رايكم في توكيل فيات

[abo_salah]

السلام عليكم يا رجاله فيات ...
انا الحمدلله كنت باعمل صيانه ال 5000 كم للفيات جراند بونتو 2013 من كام يوم في مركز صيانه الدراسه ..
الحقيقه الناس محترمه جدا جدا جدا جدا جدا والمواعيد مظبوطه وكله تمام ...
بس كان عندي استفسار الحقيقه .. كنت عايز اركب سنسور بارك خلفي ..
وسالت عليه هناك بس للاسف ماحدش يعرف عنه اي حاجه ..
المهم .. اجيبه من بره واركبه تبع المركز ؟ قالوا لي لا مش بنركب اي حاجه جايه من بره المركز ..
طب اجيبه من بره واركبه بره .. لا برضه العربيه تطلع من ضمان الكهربه ..
طيب موجود هل يا تري موجود في التوكيل اشتريه واركبه تبع الضمان ؟؟؟
للاسف لا برضه لانه مش موجود عندنا ومش عارفين هاييجي امتي بس مش قبل شهرين تلاته لان لسه العربيه مالهاش قطع غيار في التوكيل ...
انا عايز اعرف حاجه واحده بس ؟ ؟
هو سعره كام في التوكيل تقريبا ..؟ او بره التوكيل .. وهل ده بيخرج العربيه فعلا من الضمان ؟؟ لاني سالت في مركز صيانه الدراسه ومركز جسر السويس .. وللاسف ماحدش قدر يفيدني او يديني رد مقنع .. ( ماحدش فيهم عارف اي حاجه عن الموضوع ده ) فا ياريت اللي يعرف اي حاجه عن موضوع السنسور الخلفي يفيدني باي معلومه
اجيبه من فين ؟ وبكام ؟ بالتركيب ؟ وموضوع الضمان ايه نظامه ؟
مش هايفرق معايا بكاميرا او صوت بس .. اي حاجه لاني فعلا محتاجه ....
اسف عالاطاله والازعاج ...

[totosaga]

السلام عليكم يا رجاله فيات ...
انا الحمدلله كنت باعمل صيانه ال 5000 كم للفيات جراند بونتو 2013 من كام يوم في مركز صيانه الدراسه ..
الحقيقه الناس محترمه جدا جدا جدا جدا جدا والمواعيد مظبوطه وكله تمام ...
بس كان عندي استفسار الحقيقه .. كنت عايز اركب سنسور بارك خلفي ..
وسالت عليه هناك بس للاسف ماحدش يعرف عنه اي حاجه ..
المهم .. اجيبه من بره واركبه تبع المركز ؟ قالوا لي لا مش بنركب اي حاجه جايه من بره المركز ..
طب اجيبه من بره واركبه بره .. لا برضه العربيه تطلع من ضمان الكهربه ..
طيب موجود هل يا تري موجود في التوكيل اشتريه واركبه تبع الضمان ؟؟؟
للاسف لا برضه لانه مش موجود عندنا ومش عارفين هاييجي امتي بس مش قبل شهرين تلاته لان لسه العربيه مالهاش قطع غيار في التوكيل ...
انا عايز اعرف حاجه واحده بس ؟ ؟
هو سعره كام في التوكيل تقريبا ..؟ او بره التوكيل .. وهل ده بيخرج العربيه فعلا من الضمان ؟؟ لاني سالت في مركز صيانه الدراسه ومركز جسر السويس .. وللاسف ماحدش قدر يفيدني او يديني رد مقنع .. ( ماحدش فيهم عارف اي حاجه عن الموضوع ده ) فا ياريت اللي يعرف اي حاجه عن موضوع السنسور الخلفي يفيدني باي معلومه
اجيبه من فين ؟ وبكام ؟ بالتركيب ؟ وموضوع الضمان ايه نظامه ؟
مش هايفرق معايا بكاميرا او صوت بس .. اي حاجه لاني فعلا محتاجه ....
اسف عالاطاله والازعاج ...

انا انشاء الله ناوي اجيب العربية ايفو او جراند بونتو مع ان ناس كتير شتمتلي قي التوكيل ومخاوفاني منه ياليت يا باشا تطمني وتقولي اخبار العربية عموما ايه والتوكيل وقطع الغيار .... وبالنسبة لموضوع اليارك سينسور عاوز اقوللك اني سالت اكتر من واحد صاحبي معاهم ايبزا و كورسا (اقصد عربيات هاتشباك) واللي اتقال ان اي لعب في ضفيرة الكهرباء يخرجك برة الضمان و عموما كل العزبيات الهاتشباك مش بتنزل ببارك سينسور (الا الجن تو) لان المفروض مش محتاجة (طبعا الكلام ده برة مصر ) . عشان كده انا غالبا بردو عحاول اركبه بس لازم في التوكيل.

