اللينيا 44444 كم وحادثه جديدة

[yoko]

العربيه الحمد لله عملت 44444 كم
زي ما شايفيين في الصورة

والحمد لله في نفس اليوم وأنا جوه المنطقة ماشي في امان الله لقيت .... ماشي عكس وداخل في وشي بفاديه وفي نفس الوقت واحد راجع بظهرة لووشلي في الرفرف ورا يمين والباب ورا يمين


فرق الباب من الرفرف ده بسبب الخبطة مش الباب مفتوح



والرفرف ده أوماترا كانوا رشوه قبل كده وطبعا الدهان زي الزفت وكان محروق
زي ما شايفيين الصورة

والدهان زي ما عارفين أرفع من جلاد الحيطة

[MNabeih]

معلش قدر الله و ما شاء فعل.

[yassinhaitham]

الحمد لله انها جت على قد كدة يا أحمد و ان شاء الله بسيطة بس اوعى تعملها في أومترا المرة دى

[azakareya]

باقول لك إيه، سيبها على كده كام شهر و ريح أعصابك .. الباب عندي لما أخد الخبطة التمام أول ما جبت العربية سبته حوالي 8 شهور على حاله .. بيقولوا الحاجات دي "بتاخد العين"

[yoko]

هعملها عند كريم بعد العيد لكن أسيبها صعب عشان اخاف تصدي وأكيد أكيد مش هعملها عند أم ترا

[ahmadmidop]

قدر الله ماشاء فعل .... بص يااحمد حط على الحتة دي شمع اضمن بردو لحد بعد العيد عشان الرطوبة وكده

[JUVENTUS]

الحمد لله انها جت على كده يا احمد باشا و بسيطة ان شاء الله تتظبط و تبقى تمام

[Ahmed Nasser]

حمدلله على سلامتك

[Moe86]

معلش يا أحمد، كنت بقول الدهان قشر بسرعة كدة لية ، طلعت بركة أمترتر في الرش
بس يعني اية الدهان محروق، حرقوه ازاي بعد ما رشوه؟!

[yoko]

الله يسلمكم كلكم
ومحروق يعني بهت من الشمس لو ركزت هتلاقي الدهان مش لون واحد فيه حده بقت بهتانه ومنقطة

[Ghamrawy]

لا حول و لا قوة الا بالله
معلش ربنا ستر
عموما يا ريت تعمل الشغل كله بره لان الرفرف حايبقى عليه تسخين و لازم بتاع بويه كويس يزبط سوكة الرفرف بالمعجزن كويس

[Ahmed Selim]

قدر الله و ما شاء فعل يا يوكو............فداك 1000 لينيا


أعملها عند كريم على نضافة طالما التوكيل بيستهبل

[egyptiandiver]

الحمد لله انها جت على قد كدة

[amr_2010]

قدر الله وما شاء فعل

[Moe86]

الدهان نوعه sipes يا يوكو و لا هيبقى نوعه إيه؟
و هتضمن منين إن اللون هيبقى مظبوط؟