عايز ال 128 تبقى بخسمة سرعات يا سبعاوي

[Ahmed A Rahman]

انا من مالكي ال 128 العظام
وهي غالية علي اوي لاني اتعلمت عليها واتجوزت بيها واولادي فيها
بس نفسي اركب لها غيار خامس عشان انا ساكن في القاهرة الجديدة وكل مشيي طريق سريع
100 على الاقل او 120
فعايز اركب عليها فتيس خمسة غيار
الميكانيكي بتاعي امين قالي ممكن نفك الفتيس ونحاول نركب خامس لو ينفع
او نشتري فتيس خمسة غيار نوفا عشان نازل خمسة اصلا
ايه رايكم وانهي احسن

[roky]

بص ... نجيب فتيس نوفا دي ممكن

انما نركب خامس دي اللي مش فاهمها أزي ؟؟

يعني ايه نركب خامس و الجير بوكس اصلا اربعه جير بس ؟؟

هل ممكن ينفع الكلام ده ؟

[ahmedzizo131]

الحل الوحيد و المضمون انك تجيب جيربوكس 5 غيار اساس ( جيربوكس النوفا ) التعديل مينفعش .
هل الغيار الخامس هيديك سعر ذيادة فعلا ولاا هتكون مصاريف على الفاضى ( هو دة المهم فى الموضوع ) ؟

[YaSSerwIN]

حتى لو مش هايدى سرعة على الأقل هايريح الماتور

[ahmed1981]

بالنسبة لتركيب خامس فهذا غير متاح

أما تركيب فتيس خمس سرعات فهو متاح
ممكن بتاع ال 128 النوفا لو لقيته لأنه مش موجود أو بتاع الريتمو وهو اللي هتلاقيه بسهولة
وهيقابلك عدة مشاكل :

1 - المشكلة إن قاعدة فتيس الرتمو مختلفة
والحل إنك بتجيب فتيس النوفا أو تجيب بتاع الريتمو وتركبله الحلة الخارجية بتاع الفتيس القديم
2 - لو عندك السيارة عادة لازم تغير الميزان بميزان جديد معدل حتى لا يخبط في الفتيس الخمس سرعات
3 - المشكلة الأخيرة وهي أهمهم
لو عربيتك موتور 1300 يبقى الخامس هيفرق معاك جامد جداً مهما كانت حالة الموتور
لكن لو عربيتك 1100 لابد يكون حالة الموتور ممتازة جداً حتى تستفيد من الخامس ويسحب معاك
لكن لو حالة الوتور مش تمام أو ضعيف نوعاً ما أنصحك تتلغي الفكرة
لأن اللي هيحصل إنك هتمشي على الرابع لغاية آخره وبعدين تجيب الخامس وتدوس بنزين للآخر تلاقي العربية بتهدي ومبتسحبش
ووقتها هتبقى خسارة وقت وفلوس وبهدلة عربية على الفاضي

وفي الحالة الأخيرة لو عربيتك موتور 1100 والموتور على قده أنصحك تستبعد الفكرة
أو لو مصر على الفكرة يبقى تشتري موتور إستيراد بالفتيس الخمسة غيار وتبقى غرامة بفايدة

في النهاية:
الفتيس الخمسة غيار ال 128 النوفا سعه حوالي من 800 إلى 900 جنيه
وهذا سعر غالي جداً جداً
لأن الموتور كله على بعضه بحوالي 1800 جنيه

والله أعلم

[Ahmed A Rahman]

بالنسبة لتركيب خامس فهذا غير متاح

أما تركيب فتيس خمس سرعات فهو متاح
ممكن بتاع ال 128 النوفا لو لقيته لأنه مش موجود أو بتاع الريتمو وهو اللي هتلاقيه بسهولة
وهيقابلك عدة مشاكل :

1 - المشكلة إن قاعدة فتيس الرتمو مختلفة
والحل إنك بتجيب فتيس النوفا أو تجيب بتاع الريتمو وتركبله الحلة الخارجية بتاع الفتيس القديم
2 - لو عندك السيارة عادة لازم تغير الميزان بميزان جديد معدل حتى لا يخبط في الفتيس الخمس سرعات
3 - المشكلة الأخيرة وهي أهمهم
لو عربيتك موتور 1300 يبقى الخامس هيفرق معاك جامد جداً مهما كانت حالة الموتور
لكن لو عربيتك 1100 لابد يكون حالة الموتور ممتازة جداً حتى تستفيد من الخامس ويسحب معاك
لكن لو حالة الوتور مش تمام أو ضعيف نوعاً ما أنصحك تتلغي الفكرة
لأن اللي هيحصل إنك هتمشي على الرابع لغاية آخره وبعدين تجيب الخامس وتدوس بنزين للآخر تلاقي العربية بتهدي ومبتسحبش
ووقتها هتبقى خسارة وقت وفلوس وبهدلة عربية على الفاضي

وفي الحالة الأخيرة لو عربيتك موتور 1100 والموتور على قده أنصحك تستبعد الفكرة
أو لو مصر على الفكرة يبقى تشتري موتور إستيراد بالفتيس الخمسة غيار وتبقى غرامة بفايدة

في النهاية:
الفتيس الخمسة غيار ال 128 النوفا سعه حوالي من 800 إلى 900 جنيه
وهذا سعر غالي جداً جداً
لأن الموتور كله على بعضه بحوالي 1800 جنيه

والله أعلم

ربنا يكرمكم يا جماعة
انا كنت عارف انكم مش حتخلوني اكلم نفسي
بالنسبة للموتور هو 1100 بس حالته رائعة
انا اصلا مبحطش غير 92 وكمان بغير زيت موبيل Xhp
انا عارف ان فيه ناس بتقول لي حرام بس الموتور عمره ما عمل معايا حاجة وحشة
وعلى طول مشاويري من المعادي للرحاب والعكس
بمشي في اليوم اكثر من 120 كيلو
عشان كده انا عايز اريحها
بالنسبة لسعر الفتيش بتاع النوفا حضرتك تقصد الجديد ولا المستعمل
ولو مستعمل حضرتك تفضل اني اركب موتور 1300؟؟؟
انا مش شايف اصلا مشكلة عندي
وانا عامل نص عمرة بس من 7 سنين والعربية ما شاء الله مافيش ميكانيكي بيبص عليها الا ويقول لي مكنة رائعة
لدرجة ان بتوع البنزينة لما بقولهم ايه رايكم في مجنون غيري بيحط 92 في 128
يرد عليا ويقول لي يا باشا عربيتك شكلها جديدة فمتستخسرش فيها
وهي اصلا موديل 86
فما رايكم يا باشاوات؟؟؟

[Sameh]

بص يا باشا أول حاجة تعملها تغير الميكانيكى ده وماتخلهوش يشتغل تانى فى عربيتك ، تانى حاجة بقا تسمع الكلام الأعضاء المكتوب فوق بخصوص (تغيير) الفتيس

[ahmed1981]

بالنسبة لسعر الفتيش بتاع النوفا حضرتك تقصد الجديد ولا المستعمل
ولو مستعمل حضرتك تفضل اني اركب موتور 1300؟؟؟
انا مش شايف اصلا مشكلة عندي
وانا عامل نص عمرة بس من 7 سنين والعربية ما شاء الله مافيش ميكانيكي بيبص عليها الا ويقول لي مكنة رائعة

سعر الفتيس المستعمل طبعاً لأن الحاجات دي مفيش منها جديد
ورأيي لم يتغير عن ردي السابق

[mtageldeen]

ممكن تسأل أيضاً علي فتيس الريجاتا وهو 5 غيار وغالباً هيركب عندك بشيء من التعديلات التي أخبرك بها المهندس أحمد

[islambana]

بص ياباشا كان فيه موضوع عامله الباشمهندس سبعاوي عن حكايه ال 5سرعات دي وهيا انك بتركب فتيس الريجاتا وده كلامه

ممكن تغير فتيس العربية وتجيب لها فتيس ريجاتا خمس نقلات ، بيركب فى نفس مكنا فتيس ال128 ، بس لازم تغير عصاية الفتيس كمان وتجيب لها بتاعة الجراند لوكس ال1300 علشان تجيب معاك الخامس، وهتحتاج تغير ميزان العربية وتجيب لها ميزان الجراند لوكس، لأن ميزانها الاصلى بيلطش فى الفتيس ابو خمس نقلات فى المطبات

يركب عادى جدا، انا من 3 سنوات كان معايا 128 عادة موديل 1972 بموتور 1100، وكنت مركب لها فتيس ريجاتا 5 غيار، وكان مخليها زى الطلقة نظرا لأن نسب تخفيضه افضل من نسب ال128، بس لو هاتركب فتيس 5 غيار سواء بتاع 128 او بتاع ريجاتا لازم تغير الميزان بتاع العربية إلى آخر بتاع ال128 جراند لوكس(الخمسة غيار) علشان ميزان العربية ال4 غيار شكله مختلف ولو ركبت فتيس خمسة غيار الميزان هايلطش فيه فى المطبات وممكن يخرمه

وده رابط الموضوع اللي فيه الكلام ده

http://www.nilemotors.net/Nile/showthread.php?p=411#post411

[Ahmed A Rahman]

الحقيقة الف شكر ليكم كلكم
انا فعلا كنت اتضايقت لما معظم الناس قالوا لي غير الموتور ولكن
كده ان شاء الله يبقى حركب فتيس الريجاتا او النوفا
بس نيجي للسؤال الثاني

أنجدوووووووووووووووووووووووووووووووووووووووووووووو وووني

[Ahmed A Rahman]

معلهش السؤال راح مني وانا بكتب

هل اركب فتيس النوفا على اعتبار انه بتاع العربية
ولا اركب فتيس الريجاتا اللي الناس مجرباه حتى سبعاوي مجربه ؟؟؟