[mhkorayem]

التقيم مع التوكيل يختلف

الصيانة الدورية

مقبول

الصيانة بطأ جدا
التكلفة مرتفعة جدا بس الصراحة كل التوكيلات بتستهبل

الضمان

وهمى
من الاخر الضمان هيبقى لو موتور ولع مثلا
الفتيس وقع
اى حاجة تانية هيقول ده سوْء استخدام

مصر مفيهاش ضمان في اي مكان
حتى في دول هيقول لك سوء استخدام
ربنا يرحمنا من قله الضمير

[mhkorayem]

انا واحد من الناس اللي فعلا كانت مخنوقه من اوماترا بخصوص مشاكل موجوده كتير في الصيانه والمشاكل اللي ممكن تحصل لكن انا حسيت باختلاف تام في الكام شهر اللي فاتوا

الناس بقت مهتمه جدا انها تدي احسن شغل للعميل ، وترضيه وفيه ناس بتكلمهم من هناك كل فتره تشوف لو فيه حاجه تعباك في العربيه وتحددلك ميعاد تروح تصلحها

وفيه ناس هناك متعاونه جدا امثال "الاستاذ احمد سعد " انا بحس اني لما بروح هناك انه ناقص يعملك العربيه بنفسه من كتر ما بيبقي مديك اهتمام


انا لسه واخد عربيتي انبارح كنت عامل حادثه بسيطه (الحمد لله)
ماشاء الله علي الدهان والسمكره كان الحاجات خارجه من المصنع


انا اكتر حاجه كنت بحبها في اوماترا هيا ان كل او معظم قطع الغيار اصلي (يعني تحس ان لما حاجه تبوظ انك ممكن تجيب زيها بالظبط بنفس الكفاءه من غير ماتزعل)


دلوقتي انا اشهد ان اسؤء قسم في التوكيل ( السمكره والدهان ) بقي احسن قسم بناء علي تجربه شخصيه

معلش يا باشا
بس يعني ايه معظم قطع الغيار اصلي ما هي لازم تكون اصلي اما اسمه توكيل ازاي
ده لو عنده اي حاجه مش اصلي تبقى فضيحه بصراحه ويبقى خساره فيه لقب توكيل

[Eslam Kadry]

مشكلة مع التوكيل

أنت معابا Fiat Palio 1500 cc , كانت عندى مشكلة فى مسطرة رشاشات البنزين أنى اتعاملت مع ميكانيكى برة التوكيل و اتكسرت منه و طبعا عمل عبيط ان مش هو اللى كسرها و كلمت التوكيل و خدو العربية من تحت البيت و فضلت قاعدة عندهم كتيير و كل ما أكلمهم يقولو ان المسطرة مش موجودة و هيشحنوها من برة قولت ماشى ، و قالو هنلحمها مؤقتا لغايت ماتيجى من برة و قولت تمام و طلعو عينى لغايت ما اتلحمت و اليوم اللى كنت هستلمها كان المفروض استلمها الساعة 10 ص ، فضلت قاعد للساعة 4 ع و كمان دة بعد ما اتخانقت معاهم عشان يخلصو العربية ، و خد العربية و مشيت و فضلت أتابع شهر معاهم عشان يجيبو المسطرة من برة و كانو نايمين على نفسهم و فلى الأخر كبرت دماغى منهم ، بس ده كان من حوالى سنتين معرفش دلوقتى بقى التوكيل أحسن و لا لأ !!

[Eslam Kadry]

السلام عليكم ... صوت التكتكة اللى عندك ده لما بتاخد الملفات بالذات الملفات الضيقة ، ده سببه الكبالن غالبا , فا أنت شوف بتتعامل مع التوكيل و لا ميكانبكى و قولو و أكيد هيعرف لو ميكانيكى كويس و ربنا معاك... :)

[ahtop1]

أنا في في الرياض في السعودية معملتش لسه ولا صيانة بس هما قالوا إن الصيانة بعد 10000 مفيش بعد 5000 دي خالص ... مش عارف هل دا صح ولا غلط ؟

[yasserelshakwe]

أخر اخبار فيات لينيا 2014 ايه واخبار التوكيل ايه كمان
مع الشكر

[airman707]

للأسف توكيل فيات معدش زى الأول \
شغلهم ف الجديد مقبول إنما ف القديم سىء و مش زى ما كان الناس متوقعه من أومترا ...........إللى هم أساساً بتوع ديزل
يعنى حتى شراهم لقطع غيار البنزين غالباً بتكون غاليه

[mohamed hussei]

التوكيل هيتنقل ومفيش عربيات بتنزل

[Mr Ashraf]

السلام عليكم ورحمة الله وبركاته
لدي سيارة فيات بونتو كلاسيك 2008 عاملة 130 الف
وقد اشتريتها حديثا و ارغب في الكشف عليها و عمل صيانة لها
ولكني لا اجد رقم الهاتف الصحيح للتوكيل
وهل اذهب للتوكيل بدون حجز ميعاد ام لابد من الحجز ؟؟؟؟

[jason92mido]

فين توكيل فيات بعد اذنك و يا ترى اسعاره معقولة ولا غالى ؟؟

[mohamed abbas9]

ana kont 3ayez as2al 3an el punto 2015 men na7yet en el 3arabya kowaysa wala
we shokran