مشكلة غريبة عندي في شاهين 1999

[şahin1993]

السلام عليكم

عندي مشكلة غريبة ف العربية انها لو طفت مني مش بترضى تدور و هي واخده غيار وانا دايس دبرياج لازم امورها عشان تدور حد يعرف ايه السبب ؟

[Karim Ibiza]

ازاى مش بترضى تدور؟؟ يعنى فى صوت مارش ولا مفيش؟؟ ولو فى صوت مارش, بيعتل ولا طبيعى؟؟

[şahin1993]

مش بتنطق خالص لازم امورها عشان تدور وبعد ما امورها بتدور عادي جدا

[misoalex]

ممكن اسطوانه وديسك محمل على الموتور ومش بيفصل كويس وانت دايس دبرياج

وممكن يكون المارش عندك ضعيف برضه

بص حقولك على حاجه جربها
عشق الاول وجرب تدور العربيه وشوف حتلاقيها نطت لادام وعاوزه تدور ولا برضه قاطعه خالص ومش عاوزه تدور

[şahin1993]

لا بتنط ع فكرة بيبقى في صوت مارش بس مش بتدور لما بتكون واخده غيار وانا دايس دبرياج

[şahin1993]

حد هيفيدنا يا جماعة ؟

[misoalex]

انا كتبتلك رد اول امبارح شكل المنتدى كان مهيس لان الرد مظهرش

عموما انا كنت بقولك روح لكهربائى الاول يفك المارش ويتأكد انه سليم لانى شاكك فيه لانه لو مش عيب مارش حتدخل فى قصه تانيه
ده طبعا فى حاله ان طقم الدبرياج عندك مظبوط

[şahin1993]

لا انا عندي طقم الدبرياج عايز يتغير

[misoalex]

لا انا عندي طقم الدبرياج عايز يتغير

يبقى هو ده مربط الفرس وانت تاعب نفسك

كده الدبرياج مبيفصلش كويس وحضرتك دايس دبرياج فبالتالى بيبقى محمل على المارش كأن العربيه معشقه

يا اما تغير طقم الدبرياج يا اما تستحمل الوضع كما هو عليه لحد ما تغيره عشان متحرقش موبينه المارش

[şahin1993]

يبقى هو ده مربط الفرس وانت تاعب نفسك

كده الدبرياج مبيفصلش كويس وحضرتك دايس دبرياج فبالتالى بيبقى محمل على المارش كأن العربيه معشقه

يا اما تغير طقم الدبرياج يا اما تستحمل الوضع كما هو عليه لحد ما تغيره عشان متحرقش موبينه المارش

الف شكر ع اهتمامك يا كبير هغير طقم الدبرياج ف اقرب وقت وهاجي اقولك