى
يا راجل ده انا اتصلت بيه الثلاثاء عشان اعرف الاسعار وابقى عامل حسابى عشان اشترى منه على الطول
وقالى انى سعر الطلمبة الايطالى 90 ج والدينامو 850 جنيه !!!!!!!!!!!!!!!!!!!!!!!!!!!!!!!!!!!!!!!!!
وكمان فى صديق معانا فى المنتدى كنت سألتله عن طقم الدبرياج قالى فى تركى 320 جنيه وفى ايطالى درجة تانية 220 جنيه
ولما كلمت اخونا اللى فى المنتدى قالى انه اتصل و ادالو اسعار تانية

انت كده حيرتنى مش عارف اروح ولا لأ
انا كنت عامل حسابى اروح انا اخونا اللى فى المنتدى يوم الخميس عشان نشترى