مشكلتين في بونتو 94 أفيدوني أفادكم الله

[Mohammad_z]

السلام عليكم
إذيكم يا جماعة يا رب تكونوا بخير
انا عندي مشكلتين في عربييتي و هي بونتو 94
أول واحدة المياة المياة بتخلص كل يومين بلاقي القربة فاضية مع إن مفيش أي تسريب خالص خالص و ريتها لميكانيكي قالي مش لاقي تسريب و تابعها كده قلتله طب ايه يعني ما هي كده كده المياة بتنقص قالي ممكن يكون جوان ووش سلندر قلتله شكرا ومشيت
المشكلة التاني ةإن العربية بتجيب زيت من تحت بتنقط زيت خفيف سألت إتنين ميكانيكية واحد قالي جوان الكرتيرة و جوان التكيهات مع إن اجوان التكيهات ده مبيتشفش غير لما يتفك اللي فوقيه ؟؟؟؟
التاني قالي سير الكاتينةسالته قلتله الجونات قالي هانفتح ونشوف
معلش مطول عليكم
ياريت بس اللي يعرف الحل يقولي و ياريت لو يعرف أسعار قطع الغيار بكام و أجيبها منين من القاهرة وشكرا جزيلا يا جماعة................

[misoalex]

طب اخبار درجه الحراره معاك ايه

والزيت لونه ايه لونه شبهه الطينه كده ولا طبيعى اصل لو شببه الطيحينه يبقى جوان وش السلندر

وانت متأكد ان مفيش اى تسريب من عند القربه او كوعه ميه او من عند بلوك الموتور او اى حته بتنقط ميه

[Mohammad_z]

أولا ألف شكر علي ردك يا باشا
درجة الحرارة بتعلي لحد فوق النص بشرطيتين وسعتها بتشتغل المروحة ويقل شوية اثرموستات مظبوط علي كده
و الزيت انا كنت لسة مغيرة من يومين كان أسود اوي بس ده علشان كنت ماشي عليه كتير
و بالنسبة لموضوع التسريب االعربية مابتنقطش نقطة مياة و مفيش أي تسريب خالص و ده اللي انا مستغربة

[Mohammad_z]

أولا ألف شكر علي ردك يا باشا
درجة الحرارة بتعلي لحد فوق النص بشرطيتين وسعتها بتشتغل المروحة ويقل شوية اثرموستات مظبوط علي كده
و الزيت انا كنت لسة مغيرة من يومين كان أسود اوي بس ده علشان كنت ماشي عليه كتير
و بالنسبة لموضوع التسريب االعربية مابتنقطش نقطة مياة و مفيش أي تسريب خالص و ده اللي انا مستغربة

[madkor]

انا معايا بونتو 95 حصل معايا موضوع مية القربه ده وبعد مادوخت عشان اعرف الميه بتقل ليه لقيت مرة صدفه كدة كوعه بتنقط بسيط والميه بتنشف بسرعه من السخونه .

[esam_comm]

بص ياباش اللي عندك ده لسه معالجه في عربيتي بالنسبه للمياه
اول حاجه شيك علي طبات المياه وهما مكنهم صعب شويه بيبقي ورا فرن الشكمان والطبه تقريبا ب5 جنيه المشكله انها مكانها رخم
تاني سبب ممكن يكون التسريب من عند طرمبه المياه وبيكون مش من الجوان ممكن يكون شاسيه طرمبه المياه نفسه متاكل وهو اللي بيسرب مياه خاللي بالك الاماكن دي صعبه والوصول ليها رخم بس الموضوع مش هايخرج عن كده
وممكن تحط جرنان نظيف تحت العربيه وتشوف التسريب منين
بالنسبه للزيت اتاكد انه زيت موتور ولا زيت فتيس لو موتور يبقي شوف الطبه او الكرتيره وحط في اعتبارك ان الزيت بيتسرب من فوق لتحت يعني لو عندك تسريب شوف جسم الماكينه من فوق لتحت بالترتيب علشان تحصر المشكله
اما لو زيت فتيس فاشوف اويل سيل الكوبلن وده تمنه 40 جنيه من عند الكيلاني
وابقي طمنا عملت ايه علشان الكل يستفيد

[fiatawy]

بص على الشكمان فيه ميه بتيجى منه و لا لأ و لو مفيش يبقى غير غطاء قربة المياه و لو تحب تراجع على العربية فى مركز خدمة البرقان بلغنى و انا اكلمهملك لعمل اللازم مع العلم ان اسعارهم قريبة جدا من اى ورشة عادية

