معلش يا جماعة ضرورى محتاج اسعر الشاهين دى ....

[celine_back]

موديل 2003
1400 سى سى
فابريكة برة وجوة
كاسيت وسماعات أصلى
طقم اطارات بريللى من اسبوعين بس
بطارية جافه
عامله55000 كم
استخدام مدينه والماتور كأنه جديد بالظبط ودى احسن حاجة فى العربية واللى بتشد الناس اول ما تشوفها

ايه يا جماعة حد ممكن يفيدنى .........

[El Prince]

فى حدود 35 الف ؟!

[celine_back]

35؟ ...ازاى بس ...دا اقل سعر اتحط فيها كان 43 ؟

[ahmedfawzy14]

اقل من 45
واكتر من 40الف

[celine_back]

يعنى مش تعدى ال45 أبدا؟ ......نفس الكلام اللى الناس بتقوله

[modihamed]

اخرها 42000 جنيه وما تزودش مليم

[celine_back]

على فكرة يا جماعة العربية معايا انا مش بشتريها ...انا اللى ببيع ....يعنى الكلام اللى فوق دا كله صح ومضمون ....فأنا مش ملازم ابيعها... انا بشوف لو جابت سعر حلو ابدلها بنوع تانى علشان انا مش مرتاح فى الشاهين وخصوصا انى عامل عمليه فى رجلى وانتو عارفين دبرياش الشاهين وقعدتها !!!

[sherif_84]

أنا عربيتى الشاهين نفس موديل عربيتك 2003 وعاملة 64000 كم 1400 كاسيت بس بدون كماليات ولما عرضتها للبيع جابت 41000 جنيه ماحدش راضى ياخدها باكتر من كده لانى كنت عايز فيها 42000 لكن ماجبتش خالص بس انا دلوقتى مابيعتهاش وأنصحك ماتبيعش عربيتك دلوقتى لأن مادام سعر الشاهين انخفض كده حاسس انه هيرتفع جامد قوى بعد كده ياما بسبب بيع شركة النصر او انهاء تراخيص التاكسيات القديمة وبالتالى الاحلال هيرفع سعرها كتير جدا
ضيف كمان ان الجديدة الفاضية بـ 64000 جنيه والمكيفة بـ 72000 جنيه

[celine_back]

رايك صح جدا ...وان شاء الله هاخد بيه ....شكرا جدا

[sab3aawy]

انا بعت سيارة بنفس مواصفات سيارتك 2003 برضه ، بس اكان كان عندى زيادة التكييف وجنوط سبور بي العربية كانت عاملة 100 ألف كيلومتر، وكلها بحالة الفابريكة ، بعتها ب 43000 فى مارس 2007