اختراع روسي اسمه " ريسورس " Resurs

[nabil2008]

انا عندي العربيه ( 128 موديل 1998 وعامله 57000 كم باستعمل بنزين 90) بس فيها مشكله :

فيه زيت بيجي عل بوجيه واحد بس " رقم 2 من ناحيه الموبينه " و باضطر اغيره تقريبا كل شهر علشان الشراره بتضعف - وده علي فكره حصل بعد ما غيرت من زيت تقيل " التعاون الاحمر " الي زيت اخف " شل الاحمر 3000" بناء علي طلب الميكانيكي وعلي فكره الميكانيكي هو -عبد الحليم في ش العطور - طالبيه فيصل و بيقولي احنا هنستنه عليه شويه وبيغير البوجيه بواحد "سن قصير" كل شهر تقريبا بس انا خايف لياثر علي الموتور ويدخله في عمره كامله -- و الناس بتقول دي خفية ماتور
فهل ده يستاهل افك الموتور ولا ممكن حل تاني ..

,انا سمعت علي اختراع روسي اسمه " ريسورس " عباره عن زيت معدني بيدخل علي الشنبر او البستم "المتاكل - الي خف" ويرممه هل ده كلام صحيح و ينفع في الحاله دي

يا ريت لو حد جربه او سمع عنه من حد جربه يفيدني .. ؟
علي فكره ده بيتباع في كارفور سعر العبوه ال 50 مل للعمرات - لترميم التالف في اجزاء الموتور الداخليه - 85 جنيه و المندوب قال انه لازم تستعمل اكثر من عبوه علشان نحس بالفرق

لينك عن الموضوع
Resurs

[Haytham4ever]

و الله يا باشا انا كنت جربت البتاع ده زمان في الموتور القديم بتاعي 1100و العربية فعلا نعمت جدا ... بس كونه هيحكم تسريب الزيت و الله لأ ... الله اعلم

[tabeb]

اخبار الميكانيكي ده ايه؟ممكن توصفلي مكانه بالظبط عشان انا ساكن قريب منه