128 موديل 86 يتحطلها بنزين 80 ولا 90؟

[m7mda7md]

واحد صاحبي معاه 128 موديل 86 اشتراها مستعمله من واحد كان دايما بيحطلها بنزين 90............المفروض هو دلوقتي يحط بنزين كام؟ سمعت ناس بتقول لو حطلها 80 بعد ما كانت متعوده ع ال 90 الموتور هيحصله مش عارف ايه ................شكرا

[Elawany13]

هوه حد لاقى 80 دلوقتى !!!!

فيه نقص حاد على مستوى الجمهورية

لو عاوز يحط 80 عادى مفيهاش مشاكل

90 رمى فلوس على الفاضى

لو الماتور عمل تسقيف لما يحط بنزين 80 يبقى يروح للميكانيكى يظبطله الاسبراتير وهوه واقف قى ثوانى

[m7mda7md]

الف شكر يا باشا...........تخيل الازمه عندنا ف اسيوط ف 90 و 92 اما ال80 موجود حلاوه ههههههههههه

[misoalex]

90 يبقى بترمى فلوسك على الارض
الكتالوج بيقول 80 سوبر :) لو فيه بوكس ماشى هههههههههههه

بجد 80 هو افضل واوفر بنزين لل 128 غير كده يبقى انت بترمى فلوس على الهوا

وعموما كل اللى انت حتعمله انك تروح للكهربائى يظبط كهربا الاسبرااتير وممكن متعملهاش كمان

بس حاول تغير فلتر البنزين كل فتره

[m7mda7md]

ألف شكر يا رجاله

[ayman2]

انا شايف ان بنزين 92 هو الأفضل وخصوصا ان الفرق 10 قروش فقط بينه وبين 90 لكن فى المقابل اداء السياره سوف يختلف تماما ومافيش حاجه اسمها تسقيف وسحب ممتاز وهايوفر معاك كمان بالاضافه انك مش كل شويه تروح تنظف الكربراتير وخلافه والكلام ده عن تجربه لأنى بحط 92 فى 127 موديل 83

[strongxx]

علي فكره انا من كتر حبي في العربيه دي كنت بحط لها 95 وبدخل بكل منظره وقلاطه في محظة البنزين وبقف وسط المرسيدس والبي إم وبتاع البنزينه يقولي ال90 من هنا يا بيه وانا أقوله لأ انا عايز 95 كان بيبص لي بصه فيها اندهاش علي تعجب علي سخريه.........وياسلام بقي لما تبقي ورايا مرسيدس وانا نازل أملئ العربيه بنزين ألاقي صاحب المرسيدس بيبص لي من فوق لتحت حتت بصه
ههههههههههههههههههههههههههههههههههههههههههههههههه

بس إن جينا للحق هو المفروض يتحط لها 80 بس انا كنت مدلعها اخر دلع :-)))