استفسار بخصوص بونتو 94

[Mohamed_Ahmed]

الاخوه الاعزاء أهل الخبره:
معروض عليا عربيه بونتو94 فابريقه دواخل واساسيتها سليمه بدون حوادث . دهان خارجى وكانت بتاعه واحد ست كبيره والحاله العامه كويسه بس عداداها عالى 220 الف كم والتكييف مش شغال. ومطلوب 28 الف.
ايه رايكم اولا فى العربيه دى من ناحيه الموديل والحاله وثانيا من ناحيه السعر؟
ياريت تفيدونى علشان انا خبرتى بالبونتو ضعيفه.

[shadybahaa]

اولا العربية جميله
ثانيا عيب العربية ده ان الكنترول بتاعها ضعيف
ثالثا سعرها عالى
رابعا السعر ده يجيبلك بونتو 95 وتكيفها شغال وهتبقى برده غاليه
خامسا انا من رايى اعلى شويه بسيطة واوصل 33 الف او 34 الف وهات سيينا افضل بس 1400

[Mohamed_Ahmed]

مشكور استاذ شادى على الرد
ولكن انا عايزها لاختى . فانا عايز حاجه هاتش باك وعمليه شويه اكتر من البولو وصيانتها قليله علشان كده ببعد عن السيينا
لكن قصدك ايه باكونترول الضعيف وهل فى طريق اكتشفه لو فيه عيب قبل مااشترى؟ على فكره السعر ممكن ينزل ل 25

[graffittiii]

يافندم عداد 220 الف لموديل 94 مش عالي إطلاقا ده زي الفل (( معدل تقريبا 13 أ لف كيلو ف السنة أعتقد معدل ممتاز ))
السعر لو نزل ل 25 والعربية حالتها كويسة توكل علي الله ..لان هي سعرها من 25 ل 28 حسب الحالة .
لكن في نصيحة صغيرة .. العربية بقالها 17 سنة وبالتالي لازم تهريها فحص وتقيس كبس الموتور لحسن تكون عاوزة عامره او الموتور خفيف او اي حاجة مانعرفهاش...
لو قدرت تشوف موديل أعلي يكون أفضل لكن علي كل حال 94 دي تاني سنة انتجت فيها البونتو وكانت الخامات ممتازة .

[shadybahaa]

استاذى الكنترول لما بيقى ضعيف بتلاقى الار بى ام مش مضبوط ودايما طالع نازل ولما تشغل التكييف هتلاقى العربية مبرجلة وضبطة الار بى ام على 10 مش 15 لان لما بيبقى مش بتاعها بيخليه ساعات على 15 وارفعها فى محطة وارعف كبس الموتور اما عن سعر ال 25 فالسعر ده حلو اووى لو حالتها نظيفة