تغيير علامة فيات في جراند بونتو

[Abo_Mohie]

انا كنت عاوز اعرف هل ممكن اغير علامة فيات الزرقاء الموجودة في جراند بونتو 2007 الى حمراء من الشبكة الامامية والشنطة الخلفية وطارة القيادة ؟

يا ريت حد يفيدني في الموضوع ده؟

[prince93]

هو تقريبا ينفع بس تقريبا غالية شوية.. يعنى باين قريت هنا قبل كدة ان الاصلية بتتباع فى اوماترا بحوالى 200 او 300 جنيه..دى واحدة فيهم بس، يا اللى ادام يا اللى ورا مش فاكر

[semsem_uno]

و ليه ماهو كله فيات
ممكن تعمل استيكر ايطاليا عليهم تبقي علامة ايطاليا لو شفتها قبل كده
و بتخلي شكل العربية حلو اوي

[Abo_Mohie]

شكرا للرد...
بصراحة انا معجب بالعلامة الحمرا وشايفها اشيك ولكن هل تغييرها سهل؟
يعني هي راكبه بلزق ولا بكلبس؟

[prince93]

تقريبا فى واحدة منهم بكلبس، تقريبا اللى بتتسرق على طول دى بتبقى بكلبس عشان كدة بتتكسر على طول :d
و ممكن يكون الاتنين بكلبس

[ahmadmidop]

مش عارف بصراحة نظامهم ايه بس فعلا اللي قدام ب 200 جندي ... وانا عندي في عربتي مثلا اللي قدام بمسمار مش عارف النظام ايه في الجراند

[loodaa]

اللي ورا بمسمار عشان كان في واحد عايز يسرقها و معرفش فتاني الحتة اللي تحت العلامة

[yoko]

ممكن لكن الطارة ﻷ والموضوع مش صعب

[hazemezzz]

انا عندى جراند بونتو 2007 وغيرت العلامات الزرقا بعلامات حمرا اصلية من التوكيل .. العلامة الامامية بتتثبت بمسمار فى الشبكة وثمنها 200 جنية .. والعلامة الخلفية بتتثبت بلزق وكلبس فى الشنطة وثمنها 150 جنية .... وتركيبهم سهل اوى انا عملتهم لوحدى .. لكن العلامة اللى فى الطاره مش عارف ممكن تتغير ولا لا .. مسالتش عليها الصراحة