فيات بونتو 2011 الدريكسيون بيقفل

[eng.m7md.ali]

السلام عليكم ورحمة الله

اخوكم من قسم بروتون وعايز مساعدة في عربية فيات بونتو 2011

العربية مع واحد صاحبي والدريكسيون بيقفل وهو ماشي على سرعة .. طبعاً حصلتله مرة وحصلت لاخوه مرة وفضل راكن العربية شوية لحد ماجاب ونش وراح بيها التوكيل

بعد ماراح توكيل اوماترا وقالولو هتقعد يومين عشان دي مشكلة اول مرة تظهر " طبعا العربية في الضمان "

بعد يومين راح ياخد العربية قالوله غيرنالك "اللسان" الاسود اللي جنب الكونتاكت او فتحة المفتاح ومظهرتش تاني الا من امبارح وهو مقلق يركب العربية

ياترى ايه اللسان ده ؟ وهل حد واجهته المشكلة دي؟

طبعاً بما اني " مفقوع " من عز العرب في بروتون قولتله لازم تروح التوكيل تاني تطلع عينهم عشان دي مفيهاش هزار

[Dr.A.Nabil]

اول مره اسمع عن المشكله دي
ربنا معاه
غريبه جدا بصراحه

[eng.m7md.ali]

شكراً على المرور .. ياترى حد قابل المشكلة دي " لاقدر الله "

[AlGazar2]

غريبه جدا ان لوك الدركسيون بيقفل و المفتاح فيها

لازم اللوك يتغير كله او قطمه الدركسيون بالكامل لان دى مفيهاش هزار لو قفلت لا قدر الله على سرعه و هو بيفادى حاجة هتبقى كارثه

[eng.m7md.ali]

قولتله اعملهم قرد .. هما اكتفو بتغيير اللسان الاسود ده اللي جنب الكونتاكت

[michohat]

العيب ده من فبره كونتاك العربية سقطت جوه الكونتاك
حصلت مع واحد صاحبي معاه 131
غير كونتاك بما انك في الضمان لسه اطلب تغيير الكونتاك

[svneleven]

اهم حاجة حتي لما يغيرو القطمة و الا الكونتاكت تحاول تجرب العربيه كام يوم في شوارع جنب البيت و مش زحمة عشان تتأكد أن كل حاجة تمام قبل ما تطلع علي الطريق و ربنا يسترها.

[Ghamrawy]

حصلت معايا لما كانت البطارية بتخلص

[eng.m7md.ali]

تمام اوي

الف شكر للرجالة اللي ردت

وفعلا هيغير الكونتاكت كله في الضمان

[medo111]

حصلت معايا لما كانت البطارية بتخلص

حتي لو البطاريه بتخلص والعربيه بتفصل ازاي الدركسيون يقفل والمفتاح فيها هو المتور بيدور بزرار ولا بالمفتاح عادي

[Ghamrawy]

حتي لو البطاريه بتخلص والعربيه بتفصل ازاي الدركسيون يقفل والمفتاح فيها هو المتور بيدور بزرار ولا بالمفتاح عادي

العربية كانت دايرة بوصلة بعد ما البطارية نامت
و الموتور بيدور بمفتاح عادى
و البارو كهربا

[eng.m7md.ali]

اخر الاخبار :

النهاردة راح اوماترا تاني واجمعوا ان العيب في قطمة الدريكسيون اللي فيها موتور الباور

المهم انهم مش عايزين يغيروها ضمان عشان بيقوولو " عيب استخدام " لان العربية خدت مطب والمطب اثر على المساعد الشمال قدام والمساعد اثر على السنسور والسنسور هو السبب في كدة

طبعا كلام اهبل لايصدقه طفل صغير المهم انتهى الحوار انه مغيرش حاجة وهيروح ابو رواش احسن عشان يظبط معاهم لانه كان في فرع جسر السويس

القطمة دي تمنها في التوكيل ب 8000 جنيه
عربية ب 70 الف جنيه وتمن حاجة زي القطمة 8000 جنيه !!!!!!!
ايه الاستغلال ده؟

حسبي الله ونعم الوكيل

[hazememam14]

حصلت معايا لما كانت البطارية بتخلص

طب دي كده حاجة تقلق جدااااا .. هو أنا أعرف ازاي ان البطارية بتخلص ؟ أنا لسه معايا البطارية الأصلية ماتغيرتش

[Ghamrawy]

صعب تعرف
انا كنت راجع من مشوار و بطلت العربية و جيت ادور ما دارتش