[misoalex]

بص على الشكمان فيه ميه بتيجى منه و لا لأ و لو مفيش يبقى غير غطاء قربة المياه و لو تحب تراجع على العربية فى مركز خدمة البرقان بلغنى و انا اكلمهملك لعمل اللازم مع العلم ان اسعارهم قريبة جدا من اى ورشة عادية

طب وهل لو فيه ميه بتيجى من الجكمان ده غلط ؟؟

ولا ده علامه على جوده عمليه الحرق ؟؟

[fiatawy]

طب وهل لو فيه ميه بتيجى من الجكمان ده غلط ؟؟

ولا ده علامه على جوده عمليه الحرق ؟؟

لو دليل على جودة الحريق هتبقى بكميات معقولة انما لو فيه حاجة غلط هتبقى كميات كبيرة بزيادة

[misoalex]

لو دليل على جودة الحريق هتبقى بكميات معقولة انما لو فيه حاجة غلط هتبقى كميات كبيرة بزيادة

تمام فهمت قصدك يعنى بينقط بطريقه غير طبيعيه كتير

شكرا يا بشمهندس

[Mohammad_z]

الحمد لله حليتن موضوع المياةو ده طلع غن الردياتير مخروم و مكنتش شايفه علشان كنت علي طول ببص علي العربية وهي سخنة لكن الردياتير بيبان الخرم اللي فيه لما العربية تبرد رحت لحمته لكن الحمار اللي لحم الردياتير بوظلي ثرموستات المروحة و دوخت دوخة كبيرة والله جبت تثموستات من الصعيدي ب 35 جنية و كان واطي غير اللي في العربية كانت المروحة بتشتغل و متفصلش خال غير لما اشيل فيشتها رحت بدلته و فضلت المشكلة جه بتاع الردياتير قعد يفتي قالي ده بئا الثرموستات اللي في الكوعة سألت ميكانيكي قالي يا ثرموستات يا وش سلندر سبتلهم الإتنين و ركبت عربيتي و مشيت سألت ميكانيكي تاني قالي لاالترموستات بتاع المروحة الجديد هو اللي بايظ قلت طيب لما نجرب نزلت الكيلاني جبت واحد مستعمل ب25 جنية عالي والمروحة ظبطت بتشتغل وتفصل الحمد لله قمت ماسك الترموستات القديم وطلعت علي النصاب اللي اسمه الصعيدي اللي في شارع شبرا و رجعت حاجتي بعد خناقة مش علشان حاجة والله علشان كان محروق دمي منه

إتبقت دلوقتي مشكلة الزيت بئا بس هو التنقيط بسيط بصراحة

[misoalex]

الحمد لله حليتن موضوع المياةو ده طلع غن الردياتير مخروم و مكنتش شايفه علشان كنت علي طول ببص علي العربية وهي سخنة لكن الردياتير بيبان الخرم اللي فيه لما العربية تبرد رحت لحمته لكن الحمار اللي لحم الردياتير بوظلي ثرموستات المروحة و دوخت دوخة كبيرة والله جبت تثموستات من الصعيدي ب 35 جنية و كان واطي غير اللي في العربية كانت المروحة بتشتغل و متفصلش خال غير لما اشيل فيشتها رحت بدلته و فضلت المشكلة جه بتاع الردياتير قعد يفتي قالي ده بئا الثرموستات اللي في الكوعة سألت ميكانيكي قالي يا ثرموستات يا وش سلندر سبتلهم الإتنين و ركبت عربيتي و مشيت سألت ميكانيكي تاني قالي لاالترموستات بتاع المروحة الجديد هو اللي بايظ قلت طيب لما نجرب نزلت الكيلاني جبت واحد مستعمل ب25 جنية عالي والمروحة ظبطت بتشتغل وتفصل الحمد لله قمت ماسك الترموستات القديم وطلعت علي النصاب اللي اسمه الصعيدي اللي في شارع شبرا و رجعت حاجتي بعد خناقة مش علشان حاجة والله علشان كان محروق دمي منه

إتبقت دلوقتي مشكلة الزيت بئا بس هو التنقيط بسيط بصراحة

معلش الحمد لله انها اتحلت المشكله

بس انا شايف ان العيب فى الصنايعيه اللى اتعاملت معاهم

حاول تتعامل مع حد متخصص فى الفيات وسيبك من الناس اللى بتفتى كتيييير