مشكلة بسيطة فى اللينيا ارجو المساعدة

[alaaali1980]

السلام عليكم
احب الاول اسلم عليكم جميعا
انا معايا لينيا 2009
وكنت وديتها للصيانة وخبطة فى الاكصدام فقلت اعملها تبع التامين واعمل صيانة ال 30000 بالمرة المهم كلمونى وقلولى العربية الحمد لله خلصت ومستنين معاينة التامين النهائية وفوجئت بيهم بيقولولى ان التيل والطنابير الامامية عايزن يتغيروا طبعا رفضت وقولت استشيركم
انا بفكر اعمل فيهم شكواه لان الظاهر ان ده عيب صناعة فى الطنابير لان اكتر من واحد اشتكى من الموضوع ده وتقريبا كلهم فى نفس الرينج 30000
انا عندى هيونداى اكسيل بقالها 6 سنين مفكرتش مرة ابص على الطنابير ولا غيرتها ودى كورى زى مبيقولو مش اوربى والمفروض ان الاعتمادية بتاعة الاوربى اعلى بكتير وقطع الغيار غالية بس بتعمر
فمش عارف اعمل ايه دلونى يا جماعة الخير

فالنهاية بشكر احمد يوكو على اهتمامه بالموضوع وربنا يباركله
ومتشكر جدا على وقتكم

[alaaali1980]

ايه يا جماعة مفيش حد عنده اقتراح ليه

[khalid_adel]

اسأل يوكو وكلمه عشان هو ليه باع طويل في طنابير اللينيا والتوكيل
ربنا معاكو

[khalid_adel]

طب هما حتى مقالوش نخرطها وكده ؟؟
اول مره في حياتي اشوف توكيل بيغير طنابير كل 30 ده الصيني كل 40 ولا 50
وصاحبي معاه النترا غير الطنابير على 58 الف تبع الضمان ومدفعش جنيه وهو ضمانه اصلا كان حيخلص على 60
انا مش بسخن بس ده حقكو بجد

[Ghamrawy]

واضح ان مافيش فايدة فى موضوع الطنابير ده !!!!!!!!!!!!

[MohssenRashed]

واحد صاحبي بردو معاه لينيا و نفس المشكله ( مش تربو ).

[yoko]

التوكيل بيستهبل ومن الأخر لازم نقفلهم وقفة محترمة لإن كده إستهبال (فيه حوارات كتيره حصلت معايا وقلت مش هحكيها بس واضح عشان قلت مش هحكيها غير لما الموضوع يخلص فبيأخروا الحاجة على قد ما يقدروا)

[MNabeih]

التوكيل بيستهبل يا رجالة!!!!!!

[tareket]

انا محتاج اغير تيل وطنابير بارده

لو عاوز تقدم شكوى لحماية المستهلك انا ممكن اروح معاك ونجمع كذا شخص

بس ياريت بسرعة قبل الطنلبير عندى تفرقع انا ماشى62 الف

[alaaali1980]

متشكر جدا يا جماعة لاهتمامك
سؤالى الاول لاستاذ khalid_adel
هو الطنابير دى فى باقى التوكيلات بتخضع للضمان واشمعنى غبور غيارها تبع الضمان؟
بالنسبة للاستاذ طارق انا مستنى التامين يعاين بعد الاصلاح وهاروح لو حضرتك تحب تيجى معايا اوماترا الاول نتكلم معاهم وبعدين نقرر مع بعض ده حاجة تشرفنى وياريت احمد يوكو يشرفنا ويجى معانا
ومش احمد بس ياريت كل اللى حصل معاه مشكلة فى الطنابير يجى ونروح مع بعض التوكيل ولو معملوش حاجة نطلع كلنا ونقدم شكاوى فى حماية المستهلك وباللى هنعمله ده نثبت فعلا انها عيب صناعة مش سوء استخدام
وممكن نستشهد بان غبور بيغيرها تبع الضمان

[yoko]

تمام وأنا زي ما قلت لحضرتك غيروها وأخدت خصم (بعد مشاكل كتيرة)
وفي حاجات تانيه ضمان ومغيروش غير العيب الرئيسي والحاجات الي باظت بسببه سيبنها!!!!

[alaaali1980]

انا غيرولى الكلكس لقيته قطع من حوالى 7 شهور والمهندس شريف غيره وقالى ده خدمة منى على الرغم من انه مكملش
مع كامل احترامى للمهندس شريف لانه بالفعل شخص محترم جدا

[alaaali1980]

ياترى يا احمد ممكن تيجى معانا لو رحنا عايزين نجمع اكبر قدر من ملاك اللينيا لان لو حتى هما عملولك الخصم دلوقتى معنى كده انك هتحتاج تعمل مشكلة كل 30000 علشان موضوع الطنابير احنا عايزين نوصل معاهم لحل نهائى حتى لو هيستوردو نوع مخصوص للينيا التربو مع نسبة تحمل لينا

[yoko]

انا غيرولى الكلكس لقيته قطع من حوالى 7 شهور والمهندس شريف غيره وقالى ده خدمة منى على الرغم من انه مكملش
مع كامل احترامى للمهندس شريف لانه بالفعل شخص محترم جدا

هو فيه ضمانات مكتوب فيها الكلكس مش ضمان وضمانات ﻷ زي عندي وأنا كمان غيرت كلكس ضمان

ياترى يا احمد ممكن تيجى معانا لو رحنا عايزين نجمع اكبر قدر من ملاك اللينيا لان لو حتى هما عملولك الخصم دلوقتى معنى كده انك هتحتاج تعمل مشكلة كل 30000 علشان موضوع الطنابير احنا عايزين نوصل معاهم لحل نهائى حتى لو هيستوردو نوع مخصوص للينيا التربو مع نسبة تحمل لينا

أنا أكيد معاكم بس انا كده كده هجيب ديسكات سبور من برة وأركبها ويولعوا بديسكاتهم بس بعد ما أخد حقي

[alaaali1980]

طيب يا احمد هى فيات مكنتش قادرة تركب الديسكات السبور دى من البداية وهى فيات شركة صغيرة لما تعمل غلطة زى دى ياريت نتكلم معاهم يجيبو ديسكات محترمة ويركبوهالنا ولو موصلناش لحل معاهم نشتكيهم واكون شاكر لو عملت حسابى فى طنابير مع حضرتك