فولفو ٍs80 و لا مرسيدس c180 -مناقشة رائعة

[maskeen]

والدى عايز يغير عربيته ..هو معاه باسات 2007

هو ناوى يدفع حوالى 300 تزيد او تنقص حبه

ولما سأل بنفسه وشاف محتار بين ال الفولفو s80 , و مرسيدس c180
حيرته مصدرها ان الفولفو اكبر وافخم وكماليات اكتر وموتور اقوى...لكن سعر اعاده ضايع وتوكيل مش مضمون...بينما المرسيدس العكس تماما

رأيكم ايه مع العلم انه مش ناوى يبيعها قبل 6-7 سنين على الاقل باذن الله

[الع العمدة مدة]

يفكر في e200 او e240 او 320 موديل 2003 او 2004 او e230 2007 دول احسن من الفولفو واكبر من ال c وافخم وسعرها ماسك نفسه

[maskeen]

شكرا ياعمده

بالفعل انا حاولت معاه فى دول وكمان عليهم 525 موديل 2009 بس هو رافض تماما فكرة المستعمل ولو عامله 10 الاف

ياجماعه والنبى مساعدتكم

[MohammedAladel]

شوف يا مسكين زى ما إنت قلت فى الأول شوف إنت مستعد تضحى بإيه الإمكانيات الأكتر ولا سعر إعادة البيع الأفضل

[Dawns_Mist]

لو مكانك مافيش مقارنة أصلا ... الفولفو تكسب أكيد ... و بما إنك مش هتبيع دلوقتي فسعر إعادة البيع مش مهم .. لكن الأهم إنك تطمن إن التوكيل كويس ... لكن لو قلقان من التوكيل كمان هتبص على زيرو تاني غيرهم خالص ... بس ماعتقدش هتلاقي زيرو في الحدود دي بنفس كفائة الفولفو ... و البي إم الفئة التالتة ماعتقدش تناسب والدك كمان .

[eng.m7md.ali]

صدقوني فولفو ليها معاملة خاصة جداً من عز العرب
عكس بروتون تمااااااامااااااً

[horas3000]

لا مجال للمقارنه
الفولفو كعربيه احسن خصوصا من ال c180
لو سعر اعاده البيع مش فارق معاك يبقي الفولفو وش

[mody3on]

الفولفو ، بس لو فكر يبيع مش هيلاقي حد يشتري اصلاً

[asaber]

للعلم ال c موديل 2013

الفتيس بقي 7 سرعات اوتوماتيك وعزم الموتور اتعدل شويه و بقي 250 نيوتن /متر من اول 1250 لفه
يعني فعليا السي هتكون اسرع و اقوي من الفولفو
التسارع من 0 الي 100 بقي في 8.5 ثانيه

[Mohab.Nabil]

صدقوني فولفو ليها معاملة خاصة جداً من عز العرب
عكس بروتون تمااااااامااااااً

الكلام ده سليم فعلا

حتى ستروين برضه ليها معاملة مختلفة عن بروتون .. انا جربت الاتنين فى التوكيل

بس نصيحتى

c180 الجديدة بعد الفيس ليفت بقى شكلها لطيف جدا من برة و من جوة

و بعدين اظن ان والد حضرتك مش هيفرق معاه التسارع بشكل كبير اوى .. و المرسيدس برضه اكيد مش عربية بطة .. يعنى حتى لو الفولفو تتفوق فى التسارع شوية .. هتلاقى المرسيدس مش بعيدة

و بصراحة فى مصر المرسيدس ليها وضع خاص غير الفولفو حتى لو الفولفو كعربية احسن

[mahamede]

c180

[MaZaGAngeE]

فولفو طبعا
بكل تاكيد ظروف السوق هتتغير خلال سنة الى سنتين
و بالتالي احتمال كبير ان اعادة البيع مش هتفرق بين العربيتين ساعتها

[maskeen]

الف شكر لكل من شارك
انا هاعرض عليه كل الاراء دى الجمعه الجايه باذن الله

هو طبعا التسارع مش فارق معاه نهائى..ده راكب الباسات ال 122 حصان :) البطه الاصلى

[zangry]

الفولفو احسن طبعا

بس خليه يجيب c180 :d

[الع العمدة مدة]

للعلم ال c موديل 2013

الفتيس بقي 7 سرعات اوتوماتيك وعزم الموتور اتعدل شويه و بقي 250 نيوتن /متر من اول 1250 لفه
يعني فعليا السي هتكون اسرع و اقوي من الفولفو
التسارع من 0 الي 100 بقي في 8.5 ثانيه

للعلم ايضا ده في c250 بس ال 180 5 غيار
وبما انه مش عاوز مستعمل فا احسن حاجة انو ميجبش ال c180 الكلاسيك الي ب 300 الف لانها مفيش فيها مواصفات اساسا الا لو يدفع 400 الف في افنجارد بس حرام عربية زي ديه يدفع فيها المبلغ ده دا انا احط عليه 100 الف واجيب مرسيدس s350 2006 بانوراما