أستفسار بخصوص سرعة اللادا

[abokoko]

سوال للناس اللى كسرت ال 100

هو كان تسارع لحظى يعنى جبت ال 120 او ال 180 و نزلت تانى بسرعة و لا بقيت ماشى ثابت بنفس الرعة دى مدة طويلة ؟

فى السفر وعلى طريق صحراوى مستوى او نازل و يكون معاك الهواء مش ضدك
ممكن تتعدى ال110 بسهولة وتستمر عليها
وفى منزل عديت ال130
لكن وبكرر لكن
العربيه بعد ال100 بتحسن انها مش مستقرة ولما بتجاوز عربيه على ال100 ببقي ماسك الدركسيون بايدى الاتنين

السرعة مجموعه من العوامل بتكمل بعض ومش هتلاقي اغلبها فى ال لادا
زى
تكنولجيا الموتور / السعه اللتريه / نسبة الجر للعربيه = مقاومتها للهواء/ التعليق والعفشة
اخيرا الفرامل اللى تتحكم فى السرعه عند الحاجة

[mohammed dodda]

أهم عامل للسرعة الحرق المظبوط للمكنة والباقى كله عوامل مساعدة....ولو حالة المكنة أصلا كويسة يبقى اللى يساعدك على ظبط الحرق حاجات مهمة زى : الفلاتر والبوجيهات والابلاتين والكوندنسر-التاكيهات-نظافة الكاربرتير وبكاته -عفشة سليمة لضمان الثبات......الحمد لله انا مرة جبت 175 باللادا ماشاء الله لاقوة الا بالله بس معرفتش أجيبها تانى بس أحب أقولك ان ال160 مش صعبة واستحالة لادا مظبوطة متجيبش ال140

[hassanin_lada]

اانا اقصي حاجه جبتها 145 وكانت علي طريق داخلي وقصير لا يتعدي ال 4 او 5 كيلو وكانت علي الرابع فاعتقد انها في الطرق المفتوحه هتجيب اكتر وهتبقي مستريحه اكتر