هل أشترى تمبرا ولا دوجان شاهين ؟

[ibnelfared]

أن شاء الله هاشترى عربية لأخويا ومحتار ما بين التمبرا والشاهين ولما بحثت في مواقع البيع وجدت أن التمبرا أسعارها من 30000 جنية ألى 45000 جنية وبصراحة أحترت جدا جدا عشان كدة ولأنى مش قوى في الفيات محتاج من حضراتكم الرد عليا في بعض نقاط الأستفهام في الأمور الأتية :

1. بخصوص التمبرا أى الموديلات الأفضل للشراء وأزاى أفرق ما بين المثرى والأيطالى .
2. قطع الغيار هل رخصة أم غالية ؟ وهل متوفرة أم لا .
3. بالنسبة ثباتها وسرعتها على الطريق ؟
4. هل أتجكشن ولا كاربراتير ؟
5. هل فيها وسائل رفاهية أم لا ؟
6. عزل الصوت والحرارة بداخلة جيد أم لا وكذلك صوت الموتور .
7. قرأت أن التمبرا بها مشكلة الحرارة دائما فهل من حل لها أم أنها عيوب ليست أساسية فيها .
8. علبة الدريكسيون هل أحد مشاكلها أم لا ؟.
9. هل هيا على مقصات أم كبالن ؟ وبخصوص أنها واطية على الآرض هل من حل لها .

كذلك الشاهين والدوجان أيهما أختار لأن في عربية تمبرا 1994 ب 36000جنية كاملة من كل حاجة ؟

[M_a_h_M]

انت عارف لو زودت كمان الف او الفين .. هتركب برافا .. يعني بحوالي 37 الف .. هتركب عربية محترمة .. ثبات و قوة و نضافة و تقفيل فوق الممتاز .. كل الكماليات باور تكيف سنتر ازاز كهربا مرايات كهربا كرسي هيدروليك .. هتركب عربية انضف من عربيات كوري و حديثة بكتيييير .. دي نصيحة لله اتمني تحطها في بالك

[insurancebroke]

اعتقد ان الدوجان احسن من ناحيه قطع الغيار

[midors]

انا معايا تمبرا 90 والتكييف شغالوباور وسنتر عاملة 200 الف كيلو وعارضها للبيع ع 31 الف لو عايز تشترى والتمبرا عربية جميلة وقطع غيارها متوفرة جدا .....

[ahmed_gamal777]

أن شاء الله هاشترى عربية لأخويا ومحتار ما بين التمبرا والشاهين ولما بحثت في مواقع البيع وجدت أن التمبرا أسعارها من 30000 جنية ألى 45000 جنية وبصراحة أحترت جدا جدا عشان كدة ولأنى مش قوى في الفيات محتاج من حضراتكم الرد عليا في بعض نقاط الأستفهام في الأمور الأتية :
اولا اهلا وسهلا بيك يا كبير - و وحشتنى ياض يا ابن الاية

1. بخصوص التمبرا أى الموديلات الأفضل للشراء وأزاى أفرق ما بين المثرى والأيطالى .
2. الايطالى طبعا - والفرق فى التقفيل تعرفة وفى الزجاج كلة مكتوب علية جريش ممكن تبقى احتمال كتير مصرى - والتانية لا - الايطالى من 90 الى 96 - والمصرى من 96 الى 2001 - الايطالى يكسب
3. قطع الغيار هل رخصة أم غالية ؟ وهل متوفرة أم لا .
4. الشاهين متوافر عند اى بقال - التمبرا فى اماكن محددة - وكتير من حاجة الشاهين بتمشى معاها حاجات الشاهين - والاسعار رخيصة مش غالية
   
5. بالنسبة ثباتها وسرعتها على الطريق ؟
6. انسى الشاهين فى المقارنة - فى السرعة والثبات مفيش مقارنة لصالح الشاهين
7. هل أتجكشن ولا كاربراتير ؟
8. فى راى الشخصى - انجكشن - ارخص واحسن فى الكفاءة - الكربيراتير - اغلى والتصليح عند اى حد وكلة بيفتى - الانجكشن لا وكلة على بعضة ب 250ج
   
9. هل فيها وسائل رفاهية أم لا ؟
10. التمبرا - تكيف تاتش - سنتر - انذار - وحدات رفع - كلة دا فبريكة بتاع بلدة
11. عزل الصوت والحرارة بداخلة جيد أم لا وكذلك صوت الموتور .
12. التمبرا تكسب
13. قرأت أن التمبرا بها مشكلة الحرارة دائما فهل من حل لها أم أنها عيوب ليست أساسية فيها . مفهاش مشكلة حرارة فيها مشكلة الفتوى وكل واحد يقول اعرف وهو ميعرفش
14. علبة الدريكسيون هل أحد مشاكلها أم لا ؟.
15. من اكثر عيوبها - التمبرا - ولكن بنتحايل بان نشترى علب استيراد من حد نضيف وعلى التجربة
16. هل هيا على مقصات أم كبالن ؟ وبخصوص أنها واطية على الآرض هل من حل لها .
17. مفيش عربية فى الدنيا من غير مقصات - والتمبرا على كابلن

كذلك الشاهين والدوجان أيهما أختار لأن في عربية تمبرا 1994 ب 36000جنية كاملة من كل
حاجة ؟

استخير ربنا - ولاخاب من استخار ولا ندم من استشار
لمزيد من الاستفسار 01149437151

[J A G U A R]

زود وهات لانوس

[S O P H O S]

45 الف يعني ممكن تركب لانوس او فيرنا

[MOH1973]

ناصيحة التيمبرا تضرب اللانوس والفيرنا بالجزمة
لان التيمبرا عربية اعتمادية وثبات وعزم اقوي وافضل من كل الكوري
بس المهم العربية ميكونش ملعوب في الكهرباء بتاعتها في عربيات موديل 1992 ايطالي ممتازة المهم الحالة وليس الموديل ممكن تلاقي 1991 افضل من المصري 2000

[hugan]

ناصيحة التيمبرا تضرب اللانوس والفيرنا بالجزمة
لان التيمبرا عربية اعتمادية وثبات وعزم اقوي وافضل من كل الكوري
بس المهم العربية ميكونش ملعوب في الكهرباء بتاعتها في عربيات موديل 1992 ايطالي ممتازة المهم الحالة وليس الموديل ممكن تلاقي 1991 افضل من المصري 2000

كلام سليم
التمبرا تعمل عربيتين من الانوس والفيرنا
لو لقيت حاجه نضيفه منها افضل من الدوجان

[محمد حمد]

نصيحة بلاش التمبرا لان كلها مشاكل وأكبر مشكله إن قطع غيارها مش عند كل الناس بعكس اللانوس نعم هى أثبت على الطريق من اللانوس لكن االلانوس تتفوق عليها فى كثرة قطع غيارها ونجاح اللانوس فى مصر بعكس التمبرا اإنجكشن بتاعها فاشل وبتسخن ومش أى حد يفهم فى الإنجكشن بتاعها