عيوب ومميزات فيات بونتو ايفو 2011

[A_B_S]

السلام عليكم ياجماعة

كنت عايز اعرف مميزات وعيوب فيات بونتو ايفو 2011 ايزيترونيك لانها معروضة عليا

انا يهمني عربية ماتستهلكش اوي في البنزين وماتتعبنيش في مصاريفها وقطع غيارها

رايكم ايه يا اهل فيات الكرام في العربية دي وايه اهم مميزاتها وعيوبها من فضلكم وياريت شرح لفتيس الاوتوماتيك في الفيات بونتو لاني ماعرفش نظام الايزيترونيك فيها ومافضلش اسوق مانوال خالص ولو الموضوع فيه نقل غيارات زي المانيوال ده هيفرق جدا معايا وقت الاختيار

قدامي فورد فييستا 2010 اوتو بس حالتها افل شوية وعايزة صرف بسيط شوية عكس الفيات ومحتار بين الاتنين بصراحة

وشكرا جزيلا ليكم

[marko polo]

رد

حافظ على فلوسك ومتشتريش الفيات فيها مشكلة فى البور الكهربا بيفصل ومشكلة فى الفتيس بيمور لوحدو وغيرت طقم الدبرياج بسبب المشكلة دى وبعد 20 الف مشكلة المور حصلت تانى هى اتوماتك لكن فيها طقم دبرياج زى العربيات المانوال انا بعت عربيتى وهى ماشية 54 الف كيلو موديل 2010 وبعتها فى 2015 بسبب المشاكل دى وكان استخدامى للعربية استخدام راقى بالشوكة والسكينة
الفورد معرفش عنها حاجة

[A_B_S]

حافظ على فلوسك ومتشتريش الفيات فيها مشكلة فى البور الكهربا بيفصل ومشكلة فى الفتيس بيمور لوحدو وغيرت طقم الدبرياج بسبب المشكلة دى وبعد 20 الف مشكلة المور حصلت تانى هى اتوماتك لكن فيها طقم دبرياج زى العربيات المانوال انا بعت عربيتى وهى ماشية 54 الف كيلو موديل 2010 وبعتها فى 2015 بسبب المشاكل دى وكان استخدامى للعربية استخدام راقى بالشوكة والسكينة
الفورد معرفش عنها حاجة

الكلام ده بيحصل في كل البونتو ايفو ولا اللي كانت عند حضرتك بس؟

اصلك كده قفلتني تماما من العربية وهي بصراحة عاجباني جدا

[marko polo]

رد

الكلام ده بيحصل في كل البونتو ايفو ولا اللي كانت عند حضرتك بس؟

اصلك كده قفلتني تماما من العربية وهي بصراحة عاجباني جدا

كل البونتو بيحصل فيها نفس الكلام لان موتور وفتيس العربية متغيرش من 2007 ل 2016

[ssmansour]

هو كل البونتو أيفو ستربتونيك و لا فى أوتومتيك عادى ؟؟؟ ولو فى أوتوماتيك عادى ياترى العيب ده بيظهر فيه و هل الجراند أيفو فيها نفس المشكله ؟؟؟ وهل لازم أروح التوكيل فى الأصلاحات دى ولا فى ورش و ميكانيكيه بيشتغلو فى العربيه

[marko polo]

رد

الايفو والجرند نفس الموتور والفتيس والعيوب فى الاتنين واحدة ومنزلش منها اتوماتك صريح كولو الفتيس اللى اسمة الفعلى Dualogic لكن احنا فى مصر ممكن نسمية استبترونك او ايزى ترونك
مش شرط توكيل علشان التصليح فى مركز صيانة بيشتغل فى الفيات فى جسر السويس واسعارو اقل من التوكيل ودى ارقامهم 01212211625
01226509000
01145677844

[ssmansour]

الف شكر على الرد

الف شكر على الأهتمام و الرد جزاكم الله خيرا.......