سعر الايفو فى المصرية للسيارات زاد فقط 2000جم بعد المعرض

[hakeemkimo]

انا كنت امبارح فى المصرية للسيارات وسقلت عن سعر الايفو فعرفت انها زادت بعد المعرض 3000 جم ولكن المصرية عاملة خصم 1000جم على العربية لحد اخر شهر يناير واصبحت الاسعار ختى اخر الشهر كالتالى
evo manual pk 1 91000
evo manual pk 2 101000
evo auto pk 1 101000
evo auto pk 2 109500 اشمعنا مش عارف وهى المفروض هاتبقى ب 112000 جم

وسقلت بقى عن التخفيضات الجمركية اللى بقت زيادات جمركية فعرفت انها هاتطبق على الدفعات المستوردة شهر 6/2011

اللى دايقنى فى العربية التحفة دية حاجتين 1-تنك البنزين اللى بيتفتح من برة بس
2-الشباكين اللى ورا زجاج عادى

ومحتار اجيب باكدج 2 مانيوال ولا اشوف جولف 5 استعمال

[kik]

معلش موضوع الزيادة دي حاجة مستفزة بجد و الحاجة بدل ما بترخص بتغلي ؟ و بالنسبة لموضوع الزجاج الخلفي و التانك هي حاجة غريبة بس متخلهاش تدايقك من العربية لأن العربية مليانة امكانيات وهمية مش حتلاقيها في اي عربية و دة حقيقي و حاول تكمل و تجيب الاوتو p2 وادعيلي او دوس في المانيول براحتك بس الاوتو احلي بكتير و تذكر ان السواقة في مصر دلوقتي لازم اوتو صعب اوي المانيول و الاوتو بتاعها رياضي و يجمع بين قوة المانيوال و راحة الاوتو و توكل علي الله و هاتها و مش حتندم و انا سبقتك ربنا يوفقك في الاختيار :-)

[wael17]

أنا معايا مانيوال باكيدج 2 و بجد لو جبتها مش هتندم...عربية ممتازة...لو تقدر تجيب أوتو باكيدج 2 يبقي أحسن بس ابعد عن باكيدج 1 ...لان الكماليات الزيادة تستاهل كل قرش بيدفع فيها

الازاز اللي ورا مانيول و دي فعلا حاجة سخيفة لما تبقي عربيات صيني و كوري بنص التمن و الازاز كله كهرباء...بس بالنسبة للتنك مش مشكلة خالص...انا نزلت فتحته من بره مرة واحدة بس من ساعة ما اشترتها و بعد كده بقيت اطفي العربية و ادي المفتاح للعامل هو يفتح و يمون و بعدين انا ادور و امشي و كده كده في محطات بنزين محترمة و بتهتم بالامان و بتطلب منك تطفي العربية و انت بتمون...كل الفكرة ان فيات بتجبرك علي اتباع قواعد الامان .....بالعافية

[agent2210]

الايفو تستاهل و الباكيدج 2 اوتو احلى و احلى! اتكل على الله و اشترى :) و فعلن موضوع الازاز الورا ده يضايق لكن من كميه الكماليات الى فيها مش هتفكر فحاجه زى كده و موضوع تنك البنزين (زى ما الناس قلولك) امان مش اكثر

[hakeemkimo]

متشكر اوى ياشباب على الرددود ربنا يخلليكو

ربنا يسهل واجيب manual pk 2
بس ياترى اللون الاسود حلو عليها ولا اشوف الابيض او الفيرانى

[prince93]

انا بصراحة عاجبنى اوى اللون الابيض عليها.. بعديه الاسود و بعديهم الفيرانى .. دة الترتيب بتاع الالوان "بالنسبة لى" فى الالوان اللى بتفكر فيها ..

[hakeemkimo]

+11111111111111111111111111

[ann1]

اللون الاسود الفيراني وبعدين الابيض دة بالنسبة ليا