مشكلة قاعدة سليكونات دينامو اللادا2017 موديل2007

[mohamed544]

اولا دي اول مشاركة ليا في المنتدى واحب اشكركم جميعا على كل المعلومات الهامة اللي بنتعلمها من حضراتكم
المشكلة عندي اني اشتريت العربية من سنة تقريبا استعمال بس فعلا اكتر حاجة حلتها فيها الدينامو
وتحديدا مشكلة قاعدة السليكونات اللي بتضرب كل شوية فياترى العيب ايه مع العلم تغييري قاعدة سليكونات خلال السنة دي 3 مرات

[lada2010]

طيب ما تغير الكهربائى ممكن يكون بيغيرها بواحدة صينى مع السخونية بتضرب

[Mecha]

غير دينمو وريح دماغك

[hugan]

تصليحها نصب من الكهربائيه
اشتري قاعده استيراد
او دينامو كامل لو ما بتتباعش استيراد

[mohamed544]

شكرا جزيلا لحضراتكم جميعا
انا فعلا غيرت الكهربائي ومفيش فايدة اعتقد مفيش حل غير اغير الدينامو كله

[abokoko]

عندي لادا 2107 انا تاني يد بس صاحبها مغيرش فيها حاجهلما بدات تطلب شغل وتجديد باعها لي وانا اللي غيرت حاجاتها يعني كل حاجه فيها كانت اصليه الكلام ده علشان ااقول لحضرتك ان دينامواللادا المصري مختلف عن الروسي حتي لو كانوا متقاربين في الشكل ومقاس الملف الداخلي مختلف ريح بالك واشتري دينامو استيراد انا جبته دينامو روسي وبيتقال في انواع تانيه تركيب نوع بوش 70او65 امبير هاته استيراد والثمن بيختلف حسب النوع من 150 ل 250



لو قابلك مستقبلا مشكله في المارش نفس الكلام متصلحش هات مارش بوش استيراد حجمه اصغر و احسن

[mohamed544]

شكرا جزيلا للعضو abokoko
على هذه المعلومات الهامة جدا واحب ان اعرف عن الحاجات الاخرى الضروري تغييرها
لان ظروفي نفس ظروفه انني تاني يد للسيارة وبحاول القط حاجة حاجة فيها