مشكلتين محيرنى فى الفيورا 127

[mrcomp]

أنا عندى 127 فيورا موديل 84 خمس سرعات ودولة المشكلتين:-

1- سرعة العربية مبتعديش 105 km/h (هل يوجد سبب ) وما الحل
2- ركب العربية بتتكسر بسرعة وبروح ألحمها وهكذا .. هل يوجد حل فعال فى هذة الحاله


أفيدونى أفادكم الله .... وشكراً

[mohamed_e36]

1- سرعه العربيه دي ممكن يكون الكاربراتير مش مظبوط ممكن تكون البوجيهات وفلتر البنزين عايزين يتغيرو او كهربه العربيه مش مظبوطه
2-ركب العربيه دي هتفضل تتكسر منك كده على طول والحل انك تشتري ركبتين جداد وتركبهم عند سمكري نضيف
انا كان عندي نفس المشكله ومتحلتش الا لما غيرت الركب ورحت ظبط زوايا

[mrcomp]

ألف شكر على أهتمامك وردك وفعلاً أنا هعمل كدة النهاردة فى الركبة اليمين ... بس بخصوص السرعة أنا غيرت الفلتر والبوجيهات والميكانيكى مش لاقى حاجة فى الكاربراتير وبردوة غيرت طقم كهربة من شهر كدة .

[mohamed_e36]

لا شكر على واجب ,,,بالنسبه لموضوع السرعه ده ممكن تكون العربيه كهربتها مش مظبوطه وممكن تكون اسطوانه الدبرياج
طب متغير الميكانيكي وتشوف واحد تاني وشوف ايه رايه اصل موضوع السرعه ليه كذا حاجه مش حاجه معينه هنقول هيه دي اللي عايزه تتغير

[mrcomp]

فهمتك يا باشا وكتر خيرك فعلا الواحد يجرب رأى مكانيكى تانى

[maka]

مشكلة السرعة حاجات كتيير و هى الفلاتر و ظبط الكاربيتير و الكهرباء و تغيير البوجيهات و تركيب البيكات المناسبة

[arabiy]

معايا 127 وفيها نفس المشكلتين بس انا موديل 87 فعلا شركة نصر اول ما مسكت ال127 استرخست والبادي بقي ضعيف جدا ياريت لو غيرت الركب تقولي اتكلفت كام وبالنسبه للسرعه بص علي بلية الدبرياج لو كنت بصيت علي كهربة العربيه كلها ولاقتها 100 ميه
متاااااااابع باهتمام

[mrcomp]

ألف شكر لإهتمامك يا Maka

[mrcomp]

معايا 127 وفيها نفس المشكلتين بس انا موديل 87 فعلا شركة نصر اول ما مسكت ال127 استرخست والبادي بقي ضعيف جدا ياريت لو غيرت الركب تقولي اتكلفت كام وبالنسبه للسرعه بص علي بلية الدبرياج لو كنت بصيت علي كهربة العربيه كلها ولاقتها 100 ميه
متاااااااابع باهتمام

• بص الركبة الشمال اللى تحت التارة هية اللى باظت الأول رحت لحمتها ب40 جنية عند واحد حرامى وبعدين أتكسرت روحت عند نفس الحرامى جابللى ركبة جديدة ب20 جنية من الحى العاشر وركبهالى بعد ما فك الردياتير وكلفنلا بتمن الركبة والمصنعية 70 بس بقت تمام .. مع العلم أن الناس قالتلى أن السعر دة عالى .. إمبارح بقى رحت المثلث ودى منطقة فى الحى العاشر علشان الركبة اليمين تعيش أنت قالى هتكلفك 180 علشان هنغيرهالك وفيها فك موتور سيبك منوة .. رحت لعفشجى قالى تعالى بكرة يعنى هروحلوة النهاردة بليل وقالى مش هفك الموتور ولا حاجة أنا هعملك ليها دعامة علشان مش مستهلة تتفك وتجيب واحدة جديدة ويلحم الدعامة عليها كويس طيب كام يا عم 40 جنية ويا مسهل .. معلش طولت عليك بس أنا عارف موضوع الركب دة محدش أتكلم علية هنا فى المنتدى فحبيت أفيدك باللى حصللى .