م/ علاء سلامه من اوماترا ( وكيل فيات ) شكراً جزيلا لك

[eng_ahesham]

م/ علاء سلامه من اوماترا
تحيه اجلال و تقدير لهذا المهندس المحترم
الراجل ده انا كلمته قولتله ان العربيه حصل فيها مشكله وانا علي سفر و كان يوم جمعه و يوم اجازته
اتصل بيا هو لحد ما اتاكد اني وصلت بيتنا بالسلامه
وكلمني الصبح واتأكد اني في طريقي الي اوماترا و كلمهم في جسر السويس خلاهم يستنوني رحت دلخت علي طول و بجد بجد عملو معايا الواجب بزيادة
انا مكنتش مصدق نفسي اني في اوماترا
شكرا للمهندس / علاء سلامه المحترم
وللانصاف ايضاً شكرا للمهندس / محمود ابو زيد مدير الورشه
يارب اوماترا تفضل كده علي طول :)))

[ayman2]

ده اللى احنا قولناه التوكيل مقبول بدرجه كبيره وتقدر تتعامل معهم وتاخد حقك وبيحاولوا يطوروا نفسهم لكن ببطء شديد

[SonaSteel]

امنت بالله ....... نهضة ديه ولا مش نهضة
اول مرة اشوف شكرا لحد في اوماترا هههههههههههههههه

[ayman2]

امنت بالله ....... نهضة ديه ولا مش نهضة
اول مرة اشوف شكرا لحد في اوماترا هههههههههههههههه

موجود هنا فى المنتدى شكر لناس كتير فى أوماترا وعلى راسهم المهندس المحترم شريف متولى وايضا المهندس الخلوق كريم وقت ان كان يعمل فى أوماترا حضرتك فقط ابحث وسوف تجدهم

[SAWA1SAWA]

طيب معلش يا باشمهندس عايزين نعرف إيه المشكلة إذا أمكن

[eng_ahesham]

انا لبست مطب علي 180 تقريبا بس :)
وجه في المصفحه و الكارتيره

[SAWA1SAWA]

الف حمد الله على سلامتك وبسيطة يا باشمهندس

[ahmedsiyam]

اولا الف سلامة عليك و فداك اى حاجة المهم انك بخير
طيب يا بامشهندس هل انت مستمر فى تقديم شكوتك لفيات ايطاليا و لا هاتصرف نظر عن الفكرة

[eng_ahesham]

اولا الف سلامة عليك و فداك اى حاجة المهم انك بخير
طيب يا بامشهندس هل انت مستمر فى تقديم شكوتك لفيات ايطاليا و لا هاتصرف نظر عن الفكرة

الله يسلمك يا باشا
انا بالفعل بعت الشكوي من زمان
بس القصد انهم فعلا ابتدوا يتغيروا للاحسن
وكمان في خبر حلو جدا
اومترا هتفتح فرح جديد اول طريق العين السخنه و ده هيكون اخر السنه دي و هيكون فرع كبير جدا و متميز في المساجه و الخدمات
والله المستعان

[khaled_afandy]

انا لبست مطب علي 180 تقريبا بس :)
وجه في المصفحه و الكارتيره

ألف حمد لله على السلامة
يا جماعة الخير بلاش السرعات الرهيبة دى أرجوكم، فى الآخر لا تضع ثقتك فى أى آلة مهما كانت جودتها ممكن يحصل لها عطل فى أى وقت، و خليك دايما على السرعة الآمنة المناسبة للطريق. أنا شخصيا عمرى ما زودت عن 140 و كان على الهاى واى فى أمريكا و عربية دودج جبارة و طريق شبه خالى و حرير .....

طب و حالة الكارتيره أيه دلوقت؟

[eng_ahesham]

ألف حمد لله على السلامة
يا جماعة الخير بلاش السرعات الرهيبة دى أرجوكم، فى الآخر لا تضع ثقتك فى أى آلة مهما كانت جودتها ممكن يحصل لها عطل فى أى وقت، و خليك دايما على السرعة الآمنة المناسبة للطريق. أنا شخصيا عمرى ما زودت عن 140 و كان على الهاى واى فى أمريكا و عربية دودج جبارة و طريق شبه خالى و حرير .....

طب و حالة الكارتيره أيه دلوقت؟

لا خلاص الحمد لله الكارتيره تمام و مفيهاش اي مشكله....ربنا يسترها بعد